شنو اسوي بام زوجي

[المحافظه]

سلام حبيباتي
عندي موضوع باخذ رايكم فيه شرايكم بام زوجي سوت غدا ذاك اليوم بالبر وعااازمه حريم هي وبناته طبعا حماتي هي مسويه الذبيحه بمخيم اهل زوجي انا قدر الله ماجيت ذاك اليوم مالي خلق انصدمت الا فيه غدا
سالت زوجي قال ماعندي علم يوم جت جزت الغدا دقت حماتي علي زوجي وينكم
الساعه4 العصر قال زوجي شفتي دقو علي وبلغوني قلت وشلون انا محد قالي والحين راح الوقت
قلت انا اذا صار عندي غداء اطرش مسجات للكل والحين يوم سون غدا محد يبلغ
قال زوجي دقي امي وساليهااااااا
دقيت علي ام زوجي وقلت خاله عندكم غدا ليش ماتبلغون
قلت لو جايه للبر مو كاااشخه
قالت تخيلوووووووووو
انا مااااعزم ولا مررررره من حريم العيااال
انااا اكره الحريم كلهن
انا هنيه انصدمت
والله يابنات انا خااالتي حيل اعزه وقدره وعمره مااااشافت مني الشينه
اللحين بسراحه حقدت عليهاااااااا
والله يابنت بالبر كلما اسوي شي او اطبخ شي اجيب لخااالتي منه لان هي تعيي تاكل عند حريم العيال
الحين انا شنو تنصحوووووووووني

 

[كويتية زقرتيه]

ميخالف حبيبتي أتصير وايد هالسوالف بين الجنات والخالات في مثل أنا أحب أطبقه طنش تعش وكأن شيئا لم يكن لا أتغثين عمرج ولا شي لأن بالنهايه مراح اتسوين شي غير إنج تدعين إن الله يهديها ويسخرها لج​

 

[منال $]

عاااااااااااااااااادي صار وما رحتي وفي غدا وين المشكلة
انتي بنفسك بتقول انة قدر الله وما جيتي؟؟
يعني اكيد طالعين يعني في غدا
انا اقول ولا تفكري بالموضوع ولا تعاتبي احد افضل
الموضوع مو مستاهل
سواء في غدا او لا انتي ماكنتي رايحة فعادي

 

[ميما الاموره]

متل ما قالوا البنات طنشي
عشان ما تكبر القصه ويصير مشاكل
دائما بصير سوء فهم بالحياه ولازن نطنش عشان نقدر نعيش​

 

[المحافظه]

بنات انا اقدرهم ووجبهم ماااتخيلون وهاذي اخت زوج اول من اطرشلهاااا مسج هي
بس هم عندهم نظااااام ممنوع تكلمين ولا مره من حريم عييييالهم
يبون احااارب كل الحررريم ولا مانقدرج
بس انا الي قااهرني يدقن علي زوجي مايدقن علي
يوم قلت خاله انا ادز مسجااات للكل
قااالت انتي كيفج اناااامابلغ احد
اول كااانو يبلغون ارجااالنا الحين حتي زوجي انا قلتله يوم جاااء وقت الغدا دقن عليه
يعني علمنااااا
الحين والله ماااادري اشلون احط عيني بعينه بالعيد الوطني

 

[!الجادل الصعب!]

انتي كبرتيها .. مآبلغوآ وانتي آصلا ماكنتي تقدرين تروحين ..
ومو حلوه تدقين تحققين ليش ماعزمتوني ..!

 

[المحافظه]

الحيييييين شلوووون هذي مو اول مرررره يسونهاااااا
انا ودي ارد اعتبااااري
وادري انا خاااالتي بنااااتهاتا يشيشونه علينا
والله انا مابي الا يكون بيناا احترررام وتقديرررر

 

[الجوهرا]

لازم تعودين نفسج على هالدقات

 

[المحافظه]

اختي الجااادل انا دقيت ماااقول ليش ماااتعزمون
انا قلتلهااا ليش تدقووون علي زوجي ماااتدقون علي
لان زوجي يحن علي يقووول امشي ينطرونك علي الغدا
وهن جذابات الحريم تغدو وخلصووو
بس يمثل قدام زوجي
قلت لزوجي ليش يدقون عليك ليش مااايدقون علي
قااال زوجي دقي علي امي وساليهاااا
قلت انت قلهم هذا تلفونها دقو عليه
قاااال مااالي شغل بهسوووالف انتي دقي علي امي
يوم دقيت علي امه قلت ليش تقلون لزوجي ماااتقلون لي انا
قاااالت انااااا
ماااادقيت علي رجلك قل جبه انكرت الموضوع
انا فيه شغلات تخصني يسالن زوجي يساالني
قلت ليش هلحوووواجز
ليش ماااتسسالني انااااا
ليش زوجي
وانااامعاهم حييييل حيل ميانه
بس مااادري ليش جذي يسون
يبن يبينن قدام رجلي انا نحب زوجتك وهن كاااشتات فيني بالوووواقع

 

[أم عزيـز]

حبيبتي اشتري رضى زوجج وطوفي هالسوالفه
تدرين الزوج مهما صار ما يرضى على اهله حتى لو يدري انهم غلطانين

وانتي المره اليايه اذا ما تقدرين تروحين خلي زوجج يبلغ انج ما تقدرين علشان محد يقطها براسج
ويسوي نفسه يبي يعزمج وناطرج على الغدا واهم بالاساس ما بلغوج

خليها تصير منج احسن اذا قدرتي تروحين روحي
اذا ما قدرتي بلغي انج ماراح تيين وكان الله غفور رحيم

 

[كربون امها]

يمكن مايبونج بالعزيمه قدري هذا الشي ولاتكبرين الموضوع حيل لا ن مايستاهل اللي يشوف مصايب غيره تهون علي مصايبه. ،

 

[&&&&&&&&]

كبري عقلك وعامليها بطيب علشان ترضين ربك ثم ترضين زوجك​

 

[هلاااااوي]

صج لا قالوا الطيب فى الحريم ضايع ياحياتى لاتغثين روحك

 

[لمى الهاجري]

يمكن عنده حريم عيال غيرك جننوها فتعقدت

 

[دنياالوله]

والله انا ما أشوفها مشكله اللي يقدرني اقدره واحطه فووق راسي واللي مايقدرني اطنشه ومااعطيه اي اعتبار والتمس له العذر
والله لو بمكانج مااشره ولا ارفع التلفون
اللي فهمته من كلامج انج ذكيه كنتي حاسه انهم مايبونج تجين وقلتي مالي خلق
بس بنفس الوقت تبين تسوين مشكله رحتي دقيتي ليش أسألي نفسج
يبا لا تحطين زوجج بينكم عشان انتي ماتخسرين زووجج لانهم بالاخير اهله

 

[انا لها شمس]

ماله داعي مسويه ازمه ومضايقه ع شي ماااايسوى
عزموني جزاهم االلله الف خير ماعزموني كيفهم
لاراح ينقص من عمرج شي وولا راح يصير عليج شي
لاتوقفين عند امور بايخه وسخيفه مثل جذي*

 

[يا كويتنا]

انا لو مكااانج


ما ادق كلش ما اعزمونا والساعه جريب العصر شكو داقه

انتي جذي نزلتي نفسج للخاله وحصلتي هالحجوه

مع الحموله خليج داايم عازه نفسك وصدقيني بالاخر بيعزونج لا وما تصير عزيمه الا يدقون عليج ويحسبونلج احساب بس اهم شي

خليج بحدود حقهم وواجبهم

وخالتج لي شفتيه سوي نفسج ولا كانه شي صاار كبري عقلج اذا مو عشانها عشان زووجج لان دخولج مع اهله معركه خااااااسره وانت الطرف الخاسر ما تربحين الا الغثاوتاكلين بروحج علا شنو




وسلااامتج

 

[Tom ♥ Jerry]

.


غريبه ليش ما تعزم و لا وحده من جناينها
اذا كل حريم عيالها مو عازمتهم عادي طوفي السالفه
مو بس انتي الي مو عازمتج ..

الله يهديها

 

[PuPa^^SWeeT]

حبيبتي انا ماقرييت الا اول تعليق و نسييته بعد



سووها مرة ولا عشر مرات



انتي عموما بتروحين بيت حمولتج ولا برهم ولا اي مكان بالدنيا لازم اتيين كاشخة و انيقة و بسيطة

هذا شي


الشي الثاني


الخالة فاااكة رووحها من القيل والقال

لأنه مو بس انتي شكلج جنة

عندكم شكلكم وااايد



اسم الله علييكم


اهيي تبي اتفك رووحها من الزعل و قااالت انا ما اعزم حرييم العيال



صااجة يمكن قبل لاتيين انتي صاار موقف انه ليش قلتي لفلانة قبلي ولا ليش خليتي فلانة اتبلغني


فا فكت رووحها


الشي الثالث



اذا ريلج قاااااالج في عزييمة عند اهلي


ومتوقع انه حريم الحما متيمعين


حبيبتي لبسي و كشخي و رووحي من كلام


انتي واهوا واااحد




الشي الرابع


انتي بالاساس ماكنتي تبين اترووحيين


فا مو حلوة طلعتي حرتج بهالعزييمة


جان نطرتي




عالعموووم لي كثروو الجناين صااارت الحياة جذي



ياحبيبتي

ساعات انج اتطوفين ولا تكبرين الاموور تكبريين انتي و تعظميين

 

[بطوووطة$بيضة]

المفروض ياحبيبتي مادقين
حتى لو دقوا على زوجج
جان قلتيله انته روح انا مايمديني
وخلاص