شلون نسوي زيت جوز الهند تبين تعرفين تعالي أعلمج

[منيره آل ثاني]

بسم الله الرحمن الرحيم

السلام عليكم ورحمة الله وبركاته

شلون نسوي زيت جوز الهند في البيت الأمر بسيط وما يكلف شئ

روحي السوبر ماركت وجيبي مبشور جوز الهند وحطي كميه وفيره في صحن عميق

حطي عليها ماي حار واعصري بايدج أو بملقعه واقعدي أعصري زين وبعدين بيطلع معاج الحليب وصفيه زين

كرري هال عمليه ثلاث مرات لين ما يطلع الحليب كله

في مله على نار عاليه حطي الحليب وخليه يغلي ويغلي بيأخذ وقت معاج

بعدين جوز الهند بيتيمع معاج وبينفصل الزيت عن جوز الهند خليه لين ما الجوز الهند يصير لونها صفر غامج

وبعدها صفيه في برطمان زجاج لين يبرد وعبيه ببرطمان بلاستيك

وأي سؤال انا حاظره:eh_s(9):

 

[مدّهره !]

يعطيج ألف عاافيه مااقصرتِ ..~

 

[انصاريه قمره]

ميرسي :**

 

[عـيّــآره]

وين اقعد اعصر كل شوي يالله يالله طولت اظافري

يازين الجاهز والله

مشكوره ​

 

[منيره آل ثاني]

مداره

أنصاريه قمره

عياره

مشكوران على المرور


بنات ترى انا جبت لكم أسهل وأسرع طريقه

 

[روعة الوجدان]

مشكورة حياتي

ربي يسعدج

 

[RO0O7Y KUWAITYA]

يعطيج العافيه حبيبتي

 

[منيره آل ثاني]

روعة الوجدان

روحي كويتية

شكر يا على المرور

 

[Laidy n3ooma]

مشكوووره بس الكسل ومايسوي مالنا خلق

 

[t๏๏tคђ]

مثل ماقالت ليدي كسل هع هع
وزيت جوز هند الطبيعي متوفر بكل سوبر ماركت ..

يعطيك العافية ي قمر

 

[منيره آل ثاني]

توتلي

صح متوفر بس ما تلاحظون انه فيه تاريخ إنتاج وتاريخ انتهاء هذا معاناته انه مب طبيعي أكيد فيه إضافات

قلت بسويلي زيت جوز الهند طبيعي في البيت ابرك لي

انا قلت لكم وانتو كيفكم

 

[منيره آل ثاني]

بنات ترا مايبيله شئ والطريقة بسطها لكم

 

[M!SS.LOBY]

يعطيج العافية

 

[منيره آل ثاني]

مس لوبي

الله يعافيج ويحفظج

 

[نوف الصقعبي]

فديتكم ياعيال زايد الخير ربي يحفظكم ياهل الإمارات من كل شر


بس ترى زيت النارجيل والباراشوت

يخلي الشعر مثل العباة من طول الشعر وحلاته​

 

[Lala]

بس كم المدة اللي نحفظ فيها هالزيت؟

 

[منيره آل ثاني]

ماله مده معينه لان الزيت طبيعيا فيه ماده طبيعية حافظه علشان جذيه هو يستخدم لين ماتخلص العلبه كامله

ومشكورات على المشاركه

 

[فدوووش]

ممكن توضحين لي الطريقه بالصور

مافهمت زين

اول شي احط جوز الهند في صحن عميق واحطه عليه ماي حار واقعد اعصر فيه لين يصير لون الماي ابيض مثل الحليب ثم اصفيه واحطه على النار واخليه لين تطلع الماده الصفرا صح ؟؟

طيب بعد الغلي الزيت يطلع فوق صح ؟؟؟

يعني الاصفر هو الزيت هو الي اصفيه واستخدمه كذا قصدك ؟؟

اعذر يني اليوم مخي مقفل

 

[فدوووش]

اختي مارديتي علي ؟؟؟؟؟؟؟؟؟؟؟؟؟؟

 

[منيره آل ثاني]

فدوووش

اي بس إذا طلعتي لحم جوز الهند الأبيض ابشريه بألمبشره وبعدين صبي عليه ربع او نص ماي حار
واقعدي أعصري لين مايطلع الحليب كله وبعدين في جدر جيبي الحليب وحطيه فيه وارفعي درجة الحرارة
وخليه يغلي وهو بإذن الله بروحه هو بيغلي في اول شي بعدين بتقل الكميه وشوي شوي بينفصل الزيت
الي قلتي عنها الماده الصفره هي الزيت وبعدين اذا عندك شاش او دلاق قديم حطي تحته قلاص زجاج والشاش فوقه
وبعدين صبي الزيت واعصري الشاش عدل وجذي حصلتي على زيت طبيعي ونقي

بس ملاحظه لازم يكون الجوز طبيعي مب المبشور الجاهز لآني جربت أخذ الجاهز
وما طلعلي شي لانه كان مجفف

وإذا تبين شي انا موجوده تآمرين امر