شنو اجراءات التعيين؟

[نادية_]

السلام وعليكم

بنات انا اذا عطوني كتاب احتياج اوديه لديوان الخدمه؟؟

ومتى الفحص الطبي؟

ياريت تعلموني الاجراءات كلها بالتفصيل والترتيب

 

[SHm3at El7oB]

السلام وعليكم

بنات انا اذا عطوني كتاب احتياج اوديه لديوان الخدمه؟؟

ومتى الفحص الطبي؟

ياريت تعلموني الاجراءات كلها بالتفصيل والترتيب

شوفي تاخذين الكتاب تودينه الوزاره الي طلعولج كتاب احتياج تروحين اهناك يوقعونها ويعطونج ورقه بقسم الي محتاجينج فيه تروحين عند الوكيل يوقع الورقه بعدين تروحين القسم الي دزوج حقه ويسولج مقابله وبعدها يحددولج اذا يبونج ولا عدم حاجه بعدين اذا وافقو عليج يقولولج يبي طلبات 5 صور شخصيه بس انتي خلي وياج 11 صوره 5 صور شهاده الميلاد 5 صور الجنسيه
5 صور بطاقه مدنيه 5 صور أخر مؤهل دراسي + شهاده تحويل راتب من البنك .. بعدين يعطونج 3 اوراق فحص الطبي + الجنائيه + الديوان .. تروحين المجلس الطبي تعطينهم الورقه يعطونج ورقه الله يعزكم فحص البول وفحص الصدر .. تخلصينهم وترديلهم يعطونج فحص الدم ويكشفون على بطنج حامل او لا.. بعدين فحص النظر.. تقدمين الفحوصات ويعطونج ورقه فيها موعد الأستلام تروحين تاخذين الورقه وتخلينها عندج بعدين تروحين الديوان تعطينهم الكتاب على مايسولج مسماج الوظيفي والترتيب بعدين تخلصين تاخذين الكتاب تروحين الجنائيه اطلعين ورقه ان لاحكم عليج وتودينهم كلهم حق شؤون الموظفين بالوزاره الي بتشتغلين فيها ويسولج الأجرائات وخلاص أن شاءلله كفيت ووفيت :$

 

[نادية_]

مشكوره حبيبتي

كفيتي ووفيتي

عسى الله يوفقج دنيا واخره

 

[SHm3at El7oB]

اجــــمعين يــــارب وأي ستفسار أن حاضره موفقه يارب