شنووو نظااام زوارتكم؟؟

[cheese cake 84]

شنووو نظام زوارتكم؟؟ رياييل مع حريم ولا منفصلين؟؟ تكشخون وتخبون نفسكم ولا عادي؟؟ يكون الاكل طبخ بيت ولا مطعم؟؟ تيبين ممعاج شي؟ غدا ولا عشا؟؟ ادي ثقلت بالاسئله بس يلا خن نسولف ونستانس:hjy5jewf: انا بجاوبكم اول كل زواراتنا سواء اهلى ولا اهل زوجي خلط لان ماكو احد غريب ومو وايد شكو نفصل وعالكشخه زواره امي ترينغ او جنز وقميص عادي اما حمولتي لاااا هالكشخه وهالرزه :icon30:بالازوارتين اكل بيت ومرات اييب حق زواره حمولتي بس اذا معصبه منهم ماييب شي خخخخ وبيتنا غدا وحمولتي عشا وبسسس انتووووو:080402ask_prv:

 

[نور كوليكشن]

صراحه انا ماخذه ولد عمي وساكنه ببيت حمولتي يعني ما كو زواره لهم فكه <خخخخخخخخخخ
وبالنسبه لأهلي عادي ما كو شي نتقيد فيه بس ساعات فيه مناسبات عند اهلي نكشخ فيها
واهلى مو لازم اخذ شي معاي بس ساعات تطوعا منى خذ شي معاي
وطبعا ممنوع الزوج يدش عنداهل زوجته ماله اللا الدوانيه وبس <<<< مطبقين قانون منع الإختلاط <<هههه هه

 

[سارونه*المزيونه]

رد : شنووو نظااام زوارتكم؟؟

وااي موضوعج حلووو واثر فيني للاسف ما عندي اهل ما ازور وكنت اتمنى تكون عندي عمة او او خالة

 

[رماني زماني]

انا ساكنة عند حمولتي اما اهلي عادي مااكشخ بس اذا في احد زايرهم امبلا اكشخ

 

[أرووومه]

عادي عند اهلي يعني امي وخواتي
وممنوع دخول الرياجيل ليش عندهم دوانيه بس اخواني وعيال خواتي يدخلون وغيييييييييير جذي ماكودخله

 

[noo7a]

بيت اهلي عالمزاج الكشخه
ونييب غدا من بره لان امي يعطيها العافيه صعبه عليها وقفه المطبخ واحنا مشالله شكثرنا و مع هذا لاااااااااااااازم ماتقدر لازم تسوي اطباق جانبيه
اما بيت عمي انا ساكنه عندهم وماكو غيري انا الجنه الوحيده فهم كشختي عالمزاج واكثر شي يوم الزواره نروح نتغدى بره معاهم

 

[a7la girl]

الاهل عندنا عادي خلط و مولازم اكشخ و يكون بالغدى
ورفيجات امي احسبهم خالاتي لان ماعندي خواال خالي مات الله يرحمة عادي مو وايد اكشخ و يكون عشى نطلب و يسلموو عالموضوع حبوبة ~​

 

[3wash cute]

رد : شنووو نظااام زوارتكم؟؟

زوارة خوالي مافيه شباب بس يسلمون ورحون أحن أنقط ملافعنا مولازم نكشخ عادي والأزوارة كل يمعة عند وحدة من خالاتي يعني بدور والعشا على حسب مرا ومرا

 

[وطنية حيل]

أكيد منفصلين ما عندنا خلط وأنا ساكنه عند حمولتي وروحتي عند أهلي كل جمعة وللمناسبات فقط واكيد أكشخ لا في ناس

 

[دانه الشطوره]

موضوعج حلو حبوبه

بصراحه انا عندي 3 زوارات

وحده بيت يدتي ام امي اول لمن كنا صغار كانت يدتي اللي تطبخ بس بعدين صارت كبيره و ما تعبر ع الطباخ فما قمنا نتيمع بس يعني كل خميس خالاتي يزورونها بس ما ناكل عندها شي وبالعيد امبلا كل الاهل يتيمعون عندها من الصبح الساعه8 لي الساعه 12 بس الحين الله يرحمها توفت فصرنا ما نتيمع كلش الا مرات قليله يعني اذا وحده من خالاتي سوت عزيمه نتشاوف وبس .

الزواره الثانيه بيت يدي ابو ابوي كل جمعه نورح وقت الغداا و اول يدتي اهيا اللي تطبخ بعدين اقترحنا ان الغداا يكون كل اسوبع على واااحد من العمام او العمات و يكون من برااا بس برمضان لا كل شخص لازم يطبخ له طبخه و طبعاً وااافقوو عليه بس للأسف ان انا اكبر الاحفاد فالوضع حيل ملاقه مافي احد كبري و اهل ابوي ماحبهم كلش بس احب عمه وحده وامووووت عليها .

الزواره الاخيره اللي اهيا بيت جد ابوي واهيا كل خميس مرات اروح و مرات لاء والحين باعوو بيتهم وصرنا ما نتيمع كلش و انا مثل ما قلت بالاول اذا بيت يدي ما احبهم شلون بحب بيت يد ابوي طبعاً شي مستحييييييييييل .

بس الحمدلله على كل حال اسمهم اهلي بعد شسوي :denya:
واذا ع اللبس حق اهل امي امبلااا طبعاً اكشخ واروح بكامل كشختي اما اهل ابوي كلا اروح لهم بعبايه لأن مالي خلق وقليل اذا لبست لهم لبس
وبالنسبه اذا القعده مختلطه ولا لاء
في بيت اهل ابوي القعده مختلطه و حتى اهل امي بس اهل امي ع الاقل نقعد بصاله كبيره و صوب حريم و صوب رياييل

ويسلمووو غلاتي ع الموضوع الحلو
وقوااااج الله