شنو أحسن بنك لللفيزا بليز ضروري ابيها هالاسبوع ؟؟؟؟

[مفرفشه عالاخر]

السلام عليكم

شلونكم بنات؟

حبيت اعرف شنو احسن بنك للفيزا وبدون رسوم سنويه


صراحه انا دقيت على بنكي التمويل وياخذون عالفيزا عالاقل 25 دسناؤ سنويا

وسمعت ان البنك الوطني رسومه مجانيه بس خايفه لان دايما اسمع انهم حراميه

وعندي حساب بالتجاري ودقيت عليهم كلا مشغول ومرتاحه وياهم

فابي اعرف ششنو احسن بنك ومضمون للفيزا وابي سعر الفيزا

لان التمويل اقل سعر عندهم 250

أنا ابي اهم شي تكون رسوم الفيزا مجانيه


وشكرا

بليز ابي الرد ضروري ابي كل تقولي اذا مرتاحه مع بنكها ولا في مشاكل بسالفه الفيزا

لاني ابي اتاجر فيها عن طريق النت وسمعت ان في فيزا يصير احط فيها فلوس ومااخذ منها او بنك الالكتروني معين


اتمنى تفيدوني

 

[فراشه ذهبيه]

uuuuuuuuuuuuup

 

[مفرفشه عالاخر]

تانكس فراشه

بليز بنات ردو

 

[lilian2razan]

حبيبتي اذا في مجال انج تتخلين عنها فوالله افضل لج لانها دماااااااااااار شاااااااااااااامل
بدون مبالغة
و مجال البوق فيها ماله حدود
و يكذبون عليج ان قالوا في شي مجاني
كل البنوك تاخذ رسوم
بس يغرونج انها فري السنة الاولى
و بعد جذي يبدي الاكال من الشق للشق
شي رسوم تجديد
شي رسوم مرونة سداد
شي رسوم تاخير سدسد
و شي رسوم على الرسوم
و ما تخلصين
و رسوم التجديد من 25 و طالع حسب الليمت اللي محددينه لج للبطاقة
انصج لوجه الله تخلي عنها
وان كنتي بحاجتها للنت ففي شي اسمه فيزا نت عليها رسوم بس على الاقل امر اهون من العادية

 

[حور_الكويت]

انا مع رأي الإخت اللي فوق مشاركتي
وإذا مصرة خلج على التمويل وعندهم فيزا للنت وبدون رقم سري تعبينها المبلغ اللي تبينه وتشترين فيه لها إسم ناسيته والله

 

[Grass]

الوطني او التمويل ... والباجي موشي

 

[الشامريه]

فعلا الفيزا دماااااااار


اهم شي بنك اسلامي بيت التمويل او بوبيان




فيزا الانترنت مالت بيت التمويل <<<<<<<< اسمها بطاقة الخير ورسومها السنويه 5 kd

 

[نــوره]

بطاقة الخير من بيت التمويل تعبينها بالمبلغ اللي تبينه وتستخدمينها حق النت يعني مثل الفيزا

 

[Spoildish]

حبيبتي انا ماخذه فيزا ب500 من الوطني و بدون فوايد و كل شهر ياخذون 30 او المبلغ اي انتي تبينه ليمن يتسدد المبلغ كله

 

[sunshine22]

رد : شنو أحسن بنك لللفيزا بليز ضروري ابيها هالاسبوع ؟؟؟؟

اذا تبينها بامور مو ضروريه ومو مهمه وبامكانج تأجلينها وتستغنين عنها
واذا انتي كلش مو ملزومه تاخذينها

قضبي عبايتج وانحااااااااااااشي عنها

ترا الفيزا دمار انا عندي ادش جمعيه ولا اخذ فيزا لانه ايدج بتحكج كل اشوي وبتسحبين منها ماكو التزام

والله مقهوره من الفيزا اخذتها عشان ابي 200 دينار اسافر فيهم وازيدهم ع اللي عندي

ابتلشت واخذت ال1200 كلهاااااااااااااااا والحين ماكله هوااااااااااااااا
قلتلج قصتي عشان تعرفين مقدار المصيبه عند اخذ الفيزا

ومن التمويل بعد ماخذتها

 

[lulwa-q8]

up

=)

 

[مفرفشه عالاخر]

رد : شنو أحسن بنك لللفيزا بليز ضروري ابيها هالاسبوع ؟؟؟؟

بنات انا شكلي قررت استخدم بطاقه الخير لبنك التمويل ﻷن سمعت انها زينه وما اقدر اسحب اﻻ المبلغ الموجود فيها بس يعني نفس البطاقه العاديه < هذا احلى شيء فيها

وهم تستخدم كفيزا وبعد ياخذون 1% كصدقه للحج والعمره

 

[Nokia N95]

رد : شنو أحسن بنك لللفيزا بليز ضروري ابيها هالاسبوع ؟؟؟؟

فيزا بيت التمويل ..... فيها ميزة حلوة ....

الشي اللي تشترينه .... ترجعين قيمته مو اكثر ....

والـ 25 دينار السنوية تكون مقسمة على 12 شهر ... يعني كل شهر يخصمون منج دينارين تقريبا .... سواء استخدمتيها او لا ...

اما الوطني ...
مافي رسوم سنوية ... لكن الشي اللي تشترينه بعشر دنانير ... ممكن ترجعين قيمته وزيادة عليهم

هذا كل اللي اعرفه عن الفيزا ... و ان شاء الله البنات يفيدونج اكثر

 

[مفرفشه عالاخر]

رد : شنو أحسن بنك لللفيزا بليز ضروري ابيها هالاسبوع ؟؟؟؟

مشكوووووووووورة حياتي نوكيا

 

[شمس 20]

لا تاخذين فيزااا ... كلش كلش تسلفي من اهلج