شنو استخدمتي عقب ماقطعتي كريم صبوحه ..؟

[^غلاي أنت^]

السلام عليكم .
اشلونكم بنات ؟؟
حبايبي السؤال مبين من العنوان ..
شنو الكريم الي استخدمتيه عقب ما تركتي كريم صبوحه ..
لان مثل ما انتوا عارفين يقولون انه مو زيين يطلع حبوب ويطلع الشعر بالويه .. وهذا الي صار معاي..
ومن قطعته ويهي صااار موشي كلش ووايد مضايقني ..
ابي كريم طبي مو خلطات من بنات او حواي علشان لايصير اسوأ من اول..
وشنو استخدم حمايه .. جربت كذا شي ولي الحين ما لقيت الي يعجبني ..
وبس ..
ويزاكم الله خير مقدما..

 

[shak!shoka]

رد : شنو استخدمتي عقب ماقطعتي كريم صبوحه ..؟

روحي عياده جلديه حكومه او خاص يا كثرهم والله نصييييييييييييحه من اختج

كافي الخلطه دمرت ويهج وعلى فكره معروف كريم صبوحه خااايس وياليتج قريتي المواضيع المتعلقه فيه قبل لا تستخدمينها

الحبوب راح تبقع بني وويهج راح يصير حفريات وقبل لا يصير هذا كله روحي استشيري طبيب ولحقي على ويهج

ولا تاخذين خلطات من النت وحتى لو قاللولج على كريمات طبي الطبيب موجود روحيله بنفسج وخليه يفحصج
لا تتكيسلين ترا ويهج الزم ما عليج باجر تبجين دم من الندم

الله يشفيج انشالله وترجعين احلى من اول

تقبلي مروري

 

[^غلاي أنت^]

تسلمين حبيبتي ..
ان شاء الله اروح واشوف حدي متضايقه من بشرتي..

 

[آنسه دراقه]

رد : شنو استخدمتي عقب ماقطعتي كريم صبوحه ..؟

امبيه حتى انا ضحية كريم صبوحة و ويهي الحين تروس شعر لدرجة كل ما حطيت فاونديشن يصير رمادي صوب الشعر و ما ادري شسوي قالوا لي سوي ليزر و سمعت انه مو زين و قالوا لي شيلي بخيط بس اخاف يطلع لي حبوب و الشمع نفس السالفة و يخلي الجلد يترهل مبجر تكفون ساعدوناااااا

 

[جيكره(و)تتغلى25]

بنات اقسم بالله صارلي سنتين احط الخلطه واقطع عنها مادمرت وجهي؟؟بس طلعلي شعر واقسم بالله حتى حق الجسم احط

شوفي طريقتي بليل احط صبوحه الصبح انظف وجهي بميلك عشان يسكر المسام واحط مرطب



عاد انا ام الخلطات اظاهر انتو تاخذون مو من العطارين الي بالاندلس والعربيد صار فيه تقليد وايد حتى نفس العلبه قلدو

 

[^غلاي أنت^]

اي والله هذا الي صار لا وانا بعد اساسا اسوي ليزر وويهي قبل الليزر وعقبه مكان فيه شعر هالكثر بس الحين كثر حيل حتى سالت الدكتور يقول ماله شغل الليزر ..

لا والله اختي انا ما اخذه الا من الاندلس ..
واحطه بس بالليل والصبح اغسله بصابونه الحواي نفسه معطيني اياها واحط كريم الحمايه ..

 

[دمثة]

روحي جلدية اول