شلون نعرف الريال أعزب ولا متزوج؟؟؟؟

[خشف الشمال]

السلام عليكم :::


شلونكم خواتي واحد تقدم لأختي وحنا شاكين إنه متزوج مع العلم إنه سألنا عنه خووووووش ريال بس شاكين إنه متزوج قبل

إختي وحدة بالسر يعني متزوج مو أعزب والظاهر يبي يتزوج علشان أهله فشلوووووووووووون نعرف منوين نطلع ورقة

نبي شي حكومي يثبتلنا هالشي الرقم المندني عندنا بس موعارفين شلون نتحرك ؟؟؟؟


الله يخليكم علموني إختي خايفة لاتتمشكل بشي هي بغنا عنه؟؟؟؟

 

[حنان الذكريات]

والله مادري بصراحه ...ان شالله البنات يفيدونج
والله يوفق اختج ان شالله

 

[نور الكوثر]

اذا تعرفين احد بالتأمينات اكيد بيعرفون وبعدين دامها شاكه ليش ترضى فيه وماتوقع اهل الولد مايعرفون عن ولدهم يعني لي بغى يملج راح يقول الملاج ان هذا زواجه الثاني

 

[kuwaitya-frawla]

اذا شاكه فيه من البدايه خل توخر و كنسلو الموضوع احسن

 

[blue diamond]

أكيد لما تسألون عن الريال راح تعرفون منو مناسبينهم

 

[خشف الشمال]

مشكورين خواتي على اللإهتمام والرد..

بس أهلة شاكين لان رفيجات إختي قالولها إن إختة شاكه فية إنه متزوج من وحده لبنانيه كانت معاة بالجامعة بالسر فبس بغينا نتأكد خصوصا

إختي ،،والبيت كلهم يقولون لها توكلي على الله ووافقي لانه خوش إنسان بس الشك ذابح إختي فتبي ورقة حكومية تبين إنه أعزب علشان ترتاح

وإذا على التأمينات شنو نقول حق الموظف علشان يطلع لنا الورقة..

 

[hazel eyes]

ان شاء الله البنات يفيدونج بس اللي اعرفه بالمحكمه يبين اذا اعزب او متزوج او مطلق

 

[خشف الشمال]

مشكورة إختي

 

[ماما_عودا]

بفحص ماقبل الزواج يبين بالورقه اذا اعزب او متزوج لأنه يطلعون الورقه من سستم المحكمه

فلا تحاتي

 

[قلبي سلومي]

يابنت متزوج ولا مو متزوج خلها تصلي استخارة
والله يكتب اللي فيه الخير

 

[Tulips]

اذا متزوج بالسر ومن وحده لبنانية يمكن برا الكويت العقد او عند المحامي ؟؟

 

[اشتياق]

دام يبين بفحص قبل الزواج خير على خير ..

وبعقد الزواج ينكتب عدد الزوجات او مطلق او ...

موفيه خير ..

 

[الملح زايد]

اذا متزوج من وحده بعقد برا الكويت ماراح يبين

 

[@ام ضاري@]

رد : شلون نعرف الريال أعزب ولا متزوج؟؟؟؟


ابد اذا داخل الكويت الزواج راح يبين وقت الملجه واذا برا ماراح يبين لان العقد برا الكويت

وان شاءالله انه مو متزوج سألو عن اخالق الرجال اكثرر فا انا مع البنات

 

[خشف الشمال]

مشكورين خواتي..

الموضوع خلاص تكنسل وأمي راح ترد لهم خبر لان إختي مو مرتاحة فخلاص والله يعوضها بإلي أحسن منة..

 

[om Firas]

الله يعوضها يااارب

 

[خشف الشمال]

مشكورة أم صباح..

الله يحفظلج زوجج وولدج ويخليكم لبعض..

 

[انا مو هني]

والله مادري ماعندكم معارف يتحرون بالموضوع؟

 

[ريتااجي]

رد : شلون نعرف الريال أعزب ولا متزوج؟؟؟؟

الله يعوضها