شلووون اعالج العين ؟؟تكفون ساعدوني :(

[posh93]

السلام عليكم
اول شي ابي ابدي بقصتي
احنا يتنا خدامة يديدة من سنة ,, اهي اكبر مني بسنتين ,, او انا عمري 18
المهم
بأخر شهر ,, الين هالأيام ,, قمت احس بظيجة مو طبيعية :eh_s(16):والله اي شي بخاطر لما كنت قبل اسوي استانس عليه ,, الحين لا ! لما اسوي شي يونسني ما احس بشي ,, بالعكس احس بظيجة,,,
الين ماعرفت انها تقارني فيها امي قالتلييي ,, او بعد انا لاحظت هالشي ,, او خدامتي الثانية قالتلي بعد

تكفون قولولي شسوي ؟؟
اكو وايد طرق لعلاج العين ,,, ماعرفت اي وحده اتبع
الله يجزاها خير اللي تقوللي
وسلامتكم​

 

[القروب الاسلامي]

مآفهمت آختي شنو آلمطلوب ..​

هل تبين علآج مثل آيآات للشفآء ،، ؟؟​

آو تبين حل للظيجه ؟؟​

آلسموحه مآفهمت شنو محتوى آلموضوع بس ابي آسآعدج ~​

 

[سكوتي بذوقي]

اختي الغاليه علاج العين

لازم تروحين عند شيخ يرقيكِ

إذا ماتقدرين أنا راح أقول لك لأن صابتني عين وعطاني الشيخ نظام أداوم عليه

تقرين سورة البقره كل يوم

تاخذين زيت زيتون مقري فيه غرشتين

غرشه ضيفي عليها ربع من غرشة مسك الطهاره

ملح خشن وسدر اقري فيهم المعوذتين وآية الكرسي ونقثي فيهم ثلاث مرات

قبل المغرب بساعه تتسبحين وتحطين السدر على جسمك لمدة خمس دقايق

طريقة السدر حطي منه شوي بغرشه فاضيه وصبي عليه ماي ورجيه وصبيه على جسمك مثل ماقلت لك خليه خمس دقايق وغسلي بعده

الملح الخشن بعد المغرب تسبحي ونفس الشي حطيه بغرشه وحطي عليها ماي ورجيها وصبيه على جسمك خليه خمس دقايق وغسلي بعده

زيت الزيتون قبل النوم ادهني جسمك كله فيه من الغرشتين اللي بمسك الطهاره واللي بدون مسك الطهاره

تصدقي بنية الشفاء

صلي قيام الليل بنية الشفاء

فيه قناه اسمها الشفاء فيها الرقيه الشرعيه قبل ماتنامين خلي التلفزيون شغال على القناه وطولي الصوت شوي ونامي

ماعليكِ شر يارب الله يشفيكِ

 

[روانتي 12]

مافهمت .. عيدي سرد الموضوع

 

[أحلى البشر]

حبيبتي في كتيبات اسمه شفاء اظن حق الرقيه اقري منه بس ماعرف التفصيل شلون انا همن محسوده ونفسي ثقيله عالقرايه
الله يشافينا

 

[برونزيه شقرا]

حبيبتي
الله يعينج
صح الخدم بعضهم يقارنون نفسهم فيننا انا خدامتي جذي الله يهداها وااايد تقارن الله يعيننا على العين​

 

[فدوووو]

حبيبتي شوفي توقيعي راح يفيدك
واذا عندك اي سؤال انا حاضرة​

 

[_كلي دلع_]

أذأ فيج عين رؤحي للشيخ ..,’

 

[Ēŋѕαnħ ツ]

صلي الصلاة بوقتها
+
أقرأي أذكار الصباح و المساء
+
أقرأي سورة الفاتحه الصباح و المساء و قبل النوم
+
حاولي تكونين على وضوء و طهاره كل اليوم خصوصاً توضي قبل النوم
+
أقرأي سورة البقره كل يوم
الله يحميك من كل شر

 

[بقايادمعه منسيه]

http://www.youtube.com/watch?v=-fiilyOW2dU​

 

[soso.]

التزمي بالأذكار من الحين وترى مو شرط يكون اللي فيج عين عموما انتي اقري

الأذكار عشان تحصنين نفسج من العين باذن الله

 

[اشلون يعني &]

اقري سورة الملك والزلزله. على طول
عطينا كوب عصير واغسليه وأخذي غسولها ورشي على يعرج وطهرك
والتزمي بلاذكار والرقيه الشرعية