شنطة شهر العسل

[بانتظار القادم]

السلام عليكم ورحمة الله
بنات الله يعافيكم شنطة شهر العسل
محتاسة فيها حيل
طبعاً شريت اكياس دانتيل بحط فيها ملابسي الداخلية كلها
واخذت شنطتين بس شنطة وسط للملابس وشنطة صغيرة
المنظفات والفواحة والعطور والشامبوات
والشموع وشنطة الاكسسوارات مع المكياج
بس الأحذية وين احطهم والروبات انا شريت ثلاث واحد طقم لي ولزوجي
واحد اللف والثاني قصير
بس محتارة كم أخذ لشهر العسل وأخذ الطقم او اتركه بعدين
ومتى اعطيه زوجي وهم هدية الزواج أغطية بنفس الليلة او اليوم الثاني
ناوية اشري عطر واحطة بعلبة واشرب مصحف وسبحة معهم
بس عطوني عطورات حلوة رجالية
وسلاماتكم *

 

[عآليه !]

ليش كل هذا احس وايد كثرتي

وليش تاخذين فواحات وشموع وعطور هالكثررر

حبيبتي انا اقول

خذي الاساسيات من الميك اب خذي شنطه صغيرونه وخذي الاساسيات فقط لا تكثرين
وخذي شنطه صغيرونه ثانيه حق الحمام حطي فيهااا الاشياء اللي ماتستغنين عنها ل دشيتي الحمام ( شامبو / قطن وكريماتج و والمعجون والفرششه الخخ )
العطرر يكفيج ثنين فقط لا تكثررين خلي ريحتج عند ريلج مميزه عشان اول مايشمها عقب يتذكرر انه ريحة اايام شهر العسل عطرر لما تقعدين معاه بالفندق تكون ريحته حلوه وخفيفه وعطر قوي حق الليل ..

وطبعا الاثياب نووعي على حسب قعدتكم

وقمصان النوم على حسب كم يوم تقعدووون ...

بالنسبه للاكسسورريز لا تكثرين بعد خاصه اذا كانت غاليه يمكن تضيع ولا شي خذي شي اساسي فضي وذهبي فقط ينلبس على كل بدله ..

اما بالنسبه للروب @@ ماله داعي اشوف

والجواتي عزج الله بعد لا تكثرين ههههههه خذي 3 مو اكثرررر

تذكري انتي رايحه تستانسين لا تاخذين اغراض وايد معااااج ويمكن يعجبج شي وبتشرين من هناك عقب وين بترتببين مع هالااغراض كلهاااااا


الله يوووفقج يارب

 

[عآليه !]

اي بالنسبه لهدية زوجج اذا حابه تهدينه عطييه ثاني يوم
عقب مايعطيج صباحييتج انتي اهديهه بعد ..

والعطورات الرجاليـهه

عندج ايف سان لوران

ديوررررر

شانييل

غووتشي

وفي بعد عطرر من كارتيررر حلوو بس ماحصلت صورته

موفقه يارب

 

[ماعاد بدري}~]

مثل مآقآلت آختي عاليه ..
لاتكثرين و اسمتعي بسفرتكم .. والله يهنيكم و يوفقكم



اااب اااب

 

[M!SS.LOBY]

موووفقة يارب

 

[<miss botamba>]

اول شي شموع وفواحه مالهم داعي


الفواحه اوقات تطلع دخان وبيشتغل جهاز الانذار وتتفشلين انتي وزوجج ومايسوا عليكم يطردكم الفندق لان ممنوع تدخلون هالسوالف


ونفس الشي للشموع ممنوع تشغلونها بالفندق


اذا تبين في شموع إلكترونيه

والعطور عطر واحد كافي بالكثير عطرين


سوالف الحمام لا تاخذين كل شي اخذي الاساسي بس

شامبو و بلسم و شاورجيل و بيبي اويل مثلا اذا تحبينه ولوشن واحد للجسم وسبري جسم واحد وكان الله غفور


وكلهم اخذي ميني واذا خلصوا اشتري من هناك لان ياخذون وزن عالفاضي


يكونون travel size

حتى الفرشه والمعجون والغسول

وروب الحمام وروب الغرفه اشوف مالهم داعي


الجواتي لا تكثرين حسب ستايلكم بالسفر


اذا بتروحون مكان رسمي حطي كعب واحد لونه محايد سواء اسود او نود

جوتي مريح فلات

واذا تحبين الكعب

كعب رياضي مريح

وفلات باليرينا

واذا مكان بارد بوت لون محايد

 

[omaseel]

رفع

 

[جوري الصالح]

للــــرفع

 

[Miss McDonald]

.


البنات كفّوا ووفوا ..

موفقه

 

[مـهـاآ]

موفقه

 

[كلي انوثه]

اخذي روب واحد

والجواتي لا تكثرين لبستين كافي والثالثه بتكون عليج

واخذي بنطلونين ونوعي بالقمصان والبديات عدد الايام اللي بتقعدينها

وقمصان نوم عدد الايام وهم البجامات

لبس داخلي اخذي الاندروير اللي لبسه وينقط لبسيه وقت طلعتج

وعطرين كافي واحد منهم بمجموعته

واذا عندج خلطة او صابون للتفتيح حطيه بعلبة صغيره تكفيج

ويا السفر والطلعات واللوشنات المعطر بتسمرين فا استمري على عنايتج بس بشكل مبسط

 

[M!SS.LOBY]

بالتوووووفيق

 

[natali]

بالتوفيق انشاء الله

 

[خلطات المزيونة]

موفقين يارب



,,’’,,

 

[Mzmz91]

بصراحه في اشياء مالها معنى الفواحه والاكسسوارات والروبات روب واحد كافي وحتى لمكياج اخذي الاساسيات فقط بجنطه صغيره والعطور عندج عطرين كافي والجواتي عزج الله ٢ كعب حلوين و١ فلات

ماله داعي جنطه اكسسوارات شكبرها بتثقل عليج حاولي تاخذين جنطه. الصفيرة الي تكون فيها مفتاح مادري اذا فهمتيني او لا تكون صغيرة كبر علبه الكلينكس يابسه عشان مايتكسرون عليج .. الشموع كلش مالهم داعي مثل ماقالو البنات هالاشياء ممنوعه بالفندق

القمصان على حسب كم يوم ... نصصصصيحه لاتكثرين من اغراضج وبتصير الغرفه حوسه وبينغث من الاغراض لانه مو متعود على هالكثرً اغراض .. الله يوفقج

 

[Mzmz91]

المصيبة الادهى والامر لاوقفوج بالمطار عشان الوزن وين تودين وجهج ههههههههههه

 

[غيم الصباح]

موووفقة يارب

 

[عروسة اكتوبر]

بنات حتى انا محتاسة بهالشغلة ياريت تفيدونا بالاشياء المهمة

 

[الاحساس الخجول]

اغرااض الحمام من شامبو ومعجون وفرشه اسنان وغيييره من اغراض النظافه

خووذي لك بنطلونين جيينز
واحد لاقنز

خووذي قمصاان نوم عدد الايام

خووذي عبايبتن

برضو عطر للنوم وعطر لصباح

جزميتن وانتي بكرامه

وحده فلات وحده كعب مريح

هاااذا اللي اذكر

موفقه حياتي:eh_s(22):

 

[عروسة اكتوبر]

اغرااض الحمام من شامبو ومعجون وفرشه اسنان وغيييره من اغراض النظافه

خووذي لك بنطلونين جيينز
واحد لاقنز

خووذي قمصاان نوم عدد الايام

خووذي عبايبتن

برضو عطر للنوم وعطر لصباح

جزميتن وانتي بكرامه

وحده فلات وحده كعب مريح

هاااذا اللي اذكر

موفقه حياتي:eh_s(22):

كلامج عدل والله وشكرا على الإفادة وربي يوفقنا جميعا يارب