شنو أفضل اوتي بخار؟؟

[atc666]

مرحبا بنات انا مليت من الأوتي العادي لأنه يغير لون الملابس ودي باوتي بخار بس مادري منو جربته انا شريت قبل سنتين من يوريكا بس خرابيط البخار ماله مو قوي بغيت اوتي بخار نفس قوة البخار مال المصبغه وياليت اللي عندها خبره فيه تقولي شنو اللي اكويه بالبخار وشنو اللي اكوية بالاوتي العادي وسلامتكم.

 

[aldanaha]

رد : شنو أفضل اوتي بخار؟؟

شوفي مو كل شي اوتي بخار ولا كل شي اوتي عادي البخار بس عموما البخار حق كل شي
بس عجيب على قمصان النوم
بس فوانيل ريلي وسروايله العادي

 

[عذآب إلـ أنآ]

آنا أستعمل ماركة برنسسّ من الغانم

 

[Heaven Light]

ماركة برنسس من الغانم النوع اللي فيها علاقة ملابس سعرها ما بين 40-50 صارلها سنة عندنا تهبل ..

واشتري معاها المنظف ..


​

 

[شيخه_البيض]

رد : شنو أفضل اوتي بخار؟؟

مرحبا

شوفي اختي

قبل 4 سنين كنت رايحه مع امي المعلم مادري المحاميد اللي بحولي

المهم وانا حزتها كنت اجهز حق عرسي فمرينا على محل الاجهزة الكهربائية اللي موجود تحت بالسرداب جان اشوف اوتي بخار صغير كبر اليد
وانا كنت بروح شهر العسل فخذيته حق السفر والله العظيم ان من ذاك اليوم لي يومج هذا شغال واينن حتى لمن اروح السعودية اخذه معاي يتحول قوه الكهرباء واهلي عندهم البخار اللي من الغانم اللي معاه علاق وربي ان هالنتفه احسن منه بمليون مرة وانا بخاري اللي شاريته من الغانم بعد عطيته حق خالتي لان جد موشيء وعلى فكرة سعره 6 دنانير
الله يخليلي بخاري ولا يغيرخ علي

سوري وايد قرقت ..

 

[~حروف~]

رد : شنو أفضل اوتي بخار؟؟

مرحبا​

اوتي البخار وااااااايد عملي..​

انا عندي ماركة Princess خذته من E-max​

​

 

[atc666]

رد : شنو أفضل اوتي بخار؟؟

مشكورين بنات ماقصرتوا انا مره شريت من يوريكا اللي بالسالميه وخذيت عليه كفاله سنتين بقلوس بعد طلع خربوطه

بس سؤال فني شنو الأشياء اللي تنفع حق البخار وشنو الأشياء اللي ماتصير حق البخار ؟؟

دشاديش ريلي وتيشيرتاته تنفع حق اوتي البخار ولا شلون ..

وجزاكم الله خير حبيباتي لاخلا ولا عدم والله يكبر حظوظكم يارب..........

 

[غرشة عطر]

كل البخار يخرب
انا توني شاريه من ااتحاد المنشر ماطول اقل من شهر خرب اليده اللي نمسكها ونكوي فيها تنقط ماي حار وتحرق ايدي وديناها ودوها الورشه 10 ايام وبالاخير رجعوهااا خربانه يقولون صلحناها نصابين وعقب شخلهم زوجي وعطوه راس جديد خخخخخخخخ

 

[atc666]

رد : شنو أفضل اوتي بخار؟؟

انا خذيت واحد قبل امس من الغانم ماركة برنسس نفس اللي حاطته الاخت حروف مسويين عليه خصم كان بثلاثين وشي نزلوه 25 واللي عليه حمايه خام على الايد كان سعره 48 سووه 38 وهالعرض تقول جم يوم بس هم عاجبني اللي قالت عنه الاخت شيخة البيض هم بروح ادوره وآخذه...

وياليت تقولون لي يصلح حق الكسرات ولا لأ؟؟ وشنو الملابس اللي اقدر اكويها على البخار.

 

[~حروف~]

رد : شنو أفضل اوتي بخار؟؟

هلا .. عليج بالعافيه الاوتي اليديد :eh_s(6):​

هو يصلح لكل أنواع الخام تقريباً والحلو فيه انه ما يحرق الثياب،،
ومع الاستخدام بتعرفين شنو الاحسن حق الكواي (اوتي البخار أو العادي)،،​

ملاحظه: انتبهي لا يحوشج البخار!!

​

 

[atc666]

رد : شنو أفضل اوتي بخار؟؟

ميرسي يابنات

 

[ريشه123]

حتى انا سمعت انه البخار تمام واسرع بس بخاره حار ويحرق يعني اللي مومتمرسه تنتبه

 

[فديت قلبه]

خذيته من يوريكا صار له سنتين عندي والحمدلله شغال

 

[mafio98]

احلى شي من الاتحاد صار له جم سنه الحمد الله ماخترب والبخار يصلح لكل شي خاصه الملابس الحرير والستان والملابس الشتويه عموما اهو اسهل واريح وسعره تقريبا 100 بس موخساره فيه واهو نفسه بالضبط الي يستخدمونه المحلات

 

[تـووق ~]

رد : شنو أفضل اوتي بخار؟؟

مرحبا​

اوتي البخار وااااااايد عملي..​

انا عندي ماركة Princess خذته من E-max​

​

والله حتى أنا عندي مثـل هالمآركــه Princess وتجـنن ومآشـآءالله تبخ آلبخـآر بشكـل قوي من 2008 عندي مآشآءالله مآفيهـآ آي شي آلصرآحــه أنصحـج فيهـآآ وأخذيهـآآ مغمضـه:tongue22: ..

 

[كل الشكر]

رد : شنو أفضل اوتي بخار؟؟

انا شريت من جيان اول امسات نفس الماركه برنسس ونفس الشكل ب31وشي


بس ترددت وما فتحته...

يعني تنصحون افتحه واجربه ولا ارده واشوف غيره؟؟؟؟؟؟؟؟؟؟؟؟؟؟؟ظ

 

[صفاءء]

حبيبتي انا عندي جهاز البخار الي كل شي ينظف بالبخار وفيه اوتي بخار و معه ومجرب الي اخذه مستانس عليه شوفي هني


http://www.q8yat.com/showthread.php?t=720463