شنوو شعووركم ؟!

[مكسورة الخاطر]

سلام =)​

شلوونكم شخباركم انشالله كلكم بخير ​

ندخل بالموضووع على طوول​

اليوم طق براسي ابي ادخل على ملفي واشووف مشاركاتي بهذا المنتدى الطيب ​

دخلت , وقعدت اقرا , حسيت شعوور غريب , حلوو ويبجي بنفس الوقت , :eh_s(2):
الحلوو اني قضيت كل هالوقت بينكم ومارديتوني يوم طلبتكم :eh_s(22):
وهم حسيت وانا اقرا شلون كبرت , كنت بالثنوي ومطيحة بقسم الطالبات , وبعدين صارت تشدني
مواضيع الصف 12 , وشلون كنا نشجع بعض نييب احسن النسب , وسوالف حفل التخرج والخ ..
تخرجت , وطلعت من هالقسم وصرت بقسم الجامعات والمعاهد , ويمكن ايي يوم وانضم بقسم العروس :eh_s(22): << !​

وهم حسيت اني مليقة بجم رد ! لوول ​

يعني , واايد احاسيس يتني لما قريت ردودي القديمة :eh_s(2):​

والحين المطلووب ابي كل وحدة تدش على ملفها وتقرا ردودهاا وتقول لي شنوو احساسها ؟!​

ومنها نقول كلمة شكر لكل القائمين على هالمنتدى اللي خليناه جزء من وقتنا وحياتنا :eh_s(7)::eh_s(17):​

وانشالله يعجبكم الموضوع لان اول مرة افتح موضوع بهالقسم ف لا تفشلوني وتحسسوني اني
بس انا اللي حساسة وماعندي سالفة مبطلة الموضوع !​

المايك لكم :eh_s(7):​

 

[ޢޢޢإيمانޢޢޢะۣۨ>]

آنا صار لي شهر تقريبا بالمنتدى ومتعلقة فيه حييييل
وإنتي ماشاء الله بيصير لج سنتين
حلو إحساسج
آنا يضيق خلقي إذا ما دخلت يوم واحد
وأحب أشكر كل البنات ومديرة المنتدى
ما تقصرون مع أحد فديتكم
والله يوفق الجميع
ونبي نعرف شعور البنات اللي صار لهم فترة طويييلة بالمنتدى
​

 

[دمعة بتول]

حلوه ردودي وخلوقه

مااغلط على احد




احب الخير لي وللكل

 

[أم توتو]

الحمد الله ردودي كلها كويسه مافي سب ولاتجعم انا لي تقريبا بالمنتدى من شهرمحرم يعني خمس شهور تقريبا والله يعطيهم العافيه لكل من ساهم في نجاح هالمنتدى

 

[dnyay_mll]

دايما اييني نفس شعورج
احس المنتدى بيتي الثاني والبنات كلهم خواتـــي
والله يشهد افقـد كل وحده تعودت اشـوف نكها حتى لو اكـون مختلفه معاها برايي
واعرف قبل لا ادخل الموضوع من عنوانه منو اللي ردو عليه
واعرف ردود اكثـر البنات
الحمدلله اللي جمعنا على خيـر
والف شكـر للغاليه بنت الكـويت على هذا المنتدى الراقـي

 

[Tom ♥ Jerry]

,

شعور حلو وآيد و الله !

هالـ منتدى عآلمي .، الكل يعرفه و يتكلم عنه !
تصدقيني ريلي يقول بالدوآم حآطين بلوك على منتدآكم ؟ قلت له ليش ؟!
جآن يقولون لانه المسؤول مآ يبي البنات يدخلونه ! و ينشغلون

شوفي لآي درجه !

 

[مكسورة الخاطر]

هالموضوع قالو لي انمسح !؟
يالله الحمدلله انه رد !

اول شي يسلموووو كل اللي ردو على الموضوع :*

ايمان
نفسي هم انا ماقدر يمر يوم من غير ما اطل ع المنتدى ، احس اذا ما دشيته يصير فيه شي ناقص

دمعة بتول وام توتو
فديت اللي ردودهم راقية وراضين عن نفسهم :* ، استمرو وانشالله نكون مثلكم ونضبط اعصابنا >_< !

dnyay
اي والله صار بيتنا الثاني

tom $ jerry >> نكج يونس :$ !
لوول ! عارفين حق حريم الكويت يدروون انه مانقدر نستغنى عن المنتدى !

 

[مكسورة الخاطر]

اب ابب
شكله ما عجبكم الموضوع

<< ناسية انها منزلة موضوع !!

 

[نهى الأحمد]

مشكوره حبيبتي على موضوعج اللطيف :eh_s(7):


هذا المنتدى صار بالنسبة لنا مثل بيت ثاني
نتعلم منه ونساعد بعض
ونكون مثل خوات بالدنيا بعيد عن المشاكل والهموم

بدايتي كانت بسيطة

لكن الحين الحمدالله وبفضله قدرت اطور من نفسي واقدم كل شي له فايدة للجميع


بالتوفيق للكل :eh_s(7):

 

[تكييف]

موضوعج حلو... الصراحه صج المنتدى بيتنا الثاني .. ونحتاجه ويحتاجنا واشكثر ساعدنا بردودنا؟؟؟ والحمدلله

 

[آتعــبني غـلآآك]

انا توني جديد صارلي اسبوعين تقريبا مايمدي اشوف ردودي لول
و المنتدى صار شئ روتيني لازم كل يوم ادشه مااقدر استغني عنه

 

[برنسس أوراق]

إن شاااء الله قريبااا ندخل قسم العروووووس خخخخخ..وشكراااااااا من القلبببببب لمديرة المنتدى ومشرفااتها والعضوات الحلووات اللي بدونهم ما يمشي المنتدى..لوووووول

 

[عطورات المطيري]

ونا بعد ماصار لي سنه بس من قبل جذي ونا متااابعه كوييتات
وحبيته وحسيته فخر لبنات هالديره الطيبه وانهم ينصحون ويسولوفن من قلب
واناااا بعد اليوم مادري اش طرابالي وهم شفت ردوود في اشياء حبيتها واشايء حسيت اني ماعطيت كاتبتيها
حقهااا بس ارد واقول شكرا لك من اقام هالصرح العظيم
وشكرا لك مجهود يبذل من قبل الادراه وابنات والمشاركات
وعسي الله يرفع قدر الكويت ويعزها زيعز شعبها
ماادري يمكن نص الحجي دااخل عرض بس هذا الي بخااطري بقووله
وشكرا لج مكسوره وعسي الله يجبر بخاطرج ويرزقج بولد الحلال الي يصونج ويعزج
والله يوفق كل خواتي االي بالمنتدي
واحبك في الله​