شلون كانت ليلتج الأولى بالنفاس دخلي ووصفيلنا شعورج

[آم آحمدو]

مساء الخير




بقولكم نفس جملتي المعتادة بما نا قاعدين فاضيين وماعندنا شغل:016:



خطر على بالي أكتبلكم هالموضوع:balo:



شلون كانت أول ليلة لج مع بيبيج الأول بالنفاس:lkmnkl:

وشنو تأقلمتي معاه ومنو كان معاج يساعدج:eh_s(2):


انا كنت اول ليلة فبيت اهلي طبعا كانت تحفه
:rerrerek:

حوض السمج انكسر وانا نايمة بعزج نومي مت من الخرعة


البيبي مو راضي ينام امبيه وانا اطالعه جنة كائن غريب واقول ياربي هذا شفيه يبجي وليش ماينام



يلا كل وحده تقول تجربتها؟؟؟؟؟؟؟؟؟

 

[لجين]

رد : شلون كانت ليلتج الأولى بالنفاس دخلي ووصفيلنا شعورج

ههههههههههههههههههههههه

انا اول ليلة كنت متحمسه حيل للنونو توني بديت انام وغمضت عيني ولا تصيح

جان انقز واعطيها حليبه ..وبقلبي اقول يارب ما تطول هههههههههههههههههه

ونامت رديت مره ثانية بنام جان تصيح مره ثانية

وانا بقلبي اقول >>> وليييييييييييين هذا السهر اللي يتحجون عنه ..

لووووووووووووووووووووووووول

 

[بنوته توته]

انا ما جربت بس ادعولي اجرب ان شاء الله واجيب البيبي كااااااااامل

لووووووووووول بس اللي اشوفه ان خواتي متبهذليين الله يعينهم

 

[حبـ admant ـك]

شعوووور ما ينوصف
مستانسه وتعبااانه و خايفه
امي نامت معاي بنفس الغرفه لان كنت اخاف ماعرف اتعامل مع بنتي
بس الحمدلله الحين عرفت لها و مر كل شي على خير

 

[ريماا]

رد : شلون كانت ليلتج الأولى بالنفاس دخلي ووصفيلنا شعورج

انا تبهذلت معااة اصلن مانمت بس اطل علية وكاان لله يخلية بجاااااااااااااااااااااااااى كل اشوى يبجى تعبت صج معااة حسيت روحى ضاايعة وموعارفة اشلون ابدى بس الحمدلله بعد فترة تأقلمت وعدى كل شى على خير

 

[*-*Lo0o0Raaa*-*]

الله يستر

انا ما حسيت لالحين في هالشعور وحدي خايفه اني ماعرف حق البيبي

 

["بوح الجروووح"]

بنات بسألكم بعد الاربعين شتسون ؟يعني البيبي ينام معاج ومع زوجك بنفس غرفة النوم ؟

واللة يابنات انا والبيبي بروح واهو بروح عشان عليه دوام وصعبة كل شوي يبجي البيبي .انا لي ثلاث شهور على هالحال انتو مثلي؟ومت يتغير هالحال

 

[MoonDiamond]

نمت بروحي بالدار
وخدامتي عندي
الحمدلله عدت على خير

 

[آم آحمدو]

وااااااي اصلا مابي اتذكر شعور الأربعين اتشائم

واتضايق



امبيه كنت ماعرف حق ولدي الله يخليه حتى لمن خلصت الأربعين لي اربع شعور يااللله تعوردت عليه واهو مااشاالله وايد حنان لوووووووول

 

[ام اغلى الناس]

الله يخلي لي امي ما قصرت ... هي اللي كانت تقعد معاه
كنت احطه بيني و بينها بس طبعا هي اللي تسمعه و تقوم اما انا بسااااااااااابع نومه ههههههههههههههههه
نومي كان ثقيل بس الحين تعودت
اما اول ليله بعد الاربعين .. اول ليله بشقتي مع زوجي ...
امبيه كان فلم هندي
الكل قالي خليه عند امج بس ما رضيت
قام يبجي طول الليل .. اخر شي نام الساعه 7 الصبح
بوح الليل ... حتى انا زوجي عنده دوام بس انا للحين ما داومت .... ف قمت شأسوي ... عشان ما نزعجه المسكين
اسهر انا و البيبي طول الليل لين اقفل ... يعني بعد صلاة الفجر و مرات اطول اكثر و لما ينام البيبي عاد ادخل الغرفه ننام
يكون زوجي شبع نوم وما بقى شي على دوامه

 

[Brounzi_girlly]

رد : شلون كانت ليلتج الأولى بالنفاس دخلي ووصفيلنا شعورج

أنا اول ليلة عقب ماطلعت من الطبيب في بنتي الاولى نمت بروحي لان امي تعبانة كانت نايمة عندي بالطبيب يننتني وماكنت عارفة
والثانية نفس الحركة وقزرت وبالبيت تعود ريلي شوي شوي على بجي البيبيات
مع التحية..............

 

[LiPss]

انا اول ليليه كان بجي ودموووع والده قيصريه وماكنت ابي اشوووف اي احد جدامي مارضيت الا بالخدامه تنام معاي

كنت متضايقه ان زوجي مسافر عنده دوره ومو راد الا بعد شهر المسكين يحاول فيهم اجازه محد معطيه

وانا ضايق خلقي ودي انه يكوون يمي


وتميت اربع ايام بالمستشفى بجي ودموووووع
وليما الحين اكتبلكم وان ابجي وعيوني مغوووورقه دمووووع

يارب يرجع زوجي بالسلااامه
ويشوووف ولده
ادعوا معاي

والله نفسيتي تعبت وانا حتى اسبوووع ماكملت

 

[مارغريتا]

وناسه .. احسه احساس حلو ومتعب بنفس الوقت بس ياحلو التعب دامه منه ..

الله يرزقنا يااااااااارب

 

[فـراوله]

للحين ما جربته

وان شاءالله بعد كم شهر أجربه ياااااااااااااااااااارب


الله يتمم لي على خير ياااااااااااارب

 

[sara_77]

اول يوم وكنت والده قيصريه ومااعرف شى بجر توهقت ماعرف شى وبنتى مو متعوده على الرضاعه من المستشفى كانت يوعانه وموعارفه ترضع بس على ماصار الصبح الا وانا مصخنه من الحليب اللى بصدؤى لان من ولدت مارضعتها الا من صدر وايد وكنت حاسه بلوعه من التعب بس عدا هاليوم والله يعينا على باجى الايام

 

[آم آحمدو]

مشكووووووووورين على الردود

 

[al7noona]

رد : شلون كانت ليلتج الأولى بالنفاس دخلي ووصفيلنا شعورج

امي الله يخليها لي ويطول بعمرها نامت معاي ليما خلصت النفاس

اول ايام كانت اهيا تجابلها وعقب قمنا نسوي شفتات مره اهيا تقوم ومره انا ههههههه

 

[مالفينيا]

انا كنت اطالع ولدي طول الليل اقول هذا طلع مني ههههههههههههههه

وكل ماغمضت عيني احس انه اختنق وصار فيه شي

عذااااااب الاربعين

 

[أم عنوبي]

ربي لك الحمد شي رووووعه وإحساس أكثر من روووووعه
أمي الله يحفظها كانت معاي بالمستشفى ولمن طلعت تمت معاي بغرفتي مسكينه تعبتها
وطبعا ماتغفي عيني بس أطالعه حبيبي وتخنقني العبره مو مصدقه إني صرت أم بعد 3 سنوات زواج وعلاج سنتين
اللهم لك الحمد ولك الشكر والفضل والمنه
وطبعا ما كنت أجيسه أخاف خواتي ربي يحفظهم يعطوني إياه أرضعه وياخذونه يتريعونه ويغيرون له ويلعبون فيه ويردونه بسريره ينومونه يردون لي يلقون نايم على صدري ويهاوشوني ترا يتعود ما صدقتهم وفعلا لين اليوم ماينام بسريره ينام على صدري فديت قلبه

 

[جمالي ايطالي]

ليش ذكرتوني:eh_s(2)::eh_s(2)::eh_s(2):


كان يوم غثييييييث


والده قيصريه وتعباانه واطالع بولدي اقول هاذا اشلون اربيه اشلون بيعيش واخاف يشرق من الحليب ويموت واعوذ بالله انواع الاكتئاب والوسوسه والتفكييير


لمدة 3 ايام بجي:eh_s(11): ونفسيه واخرتها مررررررررررضت مرض للحين اتعالج منه:eh_s(16):



ادعووولي


الله يشفيني يااااااااااااااااارب:yaaaaaarb::