شنو اخذ معاي للبر وشنو الاشاء اللي احطها بالخيمه ؟تكفون ساعدوني

[مااتحمل غيابه]

حديييييييييييي متوهقه بناااااااااااااات اول مره اطلع للبر مع اهل زوجي وكل واحد يجيب خيمته وحمامه (تكرمون )يعني كل شي من مجاميعه يعني ابيكم تقولولي شنو اخذ انا باخذ خيمتي بس شنو احط فيها والحمام شنو اخذله ومن وييييييييييين تكفووووووووووون يااهل الخبره بالبر انقذوني لاينقص وجهي
وبالنسبه للجهال اقدر اخذ لهم العاب ؟وشنو
بليز كل وحده تقولي الشغله ومن وين احصلها لاني مييييييييييح ماكو خبره
وشكرااااا_shh_:

 

[مااتحمل غيابه]

ااااااااااااااااب

 

[مرايــــــــم]

اهليـــــــن حبيبتــــــي

اذا بتطبخيـن بالبـر اخــذي معــاج البهــارت العيش الصحون والقفاش

واخذي العاب لعيالج
واخذي معاج بقصم ولاتنسين الصابون


واذا تذكرت شي بكتب

 

[حلمي اكون ام Q8]

الحمام
اخذي سلة للملابس
واخذي مطاره لحفظ الماي الحار بهوز تنباع جهازه بسوق الاسلاح واخذي كرسي بلاستيك علشان تحطينها عليه
اخذي طشت مدور متوسط للتشطيف او للوضوء
اغراض الحمام فوط وصابون زباله تكرميين

اما الخيمه
سرير حديد من سوق الجمعه نفرين ب ١٥ دينار
الدوشق مع كامل افراشج ومع اعيالج
ستاند لتعليق الملابس
كبت خشب صغير او المنيوم او حديد من سوق الصفافير يكون مقسم تحطين ملابسك او ملابس عيالج واغراضهم
دفايه هم شي
مطاطير كبار ووحده للحمام يكون فيها ماي والثانيه للقاز
عزبه صغيره فيها غوري وسكر وجاي وبيايل وحليب تسوينه بليل تتسلين
زباله تكرميين

ولاتنسين ماجلتج

احنا من هواة البر وكل سنه لازم اسبوعيييين بالبر واي استفسار حاضر

 

[مااتحمل غيابه]

عساكم عالقوه
واااااااااااااااب

 

[أغلى حبيبه]

رد : شنو اخذ معاي للبر وشنو الاشاء اللي احطها بالخيمه ؟تكفون ساعدوني

في جم موضوع بالقسم حق البر واغراضه بشوفهم لج ان شاءالله

 

[<ام تركي>]

رد : شنو اخذ معاي للبر وشنو الاشاء اللي احطها بالخيمه ؟تكفون ساعدوني

بالنسبه للحمام حطي مطاره فيها ماي حار عشان تزيدينها ماي بارد بابريق الحمام للشطف وخذي سله للملابس الوصخه
وصابون للايدين وكلينكس للتنشيف وفوطه وطشت لغسيل الملابس هذا اذا بطولين عشان تغسلين هدوم عيالج

والمطبخ سوي مثلي شريت صندوق حديد كبير وحطيت اغراض المطبخ من ملاعق وصحون احجام بلاستيك وملاعق وشوك بلاستيك
وصحن للعيش وطاسه للمرق ومقلاه للبيض او قلي بطاط للجهال اقرشه واقصه طوال واقليه مع سكاكين وملاس وملعقة مرق
وقراشة بطاط وجدور للطبخ
والبهارات شريت غراش بلاستيك وحطيت البهارات والملح والسكر والشاي والقهوه والهيل واي شي تبين اخذي مثل حليب كرنيشن
ونسكافيه وبقصم وخبز ومعمول تمر وكوكاوات وبفكات
وشريت جوله ام عينتين
بالنسبه لج ولعيالج اذا تنامون على الارض اخذي فرشهم مع بطاطين مع كبت السحاب ينباع بالاسواق الشعبيه واخذي العابهم
بلاي ستيشن اذا عندهم وقواري وطيارات والوان وكراسات وقصص واونو وجنجفه ولج اشتري سريرمن سوق الجمعه مع كبت صغير حطي فيه ملابسج واغراضج الخاصه مع علاقة ملابس واذا تنامين عالارض اخذي فرشه ام نفرين
واي شي تبين اناحاضره

 

[3so0ola_94]

أخذي طاولة بلاستك تنبااع بالأسواق الشعبية على 3 ونص وتتصفط وفيها ويلات عشان تحركينها
اخذي نطاطية حق اليهال او دوااارف اذا عندكم
حطي بالخيمة جلسة أرضية او قنفاات وزولية كبيرة اخذيها رخيصة من سوق اليمعة
واذا ذكرت شي رااح افيدج ان شاءالله

 

[chaclaita]

رد : شنو اخذ معاي للبر وشنو الاشاء اللي احطها بالخيمه ؟تكفون ساعدوني

موفقه حبيبتي بطلعة البر

والبنات ما قصرو كل شي قالولج عنه

 

[مااتحمل غيابه]

عساكم عالقوه

 

[white haert]

البنااات ماقصرووو وانا عندي طرييقه دايما لما انطلع المخيم ايييب شراشف زايده واذا يينا بنام انحطم على درااايش الخيمه نربطهم من فووق على حبل الخيمه وانزلهم جنهم برده عشان مايدش علينا هوااا باارد ولازم اتثبتينهم بشي تحت يعني تسكرين منفذ الهوااا بس بليييل والصبح نربطهم على صوووب او نرفعهم عشاان التهويه

 

[مااتحمل غيابه]

فكره حلوه

 

[مسك وطيب]

رد : شنو اخذ معاي للبر وشنو الاشاء اللي احطها بالخيمه ؟تكفون ساعدوني

الله يعينج ياكثر حوووسة البر ... اهلي واهل زوجي صارلهم اسبوع وهم يرتبون ويسوون وللحين ماخلصوا ..

سوق السلاح حييل يمدحونه سليب باقات + مطاطير الماي بهوز للحمام تكرمين

ولاتنسين شيء ضروري مخمه + فحم ومبخر + بخور + خلطه تعطير للخيمه

والله يسعدكم يارب

 

[يغارون مني]

يا حلو البر

 

[مااتحمل غيابه]

فديتكم وفديت افكاركم
بعد بعد ااااااااااااب

 

[روحي زوجي]

رد : شنو اخذ معاي للبر وشنو الاشاء اللي احطها بالخيمه ؟تكفون ساعدوني

سفره تقديم للشاي والقهوه تنباع مع علبة الكلينكس وتكرمين زباله صغيره

اغراض الطبخ اللي تحتاجينها مع صندوق تحطين اغراضج فيه والماجله واهم شي كورن فلكس للجهال

جلسة ارضيه تشترينها من سوق الجمعه او اذا عندج من بيتج

منظره تكرمين للحمام وسله تعلقينها تحطين صابونج وفراشي الاسنان ومثل ماقالو البنات مطاره مع الهوز وكرسي ترفعينها عليها

وماراح يخلص شغلج ودج تاخذين بيتج معاج للبر من كثر الاغراض اللي راح تحتاجينها بس حاولي تقتصدين لا تكثرين من الاغراض

اذا عندج خيمه بلاستيك وعالجانب شبك شفاف للتهويه 2في 2 اخذيها وفرشيها بليل داخل الخيمه وخلي عيالج ينامون فيها عن البرد حيل ادفى

انا احط خيمتين لي ولبناتي ولعيالي خيمتي 5 في 5 منام بس <<< عندها وسواس من الفيران وجراذي البر

الله يسعدكم

 

[ام خالد 78]

ماقصروا البنات