شنوو هذا الألم ؟؟؟؟؟ عفيه ابي مساعده

[mooma]

السلام عليكم
قووه بنات شلووونكم شخباركم عساكم بخيير

صراحه بنات انا اول مره اكتب موضووع بهالقسم و اتمنى انكم تساعدوني

انا صارلي 4 شهوور من تزوجت و الحمد لله ..
و كل شهر يحوشني ألم في المبايض احياناً احس ما اقدر اقوم و اقعد براحه و كل شهر اتحلم و اقول اني حامل و للأسف ما اطلع حامل

اول شهر حاشتني التهاباات مو طبيعييه كللللللللش كان ينزل مني فطريات بشكل غرييب جدا طبعن مستوصف الصقر ما سوولي شي على ما يطلع تحليل و حاله رحت الصيدليه عطووني تحاميل و غسول و انتيبايوتيك المهم بهالشهر جدمت دورتي يومين

الشهر اللي بعده الم في المبايض و و اسفل البطن جدم الدوره يومين

ثالث شهر نفس الحاله احس الم في المبايض و اسفل البطن و مع ذلك جدمت يومين

هذا الشهر الرابع انا توقعت اني حامل كنت كل شوي ادش الحمام اجيك على الدوره و تكون مو يايتني و احس بالم و تاخرت علي يوم واحد و مع ذلك نزلت

يا بنات انا كل شهر قاعده اعييش باحلام ورديه و اتحلم بالياهل و اعيش زوجي معاي بهالاحلام و بالاخير تنزل دورتي
و جم مره رحت حللت دم عساس ودي اعرف اذا حامل مابي انطر تتاخر الدوره و يطلعلي اني مو حامل
و انا صراحه خايفه من الم المبايض بنات من اول يومين اخلص الدوره يحوشني الالم ليما تييني الدوره
و الحمد لله رب العالمين ان طول الشهر ما نترك الا اول جم يوم و اخر جم يوم ما نسوي عشان احمل و مع ذلك ماكو حمل
فيدوني يا بنات و لكم الاجر ان شاء الله

و الله يرزق كل محرومه ان شاء الله بحق محمد و ال محمد ​

 

[منالـ]

الله يحقق لج ما تبين بس اذا في الم
لازم تاخذيت ع الاقل سونار لان يمكن يكون جيس اوشئ لأن رفيجتي قبل كان فيها الم مو طبيعي راحت خذت سونار قالوا فيج
جيس وقامت تتعالج
ويمكن هالشئ اللي مأثر ع موضوع حملج
وكثري من الأستغفار
تقبلي مروري

 

[@غشمرية@]

رد : شنوو هذا الألم ؟؟؟؟؟ عفيه ابي مساعده

اختي كانت نفسج مبايضها تعورها قالولها الدكاترة يمكن تكيس بس ماسوت فحوصات خافت
انا اول زواجي كنت جذي دورتي تتقدم يومين لمدة خمس شهور واخر شي حملت الحمدلله وكنت ااتعب منها حيل رحت للدكتورة اول مادرت اني توني عروس عطتني حبوب الحديد الي معاهم حمض الفوليك والحمدالله راح العوار وحملت بعدها ولما رحت اراجع وانا حامل قالتلي الدكتورة اخذتي حبوب الفوليك قلتلها السالفة ولا تقولي زين سوت الدكتورة لما عطتج الحبوب لانهم يخففون عوار الدورة وينظمونها ويثبتون الحمل وسوري عالاطالة ....

 

[lovemyself]

والله ماقدر اقولج الا روحى الطبيب احسنلج لازم تشوفين السبب يمكن فيج شى مانع الحمل
لا تسكتين على عمرج والله بيرزقج انشالله

 

[عــود كمــبودي]

يمكن فترة التبويض عندج ؟؟؟؟!!


والله يرزقج

 

[مشتاقة الى الله]

الله يرزقج يا قلبي ويثلج صدرج بضمة ضناج يارب

ويرزقنا وياج ان شاء الله

 

[الزمردهA]

الله يرزقج يارب بالذريه الصالحه يارب

 

[! GaLaXy !]

حبيبتي ..

متى يعورونج مبايضج .؟

يعني اذا يعورونج في فتره التبويض فهذا شي طبيعي

والمفروض تستانسين لان تبويضج زين


اما اذا يعورونج بغير هالوقت روحي فحصي وتطمني ع رووحج

 

[ماكنتوشة***]

رد : شنوو هذا الألم ؟؟؟؟؟ عفيه ابي مساعده

روحي للدكتوره واشرحي لها الوضع
وان شاء الله مافيه شي
ونصيحه .....
لاتعيشين زوجج كل شهر على انج حامل ...خلي الوضع عااادي واسكتي وقولي لا جا الطاري الله بيرزقنا ان شاء الله بالوقت المناسب
وانسي وشيلي الافكار من راسج لان هالشي يأخر الحمال

 

[mooma]

يعطيييكم العافيه بنات ما قصرتوا بس والله انا وحده خوافه
و اخاف ارووح الطبيب و ودي اعرف شنو فيني !!!
فقلت اسألكم من خبرتكم تفيدوني
و ما قصرتوا الله يعطيكم العافيه و يرزق كل محرومه بالذريه الصالحه يا رب

 

[حلومي السعوديه]

رد : شنوو هذا الألم ؟؟؟؟؟ عفيه ابي مساعده

الله يرزقك ياااااااااااااااااااااااااارب ويفرحكم يابنات احلى منتدى يارب

 

[يا عيون سمي]

حبيبتي انشاءاللله حامل
بس حبيت اقولج في حاله نزول البويضه تحسين بالم
اتوقع ان تبويضج اول ما تغسلين من الدوره وانشاءاللله تحملين​

 

[متفائلة2010]

اللي اتحسينه الم تبويض لاتخافين ياقلبي شي طبيعي

وتغير هرمونات وان شاءالله اذا مو هالشهر حامل

الشهر الجاي باذن الله....

ربي يرزقج..

 

[mooma]

بس انا الألم يحوشني من اول ما اخلص الدوره الى موعد الدوره الجايه
و انا الحمد لله دورتي مظبووطه بس اول ما تزوجت اللي قتلكم جدمت على يومين يومين بعدين تاخرت يوم بس ولا ما شاء الله منظمه
بس مادري كل ما حسيت بالم المبايض قلت حامل و بالاخير اندقر
و اخاف اروح للدكتوره مادري شسوي !!

 

[ابتسمامه]

الله يكتبلج اللي فيه خيره

اتوقع لخبطة هرمونات عادي بس اهم شي لا تفكرين وتحاتين النفسيه تلعب دور

 

[طيبة الطيبات]

والله اختى انا كنت شذى صارلى تقريبا 3 اشهر من بعد الدوره على طول يجينى الالم فى جهه وحده لين بطنى من تحت مثل الدوره ويستمر الالم لين الدوره اللى بعدها سويت فحوصات وكل شى قالت الدكتوره هذا قولون يجى شذى الام جهه وحده وتحت فى البطن بعد ونصيحه مو كل شى يصير لك او تحسين بالم يدرى فيه زوجك ولاتفكرين بالتبويض خليها على الله

 

[ام فوااز]

حبيبتي هذا الالم معناته فترة تبويضج وان تبويضج زين
اذا دورتج منتظمة حرصي انتي وزوجج على يوم 13 و 14 و 15 و16
والله يرزقج يارب وروحي سوي سونار دداخلي عشان تتطمنين