شنو احسن شركه وساطه للفوركس بالكويت < تكفون ردوا تعبت وانا اسال ولا من مجيب

[مـــــــذهـلـة]

قوه كويتيات

شلونكم ؟

انا تعبت وانا افرفر بين المنتديات اسال ولا من مجيب

قلت مالي الا خواتي عزيزاتي الي اغلا من حياتي

بنات سوق الفوركس انا اشوفه كنز من كنوز الارض. بس كذا شغله واقفه بوجهي ضد دخولي لهالسوق

لان ابي احسن الكتب للفوركس < اذا في بمكتبات الكويت علموني وين ؟

فابي قبل لا ابدا واشتغل ابي شركه وساطه مضمونه وتعاملهم حلو وبرامجهم سهله < سمعت ببرنامج الا اي تورو
وان رسومات التحليل الفني فيه بسيطه بس مادري تبع اي شركه

فابي شركه مضمونه 100 % ومريحه من كل الجوانب < ترا انا من النوع ياعما ياطس .. اذا ماعجبتني الشركه بلعن الفوركس وساعه الفوركس

وشكثر كويتيين بقوقل يقولون اغلب الشركات الوساطه بالكويت نصب بنصب

فانا واثقه فيكم يابنات الكويت وابي كل وحده اتكلم عن تجربتها الشخصيه مع شركه الوساطه

واذا بفتح حساب حقيقي شكثر تكلفتها < فيه الي 28 دينار وفيه الي 71 وفيه الي ب 3000

المهم ابي شركه مضمونة 1000000 بالميه

ومشكورين

 

[بسكوت دارسين]

ماعندي فكرة والله بس ماحبيت اطلع من غير مارد

بالتوفيق يارب

 

[S.O.S]

شنو الفوركس ؟؟

 

[مـــــــذهـلـة]

مشكورين عالرد

والفوركس اكبر سوق عالمي نفس طقه البورصه فيه ربح وخساره

 

[عابر-سبيل]

قوه كويتيات

شلونكم ؟

انا تعبت وانا افرفر بين المنتديات اسال ولا من مجيب

قلت مالي الا خواتي عزيزاتي الي اغلا من حياتي

بنات سوق الفوركس انا اشوفه كنز من كنوز الارض. بس كذا شغله واقفه بوجهي ضد دخولي لهالسوق

لان ابي احسن الكتب للفوركس < اذا في بمكتبات الكويت علموني وين ؟

فابي قبل لا ابدا واشتغل ابي شركه وساطه مضمونه وتعاملهم حلو وبرامجهم سهله < سمعت ببرنامج الا اي تورو
وان رسومات التحليل الفني فيه بسيطه بس مادري تبع اي شركه

فابي شركه مضمونه 100 % ومريحه من كل الجوانب < ترا انا من النوع ياعما ياطس .. اذا ماعجبتني الشركه بلعن الفوركس وساعه الفوركس

وشكثر كويتيين بقوقل يقولون اغلب الشركات الوساطه بالكويت نصب بنصب

فانا واثقه فيكم يابنات الكويت وابي كل وحده اتكلم عن تجربتها الشخصيه مع شركه الوساطه

واذا بفتح حساب حقيقي شكثر تكلفتها < فيه الي 28 دينار وفيه الي 71 وفيه الي ب 3000

المهم ابي شركه مضمونة 1000000 بالميه

ومشكورين

عابر سبيل
انا مسجل بالمنتدى علشان بس الفوركس ولو انه بس للنساء
انا ما صارلي اشهر من دشيت بالفوركس مع شركه اسمها تن فور مقرها ببرج غرفه التجاره والصناعه بشرق الطابق التاسع
شركه تعاملها حلو والبرنامج احلى ومفتوحه 24 ساع تقدرين باي وقت تراجعينهم وانا اعرف واحد اذا تبينه يعلمج على اي شي ويعطيج فكره رقمه موجود عندي وهم اذا بتساليني عن اي شي انا حاضر
وفي نقطه مهمه الفوركس كنز مثل ما قلتي بس لازم الحذر وما تجازفين والاهم ما تطمعين
انا صارلي جم شهر بديت وطلعت فلوس كثر اللي دشيت فيهم وخسرت كل الربح فقط والحين بادي من الاول والسبه اني طمعت
والشركه هم عندهم متداولين لو بتدخلين بمبلغ كبير شوي اهما يتداولولج
ولاي استفسار انا حاضر
:q8:

 

[عابر-سبيل]

شنو الفوركس ؟؟

الفوركس عباره عن سوق تداول بيع وشراء العملات والذهب والنفط وبعض الشركات العالميه
بختصار

 

[Dalal.E]

السلاااااااام عبوور

بس شنو يعني فوركس ترا انا مالي بهالسوالف كلش يعني جم لازم يكون عندنا ؟ ووين انروح ;/

 

[Dalal.E]

سمعت إن الفوركس حرام!
هل هذا صحيح ؟

 

[Dalal.E]

سمعت إن الفوركس حرام!
هل هذا صحيح ؟

 

[عابر-سبيل]

السلاااااااام عبوور

بس شنو يعني فوركس ترا انا مالي بهالسوالف كلش يعني جم لازم يكون عندنا ؟ ووين انروح ;/

الفوركس هو سوق تداول العملات والنفط والذهب وبعض الشركات العالميه مثل ما قلت بامريكا
تقدرين تدخلين ب 30 دينار كحد ادني ولكن كل ما دخلتي بمبلغ اكبر الخساره تكون صعبه والسبب اذا شريتي ونزلت مثلا 100 نقطه يعني طار رصيدج
اما اذا كان المبلغ اكبر ممكن اذا نزل 100 نقطه يرد يصعد وطبعا شرحها طويل هذا باختصار جدا
وبالنسبه وين اتروحين في شركات وساطه ماليه انا مسجل بوحده منهم ومقرهم في شرق برج غرفه التجاره والصناعه الطابق التاسع اسم الشركه تن فور
واي استفسار انا حاظر بس على فكره انا على ما اتعلمت الفوركس او تعلمت خل نقول 60 بالاميه كنت شهرين 24 ساعه اسال وادور واشوف يعني مو بسهوله
وانا انصح كبدايه اذا بتدخلين مو اقل من 500 دينار وانتي بنفسج تعلمي وديري الحساب
طبعا الطريقه سهله عن طريق برنامج سهل لمن تروحين الشركه اهما ينزلونه لج او انتي تقدرين تنزلينه وطبعا التداول بالبيت وانتي قاعده
وبالنسبه لي انا بالبيت او الدوام او اي مكان معاي لاب توبي واجيك كل شي

 

[عابر-سبيل]

سمعت إن الفوركس حرام!
هل هذا صحيح ؟

لا مو حرام هذا تدوال عملات يعني تشترين عمله اذا ارتفعت تبيعينها
حاله حال بورصه الكويت بس الفرق بالفوركس عملات
وفي حسابات اسلاميه موجوده

 

[ريماس303]

السلام وعليكم

ما اتعامل مع شركة وساطه بالكويت انا فقط اتعامل مع شركة fxcm لها مقرين ببريطانيا وبامريكا انصحج فيها افضل شركة وساطه واكبر المضاربين فيها

بالتوفيق

 

[شريفه1]

اختي العزيزه كم تريدين الايداع للاستثمار واحنا نساعدك ارسل لي رساله على الخاص واحنا الشغله هاي اختصصنا وشكرا

 

[للحين ناطره]

والله انا بعد ودي بس اخاف اغامر
لان المبلغ اللي عندي اهو كل مااملك

 

[$ فراولة $]

عابر سبيل

شنو احسن شي ادخل فيه ( العملات ولا الذهب ولا النفط ) شنو تنصحني ؟

 

[ريماس303]

عابر سبيل

شنو احسن شي ادخل فيه ( العملات ولا الذهب ولا النفط ) شنو تنصحني ؟

العملات

 

[$ فراولة $]

ريماس 303

ابي ادخل دورة عن تعليم الفوركس وين اروح وعلى كم اسعار الدورات ووين مكانهم ؟

خاطري اتعلم الفوركس

وشكرا

 

[om3ziz_2020]

السلام
‘ختي إذا تشترين النصيحة
ماأنصحج بالفوركس نهائياً
ومهما أخذتي حساب تجريبي حطي في بالج إن الواقع بيكووون غير
انا عندي قناعة عن تجربة إذا ماتبين فلوسج وخيروج بين الفوركس أو تحرقينهم احرقيهم احسن
مايفرق عن القمار شي بالنسبة لي
مغامرة بحته
سوق يتحكم فيه صناع سوق عالميين وين بتعيشين بينهم بهالجم فلس اللي داشه فيهم السوق يدخل فيه بشكل يومي اكثر من تريليون دولار
اغلب مكاتب الوساطة نصب
اعرف كم وحده فتحت حساب وسلمت حسابها لبركور بحكم انه خبرة خبرة طل الا اهم المغفلات
شلون تسلم حلالها لواحد لا تعرفه ولا شي واذا ربحت ياخذ نسبة واهو ماعنده مشكلة يغامر بفلوسها عشان تزيد نسبته
واذا خسرتي ماعليه شي ايدور غيرج
نصيحة الي ناوية لا تتعامل مع بروكر ولا غيره تدير فلوسها بنفسها واذا ماتعرف لا تدخل

نسبة المخاطرة فيه كبيررررررة ونسبة الربح معدووومة للي بتاخذ النصيحة

البورصة احسن بوايد بوايد بوايد
واللي تحب افيدها بشيء عن البورصة تقولي
ومن ناحيتي لو تفتحين محل افضل بوايد لا حرقة اعصاب ولا هم وفلوسج عارفة وين حاطتهم عكس اللي قلته لج فوق تحطينهم ماتدرين يردون لج ولا لا


موفقة خير



هالرابط إن شاءالله يفيدج
http://www.indexsignal.com/vb/forumdisplay.php?f=31

 

[فديته]

بالتوفيق ان شالله بس احسهااا مغامرة

 

[عابر-سبيل]

عابر سبيل

شنو احسن شي ادخل فيه ( العملات ولا الذهب ولا النفط ) شنو تنصحني ؟

النفط في حاله الربح اكثر من العملات
بس انا انصحج بالعملات كبدايه لمن تتمكنين عدل وبعدها تدخلين بالنفط ..
اهم شي ونصيحه لا تدخلين بمبلغ اكثر من 5000 دولار وخليج على العملات لان هالسوق عادي بايام يطير رصيدج فيه وهم عادي تضاعفين المبلغ بشهر او شهر ونص