شنو احسن هدية للام و الخاله (ام الزوج)

[زيـنـه]

السلام عليكم ..

شرايكم تنكلم في الموضوع مع ذكر الاماكن اللي نختار منها الهدايا .. عن نفسي اللي ايبه لامي اييبه لخالتي ام زوجي .. عشان ما يصير في تفرقه و لخاطر ريلي .. و احب اهديهم بالعيدين و رمضان .. احس يستانسون و يتفاجؤون .

رمضان اللي فات اخذت لهم من لافرانسيز حلويات كويتيه اللي بالماعون الالومنيوم القديم .. وايد حلوين ..
و العيد .. اشكل لهم بخور و طيب من كذا محل من الاشياء الطيبه اللي انا محربتها بصندوق صغير و اوديه ..

قولو لنا انتوا شسويتوا .. ياليت نتشارك بالافكار ..و لا تنسون دور الهديه .. و تهادوا تحابوا ..

ناطره مشاركاتكم .. و الاماكن اللي تشترون منها ..

 

[Dancing^Queen]

مشاركة: شنو احسن هدية للام و الخاله (ام الزوج)

يعيني علي المناسبه

مثلا علي دخله رمضان دايما ختار صناديق وجذي اشياء واحطلهم طيب وبخور وشيله
والقرقيعان طبعا يصير شي سبشل واحب انه يا يانحط بعدين بالدار او انه يصير للاستمعمال
لعيد الميلاد (محد يرضا)
مناسبات ثانيه مثلا العيد اعطي عيديه طبعا مع دراعه (خالتي دراعتها مالت العيد هديه مني من تزوجت لللللللللللين يومج )
وامي اللي تبيه لهو لها بعد قلبي لو تطلب ماي عيوني
بس برمضان لازم اسويلها دراعه وانا ختي ونتسابق منو ياخذ دراعه امي طبعا احنا ندفع واهي تختار التفصيل
وغير امي تحب الكريمات والخلطات فبين فتره وفتره اشتريلها
خالتي تحب المخلط والطيب والبخور اخذلها
وتحب دراريع البيت وقمصان البيت هم خذلها
وتحب جناط معينه هم احب اييبهم لها

 

[زيـنـه]

مشاركة: شنو احسن هدية للام و الخاله (ام الزوج)

ما قصرتي يا كوين .. بس انا احس انه المناسبات المهمه اهي العيدين و دشة رمضان . . . ودي هالسنه بمطاطير سنعه للجاي و القهوه بس ما ادري من وين .. ما ابي شغل الاسواق الشعبيه .. لا ابي شي زين و يوايه .. و ساعات افكر اب ملفع سنع .. بس ما ادري وين لو بالسعوديه عرفت المحلات السنعه بس بالكويت ما ادل لاني مو متحجبه . . . مرات افكر بجنطه ماركه بس مو غويليه مثل ايجنر او جيفنشي اذا عندهم موديلات تناسبهم .

ما ادري شرايكم ؟

 

[زيـنـه]

مشاركة: شنو احسن هدية للام و الخاله (ام الزوج)

اي اضافه ؟! ما قلتوا شرايكم ؟ ؟

 

[Dancing^Queen]

مشاركة: شنو احسن هدية للام و الخاله (ام الزوج)


انا ادليت بدلوي

 

[رفرف]

مشاركة: شنو احسن هدية للام و الخاله (ام الزوج)

والله انا اودي حق خالتي دراريع .. دهن عود .. بخور ..
مرة وديتلهم مصحف مغلف مع جنطته ..
وابي اقتراحات ثانية ..

 

[زيـنـه]

مشاركة: شنو احسن هدية للام و الخاله (ام الزوج)

مشكوره كوين .. و مشكوره رفرف .. و رايي من راي رفرف نبي خيارات ثانيه

 

[جارة القمر]

مشاركة: شنو احسن هدية للام و الخاله (ام الزوج)

زينه

الله يطول بعمرج

وخليج لزوجك وأولادك غذا كان عندك

أولاد

وطول بعمر الوالده وخالتج




شوفي محلات الملافع بالكويت في محلات كشخه وأتيب شغل السعوديه

عندج محل الملفع اللي بالمثني وبمجمع العثمان

وعندج فياصل شغله

بمطارات الشاي والقهوه روووووووووعه



وفعلا فكرة الجنطه الماركه حلوه

وعندج بعد قصر الجلود

أسعاره بعد مناسبه

والبخور ودهن العود

والدراريع ملينا منه


صاجه

زينه



ومشكوره علي الموضوع


يمكن شغله ذهب ناعمه

أو ساعه ماركه بسيطه

 

[StEllA]

مشاركة: شنو احسن هدية للام و الخاله (ام الزوج)

انزين بنات كل الهدايا اللي ذكرتوها حلوة ...بس رفيجتي كل ما تيب هدية لخالتها ما تعجبها و بعد التقصي و البحث اكتشفت ان خالتها تحب Cash Moneyعلى الرغم انها مو محتاجه....الحين السؤال :شنو المبلغ المناسب.....بيني و بينكم احس كلش مو حلوة تعطين خالتج فلوس....بس سبحانه...الناس فيما يعشقون مذاهب

 

[زيـنـه]

مشاركة: شنو احسن هدية للام و الخاله (ام الزوج)

جارة القمر .. مشكوره على المرور و على الدعاء و ان شاء الله لج بالمثل .. و خوش خيارات اللي قلتي عنها ..

ستيلا .. و الله سالفتج سالفه .. فشله كاش مني .. بس تدرين خل رفيجتج تعطيها بظرف المقسوم و اتوقع من 50 الى 100 دينار زين .. و الا خلها تقدم لها هدايا و جنها ما تدري عن سالفة الكاش مني ..

 

[looloo]

مشاركة: شنو احسن هدية للام و الخاله (ام الزوج)

خوووش موضوع الله يعطيج العافيه
انا خالتي عندها عشق جواتي عزكم الله معى اجناطها دايما ايبها لهم او اني احط بصندووق ذرب يعني مجموعة خلطات وبخور
اما اميي فهي مدمنة مواعين اشتريلها طقم كاامل حق رمضان وبالعيد حلو العيد وبدلتها دايما علي

 

[زيـنـه]

مشاركة: شنو احسن هدية للام و الخاله (ام الزوج)

لوولوو .. مشكوره على المشاركه الحلوه و الله يخيليج الماما و الخاله .. و حلوه افكارج .. بفكر بنفس السالفه هم المواعين حلوه و حلو التغيير

 

[looloo]

مشاركة: شنو احسن هدية للام و الخاله (ام الزوج)

العفو ولو ما سويت شي

 

[جارة القمر]

مشاركة: شنو احسن هدية للام و الخاله (ام الزوج)

زيـنـه


العفو يا حياتي




وأجمعين يارب

والله يهدي خالتي لي

يا رب

 

[زيـنـه]

مشاركة: شنو احسن هدية للام و الخاله (ام الزوج)

شكرا على المشاركه . . . اتمنى مشاركة باجي البنات

 

[أغلى حبيبه]

مشاركة: شنو احسن هدية للام و الخاله (ام الزوج)

انا خالتي الحمدالله كل شي يعجبها

مره يبتلها طقم مطاطير والاستكانات والقلاصات والصواني وفناين القهوه يعني عده الضيوف كامله

ومره عطينها مصحف طوله يمكن نص متر شكبره يهبل

ومره ذهب ودراريع وشيله والحين ناويه ان شاءالله اعزمها على العمره

وودي بالمصحف المغلف اللي قالت عنه رفرف من وين

اللي تدل مكانه تقولي








وامي الله يرحمها ان شاءالله ويغمد روحها الجنه يااااااااااااااارب

 

[DioRa]

مشاركة: شنو احسن هدية للام و الخاله (ام الزوج)

زينه يعطيج العافيه والله خليتيني افكر شاسوي حق خالتي
بس اا مشكلتي مشكله خالتي اهيا عمتي واهيا متعوده عالطيب والبخور والملافع والشغلات السنعه والماركات فمحيرتني شنو اييب لها ويا ريت البنات يساعدزني

 

[زيـنـه]

مشاركة: شنو احسن هدية للام و الخاله (ام الزوج)

بنوتات . . . وين باجي مشاركاتكم ؟

 

[NiFeeSHa23]

مشاركة: شنو احسن هدية للام و الخاله (ام الزوج)

زينة يا زيووونة الغشمرة حلوة المهم أنا عندي فكرة وايد حلوة و مألووفة اشتريلج صندوق كشخة و سنع و حطي فيه جم تولة بخور و دهن عوود و رشوش و هالسوالف أو حطي عباية مع شيلتها من هالكشخة و اذا مره كبيرة حطي عباية الراس مع بخور يعني جذي أفكار حلوة أنا السنة الس طافت وديت طقم صحون والله ستانسو عليه كامل و وايد حلو أو ودي السخانات مالوت البوفيهات الصغيرة الي تحتهم شعلة أو حافظات الاكل مالوت اي تحفظ الحرارة في فياصل وايد حلوين

 

[زيـنـه]

مشاركة: شنو احسن هدية للام و الخاله (ام الزوج)

انا مفكره بمطاطير و استكانات بي ابي شي زين و مو مكلف ! و لا ابي شغل الاسواق الشعبيه .. و ما زعلت من الغشمره بس ساعات احس وايد البنات تطشون عن الموضوع و هالشي يزيد الصفحات على غي فايده لا اكثر و لا اقل .