شنو أطلب هدية من دبي ؟

[حيوته]

خواتي ريلي بيسافر يومين دبي عنده شغل شنو أطلب منه ييبلي يعني شنو في أشياء تسوى ييبها من دبي ؟؟؟
أسمع إن دبي أرخص من الكويت مادري فاهميني ؟؟؟

 

[بنت الظاهري]

رد : شنو أطلب هدية من دبي ؟

هلا وغلا .......


اانا من الامارات ..


احس انه انتو ادرى شو تبون من دبي هههه

لاني احس انه ماشاء الله اسواقنا وااااااايده يعني شو ودج

طبي وتخيري انتي قوليلي واذا تبين مساعده انا حاظرة


خلني اقولج افكار سريعه واذا تبين زياده راسلينيي عالخاص



مولات دبي الكبيره : عندم محلات ناااااااادره وواااااايده يعني ما في في الوطن العربي مثلها
لا تساليني شو اسمهم هههه لاني ماعرفهم كلهم
و داخل المول لازم يكون ماركات عالمية ...
وشي محلات عادية
و محلات حلويات تجنن
و سوق ذهب كبيييييييير في دبي مول ...!

واذا تبين ماركات او محلات اوكي يعني بضاعه موجوده فالمحلات بس هالنوعية تكون ارخص من المحلات
بتلاقينه في اوت ليت وهذا المول ع طريج العين ..

وشي سوق صيني كبيييييييييير : فيه القطع \ المحلات الصينية \ الاثاث \ الديكور \ اكسسورات \ تراكيب للبيت اشياء ما تخطر ف بالج فيه


وووايد اشياء مادري شو اقولج وشو ما اقولج ^^

 

[PINKY_GIRL]

رد : شنو أطلب هدية من دبي ؟

يروح ويرجع بالسلامه حبيبتي...
في محل عطور وبخور مو موجود بالكويت اسمه ياس...
بخورهم عجيب....
وعندهم عطر فليرت حده يدوخ:hjy5jewf:
.....
وتقبلي مروري​

 

[lolwah]

ياس عيزت ادوره في ابن بطووطه ! ومالقيته
قالولوي فيه عطر اسمه غلا زايد حده عجيب
وين موجود غير ابن بطوطه

 

[ليدي دبي]

فيه محل للبخور والعطور اسمه ياس الاسم الملكي للعطور موجود في دبي مول وفستيفال سيتي
ودبي مول فيه واااااايد محلات ككاو وحلويات و40% من المحلات الي فيه اول مره تفتح بالشرق الاوسط

 

[لوازم العائلة]

رد : شنو أطلب هدية من دبي ؟

لو من ماارضى بهديه
انا مافي شي يملي عيني الا اني اروح هناك
تدرين انا لومنج اقوله هديتي بروح اشتريها بنفسي من هناك ههههههههههههه

 

[حيوته]

الله يعطيكم العافيه خواتي ما قصرتوا والله ..
بنت الظاهري : الله يزاج كل خير يارب ما قصرتي دامج من الامارات أبي أسأل عن خرج اليلوة عرفتيهم الي يجلون فيها العروس تنباع عندكم بدبي ؟؟ وين مكانها بالضبط اهني بالكويت قالولي في بس مادري وين أبي ضروري يرحم والدينج ...

PINKY_GIRL : الله يسلمج يابعد قلبي ما قصرتي عاد دستي على الوتر الحساس أنا أدور بخور أصلي عجيب عشان لمن أنزل بيتي عساج على القوة يارب موفقة ..

lolwah : مشكورة على الرد ان شاءالله ريلي يحصله عاد ذيك الساع اخليه يدليج مكانه ههههههههههههه ..

ليدي دبي : حبيبتي مشكورة على الوصف ان شاءالله يحصل المكان الله يعطيج العافيه ..

لوازم العائلة : والله اختي اهو وده وانا ودي لكن ما حصلي أنا توني مداومة ومدرسة يعني أملي يعطوني اجازة لا تعورين قلبي

بصراحة خواتي أنا الي محيرني شنو اطلب ان كل شي عندنا بالكويت ومو محتاجه شي بس ما يصير يردلي بالسلامة ومو يايبلي شي ههههههههههههههههههههه صح ؟؟؟

 

[كونتيسة]

حبيبتي مكياج بربريز للحين ما نزل الكويت
دشي موقعهم واختاري اللي تبين
موجود بالامارات مول
اسم المحل هارفي نكلز

اهو غراند ستور في كل شي مكياج عطور جناط ماركه

 

[حيوته]

مشكورة كونتيسة يعطيج العافيه عاد يبيلي مكياج
أهل دبي وييييييينكم عندكم بدبي خرج الجلوة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟