انا رحت لها شهر العسل في ابريل الجو كان ربيعي وما جفنا لا مفاصيخ ولا حتى اجانب!!! مادري وين كانوا ... حزة اللي رحت كانت كلها معاريس اتراك وفي اجانب بس شياب ... بس بعد الفندق اللي قعدت فيه كان فيه وايد تقسيمات فيعني حتى إذا فيه أنتي لا تطالعين ولا تروحين صوبهم
المنطقة اللي قعدت فيها كلها منتجعاات وفنادق نظيفة ومو صوب البحر ... قعدنا في فندق اسمه Adam & Eve إذا بتروحين بس مع زوجج هالفندق يصلح لكم اما إذا عندج عيال فلا فكري في مكان غير لأنه فكرته ما راح تتقبلينها اول يوم غريبة .. بس بعدين ولا تبين تهدين المكان ... عندهم كل شي وفما راح تحتاجين تطلعين
في سوق في انطاليا يبيع التحف والسوالف التركية .. بس إذا انتي حاطة في بالج بروح عشان اتسوق لا ما راح تستانسين ... انطاليا تروحينها عشان استرخاء واستجمام واكل !!!
في عندهم اماكن سياحية خفيفة تقدرين تسألين الفندق يعطيج المعلومات الدقيقة في حديقة حلوة هناك نسيت اسمها!! وفي شلالات وفي ملعب ثلجي كله يهال فاحنا قدرنا ناخذ راحتنا في اللعب هناك ... تقدرين تروحين تركبين منطاد وفي مدينة ملاهي وغيره.
وانطاليا بالذات الأتراك اللي هناك نصهم اصولهم عربية فيعني يتكلمون عربي وما راح تضيعين هناك الديرة حبوبة واهلها يساعدون بس بس بعد حالها حال اي دولة سياحية الحذر واجب
