شنو ابدي اوكل بنتي ؟؟

[Un!QuE G!RL]

السلام عليكم
خواتي بنتي توها دشت ب 5 اشهر شنو ابدي اوكلها ؟؟​

 

[-فلانة-]

انا بعد بنتي سكرت الرابع وماشية بالخامس..
أبي أعرف شنو أوكلها!!​

 

[Un!QuE G!RL]

up
up

 

[صادقة بكلمتي]

حبايبي الياهل الحين توه يعني قفشة روب كامل الدسم واهم شي العسل قبل السنة ترا مو زين لا احد يقولج حليه بعسل مو زين قفشة عيش مسلوق وطحنيها عدل كل جم يوم جربي شي ليما معدته اتعود بعدها حبة صغيرررررررررررررونة كوسا مسلوقة مع جزر بالخلاط ناااااااااااااعم وااااايد هم ملعقة علشان لا يرجع ويتعود وكل جم يوم اتزيدونه قفشة جم شهر ويتعود ان شاء الله واهم شي بدون ملح او فلفل ولا تنسون الماي بعد ما ياكل والحليب وترا بس يدش الشهر السادس انا كنت اخذ تمرة واحطها بماي حار واشيل القشرة مالتها واخذ بصبعي منهل بدون قشرة اللب لانها هم قاسية واحطها بالروب واوكل عيالي فيتامينات ومافيها الا العااااااااااافيه باذن الله والله يبلغج فيها حبيبتي ويبلغكم بعيالكم اللي يسالون امييييييييييييييين لا تنسون من الدعوة الزينة لي ولعيالي وريلي واهلي

 

[-فلانة-]

حبايبي الياهل الحين توه يعني قفشة روب كامل الدسم واهم شي العسل قبل السنة ترا مو زين لا احد يقولج حليه بعسل مو زين قفشة عيش مسلوق وطحنيها عدل كل جم يوم جربي شي ليما معدته اتعود بعدها حبة صغيرررررررررررررونة كوسا مسلوقة مع جزر بالخلاط ناااااااااااااعم وااااايد هم ملعقة علشان لا يرجع ويتعود وكل جم يوم اتزيدونه قفشة جم شهر ويتعود ان شاء الله واهم شي بدون ملح او فلفل ولا تنسون الماي بعد ما ياكل والحليب وترا بس يدش الشهر السادس انا كنت اخذ تمرة واحطها بماي حار واشيل القشرة مالتها واخذ بصبعي منهل بدون قشرة اللب لانها هم قاسية واحطها بالروب واوكل عيالي فيتامينات ومافيها الا العااااااااااافيه باذن الله والله يبلغج فيها حبيبتي ويبلغكم بعيالكم اللي يسالون امييييييييييييييين لا تنسون من الدعوة الزينة لي ولعيالي وريلي واهلي

مشكوووووووووورة يا غالية وعسى عمرج طويل..
عسى ربي يحفظلج عيالج و يبلغج فيهم و يخليلج كل من يعز عليج..​

 

[اترجة]

بطاط جزر مسلوق رووب سريلاك بس عطيها المسلوق ماي احسن

 

[*caramel macchiato*]

الحين ابدي بالخضار المسلوقه ...بطاطا حلوة ..كوسه...جزر...بطاط عادي ...بروكلي ..يعني هالخضار ...وعقب اسبوعين ابدي بالفاكهه...

بس نصيحة لاتحطين لاملح مع الخضار ....مامنه فايدة ...

انا كنت لما افوح الخضار كنت احط معاه قفشة شوفان ...واااااايد مفيد ويعطي طعم لذيذ حق الاكل...

وهم الروب وايد زين ...بس كنت اعطي عيالي قليل الدسم ...لان خفت اعطيهم كامل الدسم يكون ثقيل على معدتهم...

 

[PinkLulu]

السلام عليكم

أول شي تبدين بالخضار...كل 3 أيام نوع خضار معين عشان تشوفين يسوي حساسية ولا لأ

إبدي بكوسا...جزر...قرع...بطاطا حلوة...

بعدين إبدي خلطي نوعين أو ثلاثة من الخضار مع بطاط أو عيش مصري

وعقبها بفترة حطي مع الأكل شوفان

طبعا ينسلق بالماي من غير ملح وبهارات وينخلط بالخلاط

ومع الوقت ضيفي أنواع يديدة من الخضار مثل السبانخ والبروكولي والبازلاء

وعالشهر الثامن تقدرين تضيفين قطعة دجاج أو لحم

 

[وحشني شوف الكويت]

وعليكم السلام
الله يحفظها ويخليها لك :*
​

 

[غنوة ستايل]

شوفي الطحن انا ما احبه
يغير الطعم ويلوع الجبد

انا ولدي وبنتي ما وكلتهم الا بعد انتهاء الشهر السادس ( عشان تكون المعده مهيئه للاكل )

اسوي مرقه خضار بطاط وكوسا وجزر عاديه ..
واطلع بصحن قطعه بطاط وكوسا وجزر .. افغصهم بالقفشه مع قفشه عيش . واعطيهم للبيبي وياكلهم يستانس عليهم
بس شوي شوي ..

لان لازم يكون اهوا من قبل يعرف يبلع طبعا انتي معلمه الجاهل شلون يشرب ماي من القلاص ويعرف يبلع عدل ..

اصلا سبحان الله من الله الجاهل لما يصير اكل بحلجه يبلعه شوي شوي . بس المهم لا تكثرين الاكل بالملعقه شوي

والروب حلو شوي روب مع عيش ابيض مفيوح ( عيش الغدا ) عادي . ياكلونه بس انتي لا تخافين

وبسكوته يعضعض فيها بالنهار . او بفك كل هذا يعلمونه شلون عمليه البلع .

او بسكوته مذوبه بالشاي او الحليب . .

 

[Un!QuE G!RL]

حبايب قلبي والله كلكم على راسي كل وحده فادتني من صوب مشكوورين :*​

 

[إبتسامي دمع]

نصيحه اشتري كتاب الطفل السليم لدكتوره ريم قنواتي بصراحه مفيد حيييل اتابعين ولدج كل شهر وشنو التطورات الي تصير بعمره وشنو الالعاب الي تناسبه وفيه اصناف حلوه ومتنوعه لأكل الجاهل وجدول يومي شنو تعطينه بما ان هذا اول بيبي استفدت حييييل وماشيه على نظامها بالاكل

 

[beauty rose]

ابدي بالخضروات
كوسة و جزر و بطاط سلقيهم و هرسيهم عدل و الاحسن تضربينهم بالخلاط
عطيها بس تذويق مو توكلينها وايد حتى لو تبي لا تكملين
3 قفشات جاي بس مو اكثر
و كل يوم زيديلها شوي شوي

سيريلاك الارز بعد نفس الطريقة سوي شوية و ذوقيها

لا تعطينها كل شي مع بعض
و نصيحة جربي اول شي عطيها جزر بروحه مسلوق 5 ايام اذا شفتي انها ما تشتكي من شي
روحي للكوسة 5 ايام بعدين البطاط 5 ايام
بعدين تقدرين تخلطينهم اذا ما عندها اي مشكلة فيهم كلهم

بعدين ابدي بالسيريلاك
عشان لا سمح الله لو عندها حساسية من شي معين تكتشفينه
مو تخلطين و بعدين ما تدرين شنو اللي سبب لها الحساسية ؟