شنو أفضل مطعم يطبخ الذبايح

[* عباية راس *]

السلام عليكم ورحمة الله وبركاته


بنات أنا أطبخ الذبايح لعزايمنا بالمطعم مع اني اعرف اطبخ الذبايح بس المطعم اريح خاصه اذا كان اكثر من خروف

وجربت كذا مطعم بالمنطقة العاشره بس مو ذاك الزود طباخهم وكل مره أطبخهم عند مطعم غير وهم مالقيت مطعم يبيض الوجه عند الضيوف


واللي يسلمكم منو تعرف مطعم تكون مجربته او ذايقه طباخهم عند ناس ويكون طباخهم يبيض الوجه


وفي وحده باكستانيه كانت تجي للبيوت تطبخ الذبايح بس ياعليها شغل موطبيعي ماعمري ذقت أحلى من طباخها الضيوف يلحسون الصحن لحس ريحة طباخها وطعمه شي ماينوصف بس ماعندي رقمها حسافه


المهم

بنات اللي تعرف مطعم بالمنطقة العاشرة يطبخ الذبايح وشغله يبيض الوجه تقوللي عليه واللي يسلمكم


وشكرا لكم​

 

[* عباية راس *]

يا ويلي ويلاااااااااه محد رد امحق سالفه


هي وحده من الثنتين

يا أما أنكم كلكم سنعات وتطبخون الذبايح فبيوتكم :ggdw:


يا أما أنكم تطبخون للضيف دجاجه :tomato2:​

 

[أفرض هيبتي]

يا ويلي ويلاااااااااه محد رد امحق سالفه


هي وحده من الثنتين

يا أما أنكم كلكم سنعات وتطبخون الذبايح فبيوتكم :ggdw:


يا أما أنكم تطبخون للضيف دجاجه :tomato2:​

واااااااااااالله اني مت من الضحك على تعبيرج دمووووعي تنزل
خخخخخخخخخخخخخخ
حبوبه والله انا مادري امي دايما تسويهم بالبيت
واحيانا يودونهم مطعم جنى اسمه مندى جده

ومووفقه حبوووووووووووووبه

 

[* عباية راس *]

دوووووووووووووووووم الضحكه ان شاء الله

يالله بين الكرم والجود

حبيبتي وين فيه مطعم مندي جده بالمنطقه العاشره ؟ وشلون طباخهم ؟

مشكورة عالرد يابعدي جعلج سالمه وعسى بيتكم عامر

 

[جارة القمر]

أنا أشوف بيت حمولتي

مطبخ البيت

ومطعم مضايف أهلنا


والنبراس هذا التوب عندهم

المطبخ الملكي


والمطبخ الوطني


وسلامتح

وتم نقل الموضوع بواسطتي​

 

[مادرى شسمى]

انا ذذقت طباخ مطعم ابو نواس عن جد روووووووعه وكنه طباخ بيت ويهبل وراح ادورلج رقم الباكستانيه وان شاءلله القاه وعساج على القوه والله انج امرتن سنعه وراعيه بيت تحاتين عزايم رجلج واهلج صج كبرتى بعينى 00

 

[* عباية راس *]

جارة القمر

وأنا أدور موضوعي وين راح أثاريج ناقلته عادي يالغاليه تومونين على الرقبه


انزين ولا عليج أمر النبراس وين في بالمنطقه العاشره والا مناطق بعيده ؟


مشكورة عالمساعده ماقصرتي

 

[* عباية راس *]

مادري شسمي

ياعل يكبر قدرج وشانج اكرام الضيف حق واجب انتي ماسمعتي اللي يقول



اللي مجالسهم بها بن وبهــــــــــار=ونجر ٍ يصوت للمسير رجيفــــــــــــه

ومكارم ٍ للضيف عجلات وبكـــــــــــار=ومفطحات في صحون نظيفـــــــــــه



انزين يالغاليه ابو نواس وين هو في بالمنطقه العاشره والا بعيد ؟ ياليتج تجيبين لي رقمه ولا عليج أمر

وليتج تجيبين لي رقم الباكستانيه كانج عرفتيها خبري فيها ساكنتن بالصباحيه الحين مدري عنها


عساج سالمه يابنت الأجواد ماقصرتي يابعدي​

 

[rosesNmay]

السلام عليكم


هذا رقم طباخه تجي البيت تطبخ
بس شغلها نظيييييييييييف و طعم يجنننننننننننننننن
صدق شي يبيض الوجه
احنا تو امس مخلينها تطبخ عندنا


هذا رقمها 7800620

 

[* عباية راس *]

rosesNmay


ياعلج سالمه ياشيخة البنات

شنو جنسيتها ؟ هي نفسها الباكستانيه والا غيرها ؟

انزين بكم تطبخ الذبيحه ؟


ومشكورة عساج سالمه

 

[* عباية راس *]

جارة القمر

النبراس والا ابو نواس لان انتي ومادري شسمي مدحتوه والأسامي متقاربه تأكدي لي من الاسم ولا عليج أمر

 

[[]نهاوند[]]

والله ياغاليه جربنا مطاعم الدنيا ما لقينا الا قصة الوجه يا اما الأكل الله يديم النعمه اي كلام والا العيش يفضح ما يكفي رجالين والا اللحم ريحة زفرته تبط الراس

قمت تعلمت طبخ الذبايح وكل عزيمه فسرت عن ذراعي وطبخت

من نايحة اريح اكيد المطاعم اريح خصوصا ايام الرطوبه والحر لكن شنسوي نبي الستر قدام الضيوف​

 

[* عباية راس *]

نهاوند

صادقه أنشهد أن طباخ المطاعم يقص الوجه لكني لي قرايب يطبخون ذبايحهم في مطعم الخالديه اللي بالرقعي بصراحه طباخهم يبيض الوجه وعيشهم واجد وراهي والمرق طعمه لذيذ واللحم ذاااااايب ومافيه زفره بس و أنا اختج بعيد حيل أخاف يبرد العشا من طول الطريق ولهم فرع بالقرين لكن ماجربته

ولا شك ان طبخ البيت أزين لكن ان كانت اكثر من ذبيحتين ولحالج ماعندج من يعاونج وخدامتج ما تبرد الجبد ماتعرف شي مالج غير المطاعم يابعدي

لاهنتي عالرد يابنت السناعيس

 

[توت عنكبوت]

انا اعرف الطباخة اللي تجي البيت بنغلاديشية وطبخها روووووعه اسمها ام ناصر

المطاعم امدح لج فقط الزعفران وبس يبيض الوجه كوجود بحولي والفروانية .

 

[شانيل نمبر 5]

انا اعرف رجل يمني يجي للبيت ويطبخ لكم
ماشاءالله اكله حلو ونظيف اسمه ابوعبدالله واهو حيل معروف اكيد تعرفونه

 

[* عباية راس *]

توت عنكبوت

ولا عليج أمر كم رقم البنغلاديشيه ؟

والزعفران مدحوه لي بس بعيد مقابل الجابريه وانا بالمنطقه العاشره

لاهنتي عالرد مشكورة

 

[* عباية راس *]

ساره اخت محمد

يابعدي ما اعرفه اليمني عطيني رقمه ولا عليج امر

وشلون يجي معاه جدوره والا وشلون

بعد وشلون يطبخ هو بيدخل للمطبخ والا بيطبخ بالحوش

كم مره كتبت وشلون

ياعلج سالمه وغانمه مشكوره عالمساعده

 

[نظـــرات حـــائرة]

حنا دااااااااااااااايما عزايمنا واعيادنا عند "" الخالديـــــة""

فقط لا غيـــــــر ..

ما شاء الله الذبيحة تنمرس مرس << ما تاكل لحم بس تسمع المديح :$​

 

[خشف العوازم]

ابوي دايما يودي الذبايح مطعم ما اعرف اسمه بس اللي يطبخ يمني يمدحوووونه

بس ما اعتقد يوصل حق المنطقه العاشره بسأل ابوي واقووولج ان شاء الله

 

[* عباية راس *]

الياسمين

أنشهد ان مطعم الخالديه يبيض الوجه ويستاهل المدح بس بعيييييييييد

مشكورة عالرد