شنو احسن كريم مرطب للادين ؟

[مااتحمل غيابه]

السلام عليكم ورحمة الله
بنات الموضوع واضح من عنوانه بغيت احسن كريم مرطب ومنعم للادين وشنو الاشياء اللي انفعت معاكم لتنعيم وترطيب الادين؟

 

[Tosta]

انا احب نيتروجينا مال الايدين

 

[white**angel]

فازلين الوردي وااايد حلووو

 

[om deaj]

كل ماقريت شي مدحوه البنات ركضة شريته
وليلحين مارسيت على واحد >> ايدي جافة وايد

بخاطري اجرب نيتروجينا بس يخلص الي عندي

 

[!الجادل الصعب!]

رد : شنو احسن كريم مرطب للادين ؟

والله بجنطتي ثلاث مو وآحد .. ستيفن بفيتامين آي .. بالجمعيه ..
سيبآميد تبع الجمعيه ..
والثالث من الصيدليه نآسيه اسمه .. وكلهم بالنسبه لي ما يآدون الغرض المطلوب ..!

 

[مااتحمل غيابه]

ابي تفاعل وابي حل

 

[ابعد واستريح]

حبيبتي لي ست سنوات والناس ليومج هذا تسال شنو كريمي هوووووووووووووووووووووووووووووووو كريم جلسرين الاحمر من العطار روعه شويه عليه وع فكره استخدمه لجسمي كله

 

[.:غربة مشاعر:.]

كريم فازلين الي بزبدة الكاكاو تلاقينه بالجمعيه بس لاتاخذين العصار الطويل لأ .. اخذي المدور المركز وااااااااااااايد رهييييب بخلاصة الكاكاو والشيا

هذا الي اقصده انصحج فيه وبقوه وبتلاحظين الترطيب والتفتيح على اصوووله بس لاتحطينه لما تطلعين للشمس در بالج

 

[رفرف]

انا احب اغير على طول ما اثبت على شي معين ..
اكثر شي عجبني كريم الشيا من لوكسيتان ثقيل ويرطب من قلب وما يدهن بسرعه تمتصه البشرة ..
ومن lush ب 360 كريم اسمه hand grunu حلو وثقيل يدهن شوي اول ما تحطينه .. بس ريحته مو شي
حق على طول وبالجنطة جرجنز عندهم كريم حلو لتنعيم الأيدي وبسرعه ينشف ..
او من ماركس وسبنسر كريم على الموند هم حلو وبسرعه تمتصه البشره ما يدهن
او كريمات باث اند بدي ووركس تأدي الغرض وريحتها حلوة .. وعندهم كريم بالشيا حلو ..

 

[كيـف أسيـبكـ]

رد : شنو احسن كريم مرطب للادين ؟

الفازلين الوردي


وهم الكريم الوردي اللي عند بووتس

 

[دنيا جديده]

للرفع

 

[حصووونه]

بالبيت احط ايفيلين للتفتيح والترطيب وبالطلعه بالجنطه اما لوكسيتيان بالشيا او فازلين الوردي العصار او من باث بدي وركس على اي ريحه تحبينها وطبعا هذيلا من غير شمس وقبلهم حطي حمايه ودسوس لازم الصبح
وكل 3 ايام سوي صنفره حق ايدج زيت زيتون بفنجال عليها قفشة سكر وفركي وفركي من قلب وشوفي نعومتج تصير ايد بيبي..

 

[شيري]

في كريم عجيب طبي وسعره ب480 فلس والصيدلي يقول ان نسبه اليوريا المرطبه فيه عاليه ولوالناس تعرفه مانباع بهالقيمه اسمه ..كاربا ميد من الصيدليه اشتريه وادعيلي وحطيه بالليل علي ويهك بعد حلووو

 

[سلة فراولة]

فازلين بزبده الكاكاو

 

[&موناليزا&]

رد : شنو احسن كريم مرطب للادين ؟

عزيزتي رفع لعيوووووووووونج

 

[عنايات هانم]

رد : شنو احسن كريم مرطب للادين ؟

كريم صبايا من مكياجي

 

[[[ عيون جابر ]]]

زبدة البابايا من بودي شوب وكل مايخلص اجرب غيره احب أنوع ريحتهم تهبل وترطيب

 

[أنفاسي دخون]

جليسوليد الاحمر + كريم الالموند من بودي شوب

 

[أماني الحلوة]

كريم فازلين الي بزبدة الكاكاو تلاقينه بالجمعيه بس لاتاخذين العصار الطويل لأ .. اخذي المدور المركز وااااااااااااايد رهييييب بخلاصة الكاكاو والشيا

هذا الي اقصده انصحج فيه وبقوه وبتلاحظين الترطيب والتفتيح على اصوووله بس لاتحطينه لما تطلعين للشمس در بالج

مشكوووووووووووره:eh_s(8):

 

[عشيرة الحزن]

أنا خبيره بهالسوالف ماخليت شئ ماجربته ومالي مرطب معين أحب أنوع
حلو كاميل الأخضر العصار ريحته عجيبه ويخلي ايدج نااااااااعمه وتزلق
فازلين الوردي حلو بس انتبهي لاتطلعين بالشمس فيه
الموند (باللوز الحلو )من بودي شوب هم حلو
بس الأحلى منهم كلهم كريم لونا العصار الصغير غطاته زرقه تلقينه ب 600 والله يهبل حق الايد وريحته حيييييل حلوه وحلو حق اللي فيهم تشققات بالايد ونتكون ناشفه حييل يرطبها عدل
ودعواتج لي