>>> شنو أشتري سيــــــــــــــــــاره ؟!

[m!ss sara]

قوة بنات ..

الله يسلمكم ناوية أشتري سيارة بس عاد شنو بالضبط مادري :eh_s(10):

أبيها ما تكون غالية يعني سعرها حيل معقول + عمرها طويل + صالون أو جيب صغير

هذي المواصفات الأساسيه ..

قالولي عن كيا كادينزا وعن نيسان مورانو ؟؟

بس ليلحين ماعرف أسعارهم ولا عنهم :eh_s(4):

ياليت اللي تعرف تفيدني لأني وايد محتاجه الافاده الله يسهل عليها إن شاء الله :yaaaaaarb:

وشكراً .. :eh_s(17):

 

[نورالدنيا***]

كيا اليديده حلوه وسعرها مناسب الصالون شكلها حلووو ومبروك مقدمااا

 

[dob106]

اب اب

 

[غـلآوي ّ ~]

لآ لآ لآ لاتاخذيـن مورآنـو صغير وغااالي بـ 13 مادري 12 ألف

عـندج كـامري حلوه كـبدايه وعـندج ألـتيمـا من نسيان

 

[ليان]

الله يعطيج من خيرها ويكفيج شرها

اذا متعلمه وخالصه يعني مو عليميه

وتبين سياره حق العمر كله روحي تويوتا

برادوا او لاند او كامري

لان قطع غيار تويوتا على قولة زوجي لها قطع غيار بكل مكان

والله يوفقج​

 

[أم نواف غير]

يعطيج من خيرها ويكفيج شرها
البنات ماقصرو​

 

[( المـلاك )]

اذا تبين شي على قولتج عمره طويل يعني يدوم
و اهم شي سعره يكون معقول
عندج شركة تويوتا
روحي و شوفي اللي يعجبج .
لانه المواصفات اللي تبينها موجوده هناك

انا اقول كامري زينه لمواصفاتج اللي طلبتيها

 

[m!ss sara]

مشكورين بنات على مروركم فديتكم :*

الحين الوالد بين التويوتا كامري وبين نيسان مورانوا :/

بس أحسكم تفضلون الكامري صح ؟ أنا حاسه الكامري أفضل بس هم خل أبحث عن المورانو

ان شاء الله أقولكم عن آخر ما رح استنتجه

وشكراً لكم : )

 

[aloooya]

انصحج بنفس سيارتي همر لاني احبها لووول

 

[one two 3]

مورانو حلو انا مجربته

ماعليه كلام

بس التيوتا يقولون غياراتها بكل مكان ورخيص

 

[m!ss sara]

ذآتس ماي نيو ونديرفول كار ; )

 

[أم سلوم 58]

الهوندا حلوه اختي وتكيفها زين المورانو ما يمدحون تكيفه ورفيجتي تشتكي هم من القشقاي الهوندا ما عليها كلام قريبه من الكامري وهم تغير والله يوفقج بشروتج والله يكفيج شر اللي بتاخذينها

 

[ام عمر ومريم]

كتير يمدحون الكيا السبورتاج

 

[Beyoncee]

انا انصحج بالكامري بالصيف كرف ما شاء الله عليها

 

[jojowwa]

حسب افليساتج.....


مرسيدس...

بي ام....

اخر شي

تويوتا للكد

والخيره فيما اختاره الله.....


بالتوفيق

 

[candy.vib]

اخذي مرسيدس مستعمل احسن

 

[قطوة@@]

لكزس Lexus is حلوة لبنت توها تسوق و سعرها حلووو