شنو اسوي معاه حركته تبط الجبد

[قلوس وردي]

السلام عليكم
شلونكم بنات

بدون مقدمات ليقربكم مشكلتي والله يعلم اني متضايقه بس ما قلت لاهلي ولا امي
انا مالي غيركم وأبي رايكم
بنات انا متزوجه من سبع شهور تقريبا
للمشكله بنات زوجي من يوم تزوجت حاكرني بالبيت
تخيلو لليوم هذا ما طلعت ولا مره بس مره رحت السوق حق العيد
وكتبت موضوع والكل قالي اصبري
وسمعت نصيحتكم وصبرت وما شفت نتيجه
والمشكله الثانيه المصروف
تخيلو بنات يعطيني 50 حق كل شي يعني فواتير التلفون والصالون
ومصروفي للجامعه وكلللل شي
وانا كل شهر أخذ من امي ولا أبوي ولا اخواني
بس خلاص احس أفشلت قدامهم
وذاك اليوم لما جيت لاهلي قبل ما انزل قلتله يا فلان انا مارعندي مصروف عطني
لأني بنام عند اهلي
جان يقول بالطقاق بلعنه
مالي شغل فيج ويلا اخوه نزلي بس
بنات والله انقهرت
تخيلو صارلي ثلاث ايام عند اهلي
ماجا يأخذني ولا حتى دق علي
شسوي بنات شورو علي
بليييز

 

[شادن33]

حراام وانت بعدج سبع شهور وجذي يعني عروس بعدج استغفر الله يماما لاتاخذين مصروف من اهلج وتعودينه اذا هو مقتدر ماديا تفاهمي معاه باسلوب ناعم وذرب وشوفي من اي ناحيه اتين حق ريلج يعني شنو نقطه ضعفه وكلميه بهدوء ومسايس ولااااااااااا تنامين عند اهلج ليش تنامين ياربي!!

 

[طموحه بزياده]

ليش لازم في اسباب ؟؟


ناقشيه اكثر وقوليله انا انحرجت اخذ فلوس من اهلي يمكم يتفشل

 

[شادن33]

ولاتسوين فيه حركه تبط الجبد وتعاندين تفاهمي معاه على كل شى انت تبينه ماراح يفيد العناد وحركات بايخه انت في اول الطريج والله يهديلج ياه*

 

[هيله يارمانة]

شوفي حبيبتي
اول شي لازم تعرفين كم معاش ريلج
اذا كان معاشة رااهي لازم يعطيج مصروف شهري لج بروحج مو للبيت ...
وتالي لاازم يصرف علي بيته ماشله وبنزين وتصليحات الخ خ خ
... النصيحة كالاتي :
كلميه شوي شوي ..يعني بالهداوه ..وساحليه وقوليله انا الحين مالي غيرك انت الحين ..مو كل ساعة اطلب من اهلي !! فشلت منهم !!

لو فاد فيه الحجي والمساحل ...خير وبركة لو طلع بخيييييل ...كلمي امه ولا ابوة اذا علاقتج زينة وياهم واهم يحاجونه .
ولو مافاد حجي اهله مالج الا اهلج ..ابوج يكلمه ويفهمه السنع !!!!

الله يهديه يارب

 

[قسوة الزمن]

بسالج هو قبل ايام الملجه جافجج نظرة شرعية وله لا ويمكن يحب وحدة ثانية

 

[r0007]

شوفي كم معاشه وايش عليه من التزامات
من ثم شوفي اذا هو بخيل او لا
انا من رايي اذا بخيل تطلقي ليش تعورين راسج مع واحد نفسه ولا يقول لج بالطقاق

صج قويه وتوكم معاريس

 

[حفيدة شقران]

لا حول الله ولا قوة الا بالله
يعني حاكرك وبخيل واسلوبه مو حلو وانتي توك عروسه؟؟؟
حبيبتي حاولي ما تحملين هلفتره شوفي بيتغير ولا انفصلي احسن لك

 

[قل علها خيره]

الكلام الي قلتيه بصوووب وكلامه لج واسلوبه بصووب ثااني (( يالله نزلي بسرعه وبالطقااق مالي شغل فيج)) !!!!!!!!!!!!!!

مادري شلون عديتي هالساالفه له *

ع العموووم الله يهديه لج ويسخركم لبعض ~بس زوجج يبيله موقف قوي يردعه شوي %

 

[سارة ة]

الله يكون بعونج حبوبة

 

[سفيره الكويت]

هذي حال البنت للي ماتشتغل يمكن ريلج مو مقتدر لازم توقفين معاه وماتكثرين عليه طلبات ريلج يوم زعل ماينلام حس بداخله انه مو

قادر يصرف عليج ويعيشج مثل ماتبين فانفجر وقالج هالكلام لازم تصبرين معاه لين الله يفرجها واخذي من اهلج مصروف وشرحي لهم

الظروف ومافيها شي لو خذيتي من اهلج ولا انج تطلقين وتكسرين قلب الريال وقلبج بسبب كلام الناس

 

[حجيه هيونه]

هذا شفيه !!!


اقول حبيبتي مالج الا ابوج روحي كلميه وخل يمسكه ويسمعه كم كلمة يستنع ويعرف انه ماخذج من بيت ناس مو من الشارع

والله حرني وبط جبدي الله يعينج عليه

 

[$$king moon$$]

انا اقول دام ليما الحين ماعندج عيال كلميه وصارحيه
وقوليله انج متضايقه من الوضع واذا ماكلمج عدل دخلي احد من اهلج
ابوج او احد من اخوانج او ابوه وشوفي ان شالله بتلاقين حل
ولاتسكتين

 

[رقـة الاحسـآس]

اول تاكدي من ظروفه الماديه و معاشه
بعدين قرري شو تسوين
وما انصحج تباتين عند اهلج الا اذا هم فمنطقه بعيده عنكم ومب دايما
اما اذا قريب خليها زياره
تردين و تباتين عند ريلج

وحتى لو ما تطلعون < ادري كيف هالشي يضايق و يتعب النفسيه
الحكره تخلي المزاج اكس
بس انتي حاولي يكون جوج معاه فالبيت غير
وخليه يحب قعده البيت معاج و انتي بعد
جوفو التي في اسهرولكم ع فلم و كوني مسويه خفايف شي جي
لعبو اذا هو من النوع اللي يحب الالعاب
تقربي منه اكسبيه
حاولي ترتبين وقتج خاسه انج بعدج طالبه
دراستج و هالامور حاولي تخلصين فالجامعه وفالاوقات اللي هو مب موجود فالبيت عشان يوم يرجع تتفرغين له

 

[الأميرة جوري]

تفاهمى معاه بس بهدوء مو هواش وشوفي يمكن عنده ظروف او مضغوط....

 

[بحةة آلشۈق]

شششوفي حبيبتي لـآتدخلين احد من اهلك انصحك والله انصصصحك ماحد له دخل بحياتك انتي الوحيده اللي تقدرين تحلين المشكله بآسسلوبك مفتاح الحل عندك صدقيني واهم شي ادعي ربك بصصصلـآتك والله بتشوفين العجب بحياتك الله يهديه لك ويسخره لك حبيبت قلبي دعواتي لك حاولي تكلمينه بهدوء ودلع =)

 

[يسامحك ربي]

الله يكون بعونج
بس انا اقول دقي عليه وقوليله ابيك بسالفه ضروريه
واذا ياج تكلمي معاة بكل جديه وشرحيله ان هالوضع مايناسبج
وان انتي مسؤوله منه الحين
وشفي يمكن لا شافج جاده يتغير شي
والله يسخره لج

 

[manoolita]

ظروفه الماديه و التزاماته ماتبرر له انه يقولج هالكلام و بهذي الطريقه اشلون ماله شغل فيج ؟؟؟!! وحتى لو تشتغلين ومعاشج آلاف انتي ملزومه منه بكل شي من الألف للياء ولازم يتحمله مو من طيبه غصب عنه بالشرع و الدين و القانون و العادات و التقاليد وبكل شي اهو العائل الأول و الأخير لج
شوفي حبوبه قعدي معاه و بكل هدوء وصراحه فتحيله قلبج و قوليله شنو اللي مضايقج و موحابته و مومرتاحه منه وحاولوا توصلون لحل يرضي الطرفين و الله يهديه هذي اولها ينعاف تاليها.
الله يعينج عليه و يهديه لج و يسخره​

 

[(حكاية قلب )]

خلى ابوج يكلمه حبيبتي هالموضوع ماينسكت عنه
باجر لآ جبتي عيال بيعطيج بس 50 !!
مو معقولة الله يصبرج حبي

 

[غرور الريم]

الله يسخره لج