شنو اسوي؟

[زينب 12]

مرحبا ..
انا اجهضت الشهر اللي طاف..
يعني المفروض تيني الدوره هالشهر ..
اجهضت تاريخ 17 نوفمبر ..
يعني المفروض 17 ديسمبر تيني الدوره والحين تاريخ 26 ديسمبر ..
وكانت دورتي منتظمه ..
رحت المستشفى .. واكشفت علي الدكتوره انا مو حامل .. وقالت لي مافي اي مشكله وان بتجي هالايام الدوره ان شالله ..لو مانزلت الدوره بعد 3 اسابيع تعالي واعطيج حبوب ينزلها ..
بس انا خلاص نفسيتي حيل زفت لان ماحس هالشي صحي انا ماتنزل علي ..
وابيها تنزل وارتاح .. مرات احس بصدري يعورني واقول بس خلاص باجر بتنزل وماتنزل ..
وجربت مشيت امس ومانزلت
ومره جربت اشرب جاي دراسين ومانزلت ..

شسوي فيدوني ابيها تنزل .. وابي احمل

 

[baa6aa]

ماعندي فكره ان شاء الله البنات يفيدونج
بس ما يمنع تستشيرين دكتور او دكتوره ثانيه

 

[أأأميرة الورد]

بعد الاجهاض لازم تتاخر الدوره اسبوع او اسبوعين

ماراح تنزل عليج بنفس الموعد

لاتفكرين فيها وايد وان شالله تنزل

وشربي مرقدوش بسرعه تنزل

 

[# غنوجة بيبي #]

انا نزلت بعد الاجهاض بشهرين

طبيعي لخبطة هرمونات ولا تاخذين شي و مصيرها بتنزل



سوي تحليل حمل يمكن حامل و ماتدرين !!!

 

[اميره بكلمتي]

عادي يمكن خربطه بالهرمونات انتي لاتعبثين بنفسج ولاتشربين شي خليها أهي تنزل من كيفها

 

[HoD'HoD]

عادي يتغير موعدها بعد الاجهاض مو شرط تنزل بعد شهر

انا بكل اجهاض غير مرة بعد شهر ومرة طولت شكيت اني حامل وانا متأكدة هههه

خليها تنزل بروحها والله يرزقج بالحمل يارب

 

[زينب 12]

للحين مانزلت الدوره ومادري شسالفه ..
المشكله صدري صار له فتره يعورني
وامس ياني ألم دوره قوي وبعدها ماكو شي
نفسيتي حيل تعبت والله,,

وانا ماتوقع اني حامل لانو ماصار شي للحمل .. لان الشهر اللي طاف اجهضت وقلت برتاح شهر او شهرين لان يقولون ماينفع ولو اني حيل متحسره اشم ريحة ضناي

 

[om 7amoodi]

أنا تأخرت علي عقب الاجهاض اسبوعين

لا تحاتين و الله يرزقج قريب ان شاء الله

 

[مذهلة2013]

خليها على الله وراح تنزل
وادعي ربي يرزقج قريب يارب


عسى ربي يرزقج حبيبتي بدال الضنى توأم
وماكو شي غريب عن رب العالمين

 

[قلب ريلها]

انا من بعد الاجهاض مايتني الا عقب 47 يوم تقريبا او اكثر يننتني ومايات الا بدفاستون كتبته لي اادكتوره

 

[noo7a]

انا بعد اجهاضي تلخبطت الدوره عندي
و طلع مرتفع هرمون الحليب

والحمدلله لمن تعدل حملت

 

[زينب 12]

الحمدلله طلعت حامل بإرادة الله سبحانه وتعالى
الحمدلله رب العالمين وماشاء تبارك الرحمن والله يتمم علي خير يارب

 

[American.Life]

عادي حبيبتي لخبطة الهرمونات تاخذ وقت على ماتنتظم نطري شوي وراح تنزل ولو مانزلت حللي مرة ثانية

 

[مذهلة2013]

الف مبروك حبيبتي
والله ونسيتي عسى ربي يثبته و يقر عينج بشوفته

ارتاحي كل الراحه

 

[زينب 12]

حبيبتي الله يتمم عليج وعلي والله كنت حيل اكرف بالتنظيف لاني كنت مادري اني حامل
الله يتمم علينا زيرزقنا الطفل السليم يارب ياكريم ويرزق كل محرومه

 

[ام عبد العزيز م]

ااول شي سوي تحليل حمل لا تشربين اي شي لين تحليلين

 

[ملح الكون]

الله يتمم عليج وتفرحين في ضناج الكامل المعافى يارب