شنو ارد عليها

[مس وردة]

صباح الخير بنات
انا بدش بالموضوع علي طول في وحدة معاي بالدوام كل ماشافت سمر اواي احد اسمر قالت هذا العبد او العبده وتطنز عليهم وفي وحدة من الدوام سمره ليمن تكلم عادي تقول يدام المره كلمة عبد لهالدرجة وصلو الناس بهالمستوي التعبان ماكو اي احترام ولي تقولها وحده بدويه مع احترامي للبدو ليش هالكلمه عيب والله عيب تري كلنا عبيد الله المره تستحي منها وتسكت فحبيت اكسر عينها مره وقلت لا يكون انتي لميس عشان تتطنزين خلق الله


بالله عليكم شلون تتعاملون مع جذي ناس ولا مغروره بعد الناس فعينها ولا شي وهما احنا ولاشي عندها ابي رايكم بنات:bbbiu:

 

[what's up]

وأي هاذي قليلة أدب

 

[مس وردة]

اللي قلته نقطه بحرها

 

[جلكسي بالمكسرات]

حبيبتي اذا تطنزت على فلانه ولا علانه قولي ( يا طول حسابج يوم القيامه ما خليتي حد في حاله )

 

[العنووووود]

والله قوليلها وانا اشوف ربي مو موفقج بدنيتج عشان جذي صدقيني راح تحاففف وتتحسف هالاشكال ماينجعمون الا جذي

 

[منو انت]

لا تردين عليها تدرين ليش لان هالنوع ماينفع فيه الكلام لان لو تفهم مفروض تحترم نفسها علشان الناس تحترمها شنو تسوى عليها لو وحده من اللي تتكلم عنهم سمع هالكلام ومسح فيها الارض راح تحط حالها في موقف تتمنى لو تكون نمله احسن لها وشنو عبده ماعبده يبه كلنا عبيد الله واذا اهي شايفه حالها جميله وسيرين عبدالنور خل تتعلم الاسلوب علشان تكون كامله

 

[الصعيريه]

حمدالله والشكر اللي جذي مريضه لاأكثرر

 

[ساره أمها كويتيه]

كلنااااااااااا عبيد الله

 

[شـــهـــد]

قليلة أدب والسانها طويل أعوذ بالله
ذكريها بربها وبالعذاب اخذي فيها اجر

 

[ليلو جبريت]

استغفر الله العظيم هالنووع من البشر يطنزون على الناس عشان يشبعووون المرض وعقدة النقص الي فيهم
باجر الله بيلها لاتكلمينها خليها باجر بتشوفين ربج شنو بيسوي فيها

 

[عبير العنزي]

: ( يا أيها الذين آمنوا لا يسخر قوم من قوم عسى أن يكونوا خيرا منهم ولا نساء من نساء عسى أن يكن خيرا منهن )


ليش تستهزء وتستحقر الناس هذي انسانه جاهله بمعنى الكلمه

قولي لها تقرا القرآن وتركز على هالاية اذا كانت مسلمه..

الله يهديها

 

[سمو الغلآ]

استغفر الله ياربي


الله يهديها بسس ..,

 

[Tutti-Frutti]

قوليلها

( خلق الله الجنه وجعلها لمن اطاعه واحسن ولو كان عبداً حبشياً
وخلق الله النار وجعلها لمن عصاه واساء ولو كان سيداً قرشياً )


وقوليلها لو كان بـ اختياره جان ما اختار يكون بهاللون

 

[خفايا البحر]

الحمدالله علي نعمة العقل يارب

لاتعليق

 

[شفايف كرزيه]

كلنا عبيدلله
وهذي وقحه

 

[فديـــتك]

من جد الله يهديها

 

[ياحُبِي لِلكويت]

تتطنز على البشر ومن خلقهم هالبشر مو ربنا .. هاذي انسانه مريضه الله يهديهاا

 

[ما كو اسم]

عاد هي حلوه؟؟؟؟؟؟؟؟؟؟؟


صراحه ما مر على هالاشكال كلنا نخاف الله ومحد له فضل في شئ الا الاخلاق

 

[Ψ 3soola Ψ]

waaaay 9ij ma tst7i

etha sm3teha tgolha golelha 3la '3shmrh shfehm el smr mo awadm ?

w enshalla tyeeb bnt t6l3 soooooooooooodh 3shan t3rf t3yyyb

​

 

[ام زهقانه]

صدقيني غفيها نقص استغفر الله كلنا من ادم