شنوو احسن وقت لتجهيز بعض الاغراض المتبقيه ؟!

[д7βk βşķάť]

السلام عليكم ورحمه الله وبركاته
صبااح الخير عرايس والفال ياارب للعزابيه :yaaaaaarb:
وان شاء الله وباذن الله مايخلص ارمضان الا ربي ميسر امورهم ومنخطبين
ياااااااااااااااااااااااااااااارب

اليوم حبيت اسالكم ابي رايكم بالامانه :eh_s(4):
ماحددو عرسي قالو احتمال شهر 12 وان شاءالله مايغيرونه نفس كل مره

امانه بنات شرايكم متى ابدا
افصل دراعات وعبايات ونفنوف العرس ونفنوف الصبحيه
ومتى تنصحوني اشتري طقم الالماس ومن وين يعني بالكويت ولا من السعوديه
ومتى اشتري الساعات الماركه وجم ساعه لازم عندي
وجم جنطه ماركه لازم تكون عندي

على فكره عرايس انا خلصت شريت الذهب وبجذي مابقي الا الي ذكرته

الي عندها مكان يقدر يفيدني وبالغراض الي ذكرتها فوق
تسدحه لي اهني بالموضوع
وشكراً لكم من كل قلبي :eh_s(22):
والله يفرح اقلوبكم مثل مارح تفرحون قلبي


امنه بنات لحد يشطح عن الموضوع :eh_s(2):

وبختم موضوعي لاكن لي طلب صغير
امانه بنات ادعوا للوالد لانه متوفي :eh_s(2): ​

 

[لمى الهاجري]

السلام عليكم ورحمه الله وبركاته
صبااح الخير عرايس والفال ياارب للعزابيه :yaaaaaarb:
وان شاء الله وباذن الله مايخلص ارمضان الا ربي ميسر امورهم ومنخطبين
ياااااااااااااااااااااااااااااارب

اليوم حبيت اسالكم ابي رايكم بالامانه :eh_s(4):
ماحددو عرسي قالو احتمال شهر 12 وان شاءالله مايغيرونه نفس كل مره

امانه بنات شرايكم متى ابدا
افصل دراعات وعبايات ونفنوف العرس ونفنوف الصبحيه
ومتى تنصحوني اشتري طقم الالماس ومن وين يعني بالكويت ولا من السعوديه
ومتى اشتري الساعات الماركه وجم ساعه لازم عندي
وجم جنطه ماركه لازم تكون عندي

على فكره عرايس انا خلصت شريت الذهب وبجذي مابقي الا الي ذكرته

الي عندها مكان يقدر يفيدني وبالغراض الي ذكرتها فوق
تسدحه لي اهني بالموضوع
وشكراً لكم من كل قلبي :eh_s(22):
والله يفرح اقلوبكم مثل مارح تفرحون قلبي


امنه بنات لحد يشطح عن الموضوع :eh_s(2):

وبختم موضوعي لاكن لي طلب صغير
امانه بنات ادعوا للوالد لانه متوفي :eh_s(2): ​

ادعيلي اتزوج انا مو متزوجة بالنسبة الاماس والساعات اشتريهم من الدمام او الخبر هناك ارخص وهناك مرة وحدة اشتري نفنوف العرس هناك معروفين كل الخليج يرحون الخبر والدمام عشان الالماس والساعات ونفنوف العرس والفساتين الي هناك المهم ترى الساعة الرولكس تقريبا 40000 ريال قطري وعندج ديور 30000 وشوبارد 120000 جوفي انتي اي ماركة واشتريه الدرعات والعبي فصليهم شهر 10 علشان القياس يبي لج تاكدين كم مرة تعرفين توسيع وتضويق وتقصير ليما يصيرون كبرج وشهر 11 سافري الدمام والخبرو اشتري الي قلت لج عليه بالنسبة لشناط الماركات طبعا معروف بدبي كل الماركات هناك قوتشي وبربري لويس فاتون وديور وشوبارد بس نصيحة لا تاخذين ديور لان في منه تقليد اخذي ماركة ما عليها تقليد لازم يكون عندج 3 شناط ماركة مع حواتي ويكون عندج ساعتين الماس وخاتمين لا تكثرين لان الناس بيعطونج هدايا واذا حابة يكون عندج تصمايم دراريع عجيبة الكويت مشهورة بمصممات الدراريع بس ماعرفهم لاني من قطر ادعيلي اعرس وتيسر اموري

 

[WAAAW]

الله يوفقج حبيبتي الاخت لمى ماقصرت

الله يغفر حق الوالد ويسكنه فسيح جناته ويجعل قبره روض من رياض الجنه اللهم امين

 

[حناينq8]

افصل دراعات وعبايات ونفنوف العرس ونفنوف الصبحيه
انا اشور عليج انج تتاكدين من وقت عرسج صيف او اشتا عشان تعرفين شتجهزين
واقول انج تسوين نفنوف الصباحيه والدراريع وتفتكين انا بدلة العرس نطري عليها شوي يمكن يتغير موديل السنه

ومتى تنصحوني اشتري طقم الالماس ومن وين يعني بالكويت ولا من السعوديه
اشتريه عقب ما تفصلين بدلة العرس عشان تعرفين تاخذينه ذهب ابيض او اصفر

ومتى اشتري الساعات الماركه وجم ساعه لازم عندي
الساعات اي وقت عادي اشتري ساعه الماس وحده على الاقل والباجي ماركات يعني بحدود ال4 الي 6 ساعات

وجم جنطه ماركه لازم تكون عندي
على حسب ميزانيتج - عندج الماركات العاديه والهبه مثل مايكل كورس وكارولينا هيريرا
وغيرهم اذا ميزانيتج راهيه اخذي ال في او شانيل - هم بحدود ال 4 الي 5 جناط اذا انتي من النوع اللي تنعزمين وايد ولج طلعات وايده مع ريلج وهالشي طبيعي اول الايام


وعموما لا تنسين ان السوق موجود حتى عقب الزواج اذا نقصج شي اشتريه باي وقت

 

[Angel_store]

اب اب اب

 

[نوفاتي]

الله يوفقج

 

[مس كارولينا]

انصحج الساعات من السعوديه حيل ارخص منا والعبي بعد والبدله اسعار الكويت مبالغ فيها حدااااا وعندنا جشع تجار مو طبيعي فا نصيحه مالج الا السعوديه تقضين منها كل شئ تمنياتي بالتوفيق

 

[ابيك م ابي غيرك]

الساعاتت اشتريهم الحين
وحده فخمه تكون المااس وغاليه لليلة العرس ..

وحده ذهبيه .. والباجي ثنتين او ثلاث اخذي جلد او سيراميك ابيض اسود وجذي عملي ..

بدلة العرس قبله بثلاث شهور لازم تسوينها اذا تفصال خاص
واذا اجاار قبله باربع شهوور حوسي عليه ..

والبدل والدراديع بدرري اعرفي الاوكيه متى عشان صيفي شتوي

وخلصي تناتيف الشقه البخور والعطور الميك اب
يعني الشغلات الي مالها مووضه .. بس طبعا كله ابدي عقب العيد
السوق يهدي واطيح الاسعاار واريح بالفراره لج من زحمة رمضاان

ونصييحه استغلي رمضاان بالصلاه والقيام وادعي ربج يتمم لج ع خير
ويتقبل منج ويسخر لج زوجج واهله ..

ومووفقه غلاي

 

[д7βk βşķάť]

الله يبيض وجهك
ويرزقكم من اوسع ابوابه
ماقصرتوو
والي متزوجه ربي يوفقها ويسخر لها زوجها
والي ماعرست ياارب يرزقهاا الرزق الطيب والزوج الصالح باذن الله

بس المشكله اني باذن الله بحج
شدبره يعني شلون اقسم الشغل
احس متوهقه ​

 

[((غلاي))]

وعليكم السلام حبيبتي
الله يوفقج ويهنيج يارب
ماقصرو البنات الله يرحم الوالد ويغفرله يارب

 

[لمى الهاجري]

بتروحين الخج تقريبا شهر 11 عيل شهر 10 فصلي الدراريع والعبي عشلن لما ترجعين من الحج يكون جاهز وعقب ما ترجعين اشتري الشنط الماركات والماس والساعات

 

[B.A.M]

موووفقه

 

[д7βk βşķάť]

اي يالمى بروح باذن الله اذا ربي كتبلي عمر
بس الحج قالو بشهر ١٠ تقريباً ١٤ /١٠ /٢٠١٢ مادري ١٥ /١٠ /٢٠١٢
انا بروح مع حمله عرفتي
يعني مادري متى انروح يابنص شهر ١٠ او باخر شهر عشره الله اعلم
للحين موبين الاكيد متى يمشوون
ومتى الرده

يعني متى افصل دراريع

انا بخاطري
افصل عند حريم حق العزايم الكبيره يعني العزايم حقت ردت الاسبوع يعني دراريع استقبالي عند اهلي وعند اهل زوجي
اما دراريع للايام العاديه مادري جم احتاج

المشكله شنوو انا نوعي بدل ناعمه
او نفانيف اقصيره مثل التركيات

الدبره شلون راح اتقلم مع الدراريع
ادري ان لازم دراريع للاستقبالي

بس للايام العاديه شنوو البس افصل بعد دارعات

 

[فجروف]

الساعات اكيييييييد من الخبر
حتى البدله و العبي وأشتري منهم خاااااام العبي يمكن تطق براسسسسج تفصصصصصلين اهنيه وكل شغلهم يهببببببل وزيارة يوفقج ويررًررزقج من اول ليله يارب ااااامين

 

[д7βk βşķάť]

فديت قلبج
ماقصرتي الله يسعدج ياقلبي


وبانتظار الباجي
يفيدوني اكثر​

 

[لمى الهاجري]

اي يالمى بروح باذن الله اذا ربي كتبلي عمر
بس الحج قالو بشهر 10 تقريباً 14 /10 /2012 مادري 15 /10 /2012
انا بروح مع حمله عرفتي
يعني مادري متى انروح يابنص شهر 10 او باخر شهر عشره الله اعلم
للحين موبين الاكيد متى يمشوون
ومتى الرده

يعني متى افصل دراريع

انا بخاطري
افصل عند حريم حق العزايم الكبيره يعني العزايم حقت ردت الاسبوع يعني دراريع استقبالي عند اهلي وعند اهل زوجي
اما دراريع للايام العاديه مادري جم احتاج

المشكله شنوو انا نوعي بدل ناعمه
او نفانيف اقصيره مثل التركيات

الدبره شلون راح اتقلم مع الدراريع
ادري ان لازم دراريع للاستقبالي

بس للايام العاديه شنوو البس افصل بعد دارعات

افا عليج سوي دراريع قصيرة الي يسمونه ميني دراعة لين الركبة نفس الي بمسلسل زوارة خميس وايد مصممات يسوونها خليهاحق عزايم هلج وعزايم اهل ريلج ودام انج بتروةحين الحج شهر 10 عيل شهر 9 ابدي بخياط الدراريع ولما ترجعين اشتري الاشياء الباقية شنط ماركات جواتي

 

[д7βk βşķάť]

اهاا صح فكره حلووه
وخلاص باذن الله بسوي اغلب دراعاتي مني دراعه
وفصلهم شهر ٩​