شنو آخر هديه شريتيها وشنو المناسبه ؟؟؟ ومع الصور مشاركتج تكون اجمل :)

[الكرستاله]

السلام عليكم
شلونكم يابنات وشخباركم :eh_s(17):

ندخل بالموضوع :rerrerek:
ماشالله مناسباتنا الاجتماعيه وايد
وبالنسبه لي من بدآ شهر رمضان المبارك 3 ولادات رحت :ggdw:
وطبعا استقبال ولازم اودي هدية :eh_s(15):

وصارت الهدايا اللي نقدمها لازم مستواها يكون حلو وراقي
واحيانا نختصر الهديه ونحط ظرف فلووس
بس انا مو دايما احب احط فلووووس

وللامانه اول كنت اجامل
بس الحين عرفت الناس عدل :eh_s(14): ياما عطينا وسوينا بس في ناس مايستاهلووون أبدا:eh_s(4):
أو ان تقدمين لهم هديه بمستوا عادي بدال لاروح مومنت او او اشتري ماركة
اروح نكست وهالمحلات و اخذلهم
او مااروح استقبالهم
ومرات تقولين علشان خاطر امها او خاطر خالتها :eh_s(16):


ووايد نشوف ناس تشتكي من المناسبات مثل استقبال زواج او ولاده يكلفهم
وغالبا صاروا يروحون مجامله وغير جذي المعاش لازم تخشين منه لهذي المناسبات !



المهم خلونا نشوف مستوى الهدايا اللي تشتروونها
وشرايكم بمستوى الهدايا اللي اتييلكم ؟؟
وشكثر انصدمتوا من هدايا ناس توقعتوا اييبون هديه اذرب :eh_s(14):

طبعا ان ماننطر من احد شي ومو محتاجين والحمدلله بس مهما يكون لما توجبين احد تنطرين يوجبج


يله كل وحده اتقول لنا كل ماتروح مناسبه

سبب المناسبه ؟؟
وشنو خذت هديه ؟؟

واللي تقدر تحط لنا صورة الهدية :eh_s(17)::eh_s(17):

 

[الكرستاله]

بالنسبه لي آخر مناسبة استقبال ولادة
وشريت هديه من مومنت / جوسي كوتور

بس للأسف ماصورتهم
تيشيرتين حلوين :rerrerek:

 

[caramil]

لوووووووول الموضوع يه بووقته ..
اول رمضان شريت مسباح كهرب اسود ..بـ 60 دينار.. انا ما افهم بالمسابيح كلش..وسعره كان وسط مابين الغالي والرخيص
على كثر ميزانيتي>> واعلياا علي طالبه..

بس اخذت راااي الريال اللي هناك... قلتله مووو تقص عليييي..ابيه حق شخص يعز علي
وقلتله انه ثلاثيني مو ياهل ولا شيبه..وكانت نفسه حلوه معاي.. ومره وحده اخذت له بخور تولته بـ15 ..مع دهن العود
والله يعافي تغليف الهدايا بالرقعي قاموا بالواجب.. كلها اطلعت علي بـ130 وخرده >> ترا الخرده مهمــه..
ملاحظه: وايد انصحكم بتغليف الهدايا اللي بالرقعي مو بوكيه الهدايا لاا اللي يمه اللي لونه بنفسجي ..عليهم فناتق خيال

وفعلا كل شخص لما تهدينه لازم تهدينه شي على جوه ..والشخص اللي يبتله المسباح ..اللي اعرفه عنه انه ينام والمسباح بإيده
قبل فتره دش غرفة العمليات بالموت شالوا المسباح من ايده علشان جذي يبت له مسباح

الهديه ماكانت لمناسبه مجرد رد ..يا إمي في ناس تحبين تدلعينهم من الله هالشعووور.. ..وبنفس الوقت اخذت واحد ثاني لأبوي..بس شكله ما اعجبه يجاملني..لأأني ماشفته
بإيده لووووول مشكله الشياب ماينعرفلهم >> فديت ابوي..


والله يعطيني طولة العمر ويرزقني و ادللهم اكثر..واكثر..ويخليلي ابوي الغالي


وبس انا احب اهدي نفسي بصراحه لأني احب نفسي وهاليومين بصدم نفسي بهديه قويه لوووووووووووول حق العيد

وناطره هدايا عيد ميلادي مابقى شي عليه وبنشوف اللي خذوا عنوان بيتنا شنو قدري عندهم > كلش مو عياره..


ويعطيج العافيه على الموضوع وايد يشوق :* واالرسول صلى الله عليه وسلم قال تهادوا تحابوا..)

 

[kookeeza]

الموضوع وايد حلو ومصرف نفس الوقت

 

[DALOULI]

في وحدة تصير مرت ولد خالة امي لمن ولدت امي راحت لها المستشفى ودت لها 50 دينار و لمن امي ولدت ما يت المستشفى بس يت البيت ايد ورا و ايد جدام مع ان بولادتها كانت يايبة بنت و امي يابت ولد
حسيت انها صج مو كفو ...​

 

[kookeeza]

حرام عليج يمكن ماعندها وفشله بعد اذا يابت اي شي لازم قيمته 50 تقريبا انا مريت بالموقف مع اقرب الناس ييتلهم المستشفا وبيدي هديه اهيا بجر بنت وانا بجيري بنت عقب ولدت مايتلي كلش بالزواره عطتني هديتها تدرين شنو ؟؟؟؟ بدله بس بدون ليبل ولا شي لما طلعتها خواتها قالوا هذي نفس بدله بنت اختهم اللي عطتني هديه لوووووووووول خواتها افضحوها خذا ابخاطري وين قاعدين شي ملبوس خوش هديه

 

[خالف تعرف]

على حسب اذا شفت ان الوالده طرق المعاش اعطيها ٥٠ عشان تشتري الي تحتاجه واذا وحده مايقه اخذلها قميص نوم وروب يعني طقم كامل
وبيني وبينج اغلب البنات مو كفو تعطينها شي غالي تشترين شي وتقصرين على نفسج ايون يايبين ورد او ككاو واحنه نتعب ونفرفر
لا يمكن ايبون وعبالهم انهم معطينج كنز

 

[kookeeza]

اي وين اللي يقدر تدرين عاد انا سويتها ..طريقه اتريح الكل انا لما عرس كتب كل وحده شنو يابتلي علشان اقدر لما يعرسون ولا اي مناسبه معني احب اكون بالاحسن صوره عن الحجي

 

[kookeeza]

اي وين اللي يقدر تدرين عاد انا سويتها ..طريقه اتريح الكل انا لما عرس كتب كل وحده شنو يابتلي علشان اقدر لما يعرسون ولا اي مناسبه معني احب اكون بالاحسن صوره عن الحجي

 

[pinkoosha]

شريت خاتم مطلي وحطيته مع القرقيعان و عطيته خالتي

 

[kookeeza]

اي وين اللي يقدر تدرين عاد انا سويتها ..طريقه اتريح الكل انا لما عرس كتب كل وحده شنو يابتلي علشان اقدر لما يعرسون ولا اي مناسبه معني احب اكون بالاحسن صوره عن الحجي

 

[الكرستاله]

كراميل
صح كلامج
في ناس من الله تحبينهم وتودين لهم هدايا بدون مناسبه :eh_s(7):
واحباط اذا وديتي هديه وماعجبتهم ههههههههه بس دام ابوج يمون

 

[الكرستاله]

كوكيزا

وااي يبطون جبدي اللي ايبون هدايا تشيب / اقل من المستوا
مو قصدي المادي لان كل وحده لها ظروفها
بس في ناس اتعرفينهم يعطون بس ناس وناس :eh_s(14):
واللي يبط جبدي الهدايا اللي تحسين انها مستعمله :rgewrg::rgewrg:


مره وحده يابت هديه امبيه اتفشل حدهااااااا :eh_s(4):
وشفتهاااا بشوارفسكي سلمت عليها
اتقولي شرايج بشتري هديه شرايج اخذ هذي ولا هذي :bbbiu:

 

[قطوووة]

في وحدة تصير مرت ولد خالة امي لمن ولدت امي راحت لها المستشفى ودت لها 50 دينار و لمن امي ولدت ما يت المستشفى بس يت البيت ايد ورا و ايد جدام مع ان بولادتها كانت يايبة بنت و امي يابت ولد
حسيت انها صج مو كفو ...​

اوكي عرفنا انها ماعطتكم .. بس ليش محددة بنت و ولد ؟:eh_s(1):

 

[الكرستاله]

دلولي

المشكله مو بنت ولا ولد
المشكله انج لما تقدرين ناس واهما مايقدرونج ://
اتصدقين يحوشج غامت منهم .

 

[DALOULI]

اوكي عرفنا انها ماعطتكم .. بس ليش محددة بنت و ولد ؟:eh_s(1):

لانه المتعارف عليه ان اللي تييب البنت ممكن تعطينها اي شي بس الولد كل من يعطيه فلوس خصوصا اذا كان ياي من عقب
4بنات*

 

[DALOULI]

الكريستاله اي امبي من صجچ

 

[PuPa^^SWeeT]

شريت حق ريلي قلم كشخة


و شريت عطر mine

من جفنشي حلوووووو