شنو اسوي مع بنتي؟؟

[zargona99]

السلام عليكم كويتيات

بنتي عمرها تقريبا سنه وماتنام بفراشها من شهرين وكله تنام عندي وانا اللي علمتها على هالشي وتحسفت والحين احاول تنام بفراشها بس تبجي بجي واقعد تصرخ ماتبي تنام بفراشها

وحتى اذا نامت عندي وبعدين احطها بفراشها تقعد جنه تدري انها بفراشها

شنو الحل يا امهات شسوي ابيها تنام بفراشها ؟؟

يعني اهدها لما تبجي ساعه وساعتين لما تتعب وتنام ؟ اخاف تتيبس من البجي

 

[ريتاج_90]

ياحليلها الله يخليها لج ويحفظها لج

ماعندي فكررهـ ..

 

[zargona99]

تسلمين حبيبتي

 

[طيبة83]

انا بنتي نفس بنتج ما تنام الا معاي ع الفراش

مستحيل اخليها تصيح طول الليل

اهو ع حسب نظامج اذا تبين نظام انجليز خليها في سريرها ليله ليلتين بتصيح وبتعود

واذا عادي عندج خليها عل اقل تاخذ حنان

 

[ReD&FoSHia]

عيالي كلهم جذي قمت انومهم بفراشهم وياي طبعا انام يمهم
بعدين اقوم واروح داري عاد اييوني الفجر وينامون عندي
بس كانت فترة و عدت الحمد لله

 

[orange blossom]

حاولي بالبدايه تقعدين معاها بالغرفه حزت النوم
و تقرين لها قصه او تحطين لها الالعاب اللي تحبها
لمن تنام
و انشالله تتعود تنام بروحها

 

[سماء الاحساء]

وانا إعاني مثلج ابني بؤ اربع سنوات والثاني ثلاث ثنيان هم عندي بالفراش

 

[Om.hsoone]

واي صج مشكله ...
انا ابي اعود بنتي تنام بغرفتها بس اقول توها صغيره ١٠ شهور
لكن خايفه انها تتعود ع النوم معاي بالغرفه

بنات متى تبدون تخلون عيالكم ينامون بغرفهم ،،؟

 

[أمـ مبارك]

شوفي انا نفسج لكن عودته على فراشه الفجر اذا بكا احطه عندي هذا كنت تعبانه ومالي خلق


لكن لي الحين انومه عندي لانه يرتاح اذا نام معاي


وبالنسبه اذا ماتبينها كلش خليها تصيح تصيح لين تيأس وتتعود

 

[مألوفة]

انا عيالي ينامون عندي بس انا مستانسة على الوضع وحتى ابوهم ما يقول شي واذا ما نومتهم بحضني ما اعرف انام خل بنتج بحضنج لا كبرت شوي ديكوالساع نوميها بروحها

 

[M!SS.LOBY]

حاولي أكثر من مرة

 

[Toffeeya]

اذكر كان في برنامج بريطاني اسمه سوبر ناني تعلم الامهات شلون يتعاملون مع عيالهم
كانت تخلي الام تحط البيبي بفراشه وتروح غرفتها لما اييها بليل تقولها ردي حطيه بفراشه بدون لا تكلمينه ولا كلمه حتى اذا بجى لا تكلمينه
و تتم الام رايحه راده طوووول الليل تحط الولد بفراشه و يقوم يروحلها و ترد تحطه و يرد يقوم اخر شي يتعب من الروحه والرده و ينام بفراشه و كانت تعلم الام تستمر بهالحركه وما تيأس و تمت حول ال 3 او 4 ايام رايحه راده لما اخر شي نام الياهل بغرفته من اول مره و ماقام يروح عند امه كللللش