شلون عودتي ولدج او بنتج عالحمام

[om-3abodey]

السلام عليكم ورحمة اللله وبركاته

انا بنتي عمرها 3 سنين اسم الله عليها كبيرة عالحفاظة بس المشكلة امي تقولي لا حرام توها صغيرة :0bee2e8d89: خراب اليدات ابي اقطع عنها الممية مع ان ما تاخذها الا بس بالليل
والحفاظة ماني عارفه اعودها على الحمام تكرمون شلون :0bee2e8d89:​

:aha: :aha: :aha:

 

[nazek_q8]

انتي 3 سنيين وللحين تشرب مميه

انا ولدي سنتين واقول كبير بقطع عنه المميه لان كل ساعه يبجي يبي مميه وماياكل فبعاقبه وكل شي يبي يشربه بالمميه ماي عصير

وسالفه الحمام احس هذا وقتها الحين تتعلم

اما انا ولدي تو الناس عليه لان ما يتكلم عدل عشان يقولي ان يبي يروح الحمام

 

[ام فطوووم]

والله عاد توني كنت بكتب موضوع عن هالشي
انه بنتي عمرها سنتين وشهرين
ابي اقطع المصاصه والحفاضه عنها مووووقادره
كله اتقولي ابي مصاصه ازرق اذبحتني
وطبعا الحفاضه ماتقولي بروح الحمام الا لمن مايكون فيها شي بس دلع
ولمن ايكون صج فيها ماتقول اتسويها بالحفاضه
ما اقدر ما البسها تدرون لابالت وانتوا ابكرامه راح اتنيسلي كل شي بالبيت وتعالي طهري من وراها
شسوي منو عندها حل اتفيدنا جزاكم الله خير

 

[om-3abodey]

شسوي فيها انا لمن تكون عندي ما اعطيها الممية بس لمن اخليها عند امي عالشان دوامي امي تعطيها
بس مشكلتي بالحفاظة ماني عارفة شلون اقطع عنها

 

[Al.Nooor]

وانا بعد ابي اقطع البامبرز ماني عارفة شلون
ودلي عمره سنتين 4 شهور يقولي اذا بيسوي شي واقوله يالله نروح حمام يقول مابي رافض رفض قاطع
حاولت اخليه من غير بامبرز يدمر روحه و يتضايق و ابدله
بس صراحه مليت و رديت البامبرز
شنو الحل ؟؟؟؟

 

[ام مهودي]

بنات قطعه البامبرز مشكله انا ولدي من عمره سنتين وانا اعلمه وارد امل والبسه بامبرز لانه كان ما يفهم عدل وما يتحجى وقطعت البامبرز منه وعمره سنتين و7 شهور والحين عمره 3 سنين بس لازم كل ساعه اوديه الحمام لانه اذا ما وديته يسويه وما يقول الا بعد ما يسوييه
خل اقولكم طريقتي
رحت سوق بو 100 وشريت خرابيط شكثر وغلفتهم اهوا يستانس شي مغلف يحب الهدايا
وكنت البسه سروال نايلون في بلاند مارك ومذر كير وبالبيت البسياه اقوله شوف انته كبير ماكو حفاظه وشاريتله سراويل داخليه على اشكال حلوه مستانس عليهم من كارفوو ر ومذكر كير
اول 5 ايام لازم كل ربع ساعه الحمام طبعا اهوا ما يبي ما يرضى بس لمن اطلعله اللعبه شوي يقتنع لازم كل ربع ساعه تودينه وبعد 5 ايام لا خليها كل نص ساعه اما اذا بين نساعه ونص ساعه شريب ماي بعدها بشوي هم وديه الحمام
والاسبوع اللي بعد خليها كل ساعه لين يتعلم
بس برا كنت البسه بامبرز بو صروال واوديه الحمام بس احتياط لازم بامبرز عشان لا اتوهق
الحين عمره 3 سنين وللحين كل ساعتين لازم اوديه الحمام لانه اذا ما وديته عادي يوهقني ويسويه
وكل ياهل يتعلم غير عن الثاني في ياهال من السنه ونص يتعلمون خاصه البنات وعلى حسب طلاقتهم بالحجي اللي يتحجى مبجر يقول

 

[مرقووقه]

شريت لولدي اندر ويراااات يجنن وشكلها يونس

وصارلي 4 شهوووور اعوده وللحين ما فهم بشكل صح

والمميه حبيبي من زمااااان شايلتهااا عنه

 

[Mo 9eJ]

انا ولدي صاير العكس
تقريبا عمره سنتين و 4شهور وقاعده اعلمه على الحمام بس مايتحجه عدل انا اوديه الحمام تكرمون واقول له اكرر عليه عشان يحفظ
بس اخذ السالفه لعب قام يفصخ السروال ويبي الحمام واهو مايكون يبي يسوي شي :/ ولا يدش يبي يلعب بالماي
ولما البسه الحفاظه يبي يفصخها واهو بعد مايعرف حق الحمام وادري راح يتلف الدنيا
مادري شسوي حتى المصاصه ياخذها بس بليل وقت النوم ابي اقطعها وحاولت من غيرها يقعد يحن وانا فيني النوم مالي خلق
عطوووووني حل

 

[mo0on-q8]

حبيبتي من عمر سنه ونص تعلمينها لاتقولين ياهل ..
خلي الحفاظه عليها ولي يتي بتغسلينها قوليلها حبيبي حمام حمام
مع غنوه تفرحها.. وبجذيه مع الاستمراريه راح تعرف ..

 

[الاخلاص]

أنا تعقد ولدي اذا قلتله حمام يبكي يقولي ماافييه

 

[ام شموخ]

وي عيل انا ولدي عمره سنتين وثلاث شهور ماخذلي سالفة الحمام لعب ووناسه ..... قولولي شلون اعلمه؟

 

[مي الحلوة]

بنات تعليم الحمام لازم يكون تدريجي..يعنى انا ولدي من عمره سنه ونص لما ابدل له البامبرز اخليه يدخل الحمام واغسله..
جذيه يتعود على الحمام..
ولما صار عمره سنتين ونص بديت بعد ما اغير له اريحه من البامبرز..ليمااا خلاص نويت اقط البامبرز..وصج تعبت اول اسبوع معاه
لان لازم اوديه الحمام كل ربع ساعة ..وبعد الحمام اعطيه اي شيء يحبه..ولما اطلع من البيت البسه كلوت بامبرز..
والحمد الله تعلم بس باقي بالليل للحين البسه البامبرز..
بس لازم يكون بالج وسيع ..واذا وصخ برااا الحمام لاتطقينه ابداااا..لان الطق مو زين بعدين يعاند..

 

[فديت بعلي]

اذا بتعلمينها على الحمام
اشتريلها
هذا مادري شسمه
<~~ انتم افهموو
خخخخخ


اللي تبول فيه تكرمون



وكل ساعتين قطي حفاظتها ووديها الحمام
بوليها
وردي لبسيها
وقولي لها اذا فيج بوله تكلمي
<~~ اوخص بالاسلوب



واللي تبي تقطع المصاصه
قبل لاتمصها
حطي المصاصه بمره
علشان تكرههااا
كل شوي غطيها بمرهـ ..




واللي بتقطع المميه ..
اشتري له قلاصات الاطفال راح يستانس عليها



او القلاص اللي يجي فيه غطا
وتكون فتحته على حنب






ويااااااااااااااااااااااارب تهديهم وتصلحهم
اهم دعواتكم لهم

 

[دنيا رديه]

امم انا بنتي علمتها اول ماتمت تمشي يعني قمت افهمها حماام ودخلها ويااي الحمام اقولها بولي اهني يعني بالحماام
عاد مالبسها الحفاظ كلش عشان تعوود مرات صج تبوول على ملابسها بس اقولها اهني لا عيب
عاد قامت تعرف اذا فيها بوله تروح الحمااااام
واذا طلعنا البسها
اول ماتروح الحمام اصفق لها وشجعها اقولها هيييييييييييييييييه شاااطره خخخخخخخخخخخ


لييي ماتعودت
واذا على المميه بالليل كنت احط لها ملح وعطيها وكانت تقطهاااا ماتبيها لين تنام اول الايام بس اتعبج بعدين خلاص تنساها ولما تشوفها تقووووووول هذااا يع لوووووووول

 

[ديانا سبنسر]

الميمة والمصاصة من زمان قاطعتهم بس الحمام للحين قاعدة اعاني من هالسالفة ولدي اسم الله عليه للحين قاعدة اعوده لا عدينا المرحلة اقول لكم تجربتي خخخخخخخخخخخخخخخخخ

 

[حب الرّمان]

أنـا عيالي عووتهم على الحماام وقطوها بالغصب واهم ثلاث سنين ’’’ اهم شي تسوينه انج ماتلبسينها الحفاظه باليل وحطي حفاضات

الفرش الكباار بسريرها وباليل كل شوي وديها الحمام حتن لو نايمه عادي او لمن تبجي وبس راح تتعود ’’ والمميه قطعتهم عنها ثلاث ايام

بدلتها بقلاص وعقب الثلاث ايام والله نسوها اصلااا ’’ انا الحين ولدي السنه ونص ببدي في بالحفاضه بس ماالي خلق واااي

 

[السهم الصويب]

واي منصجكم ؟ 3 سنين 4 سنين ليلحين بامبرز

ما اتخيل اشطوله منسدح ويغيروله ويع

بعد عمري ولدي سنه ونص علمته اسم الله عليه الرحمن الرحيم

بعد اشيبيله ؟
كل شوي روحي معاه الحمام
واشتريله البوتي تولز (تكرمون المرحاض الصغير) وفي على أشكال اتهبل
من سنتر بوينت
ووريته مقاطع باليوتيوب عن اليهال يتعلمون وأغاني ورسوم متحركة عن هالشي
وشريت له كتب اتشوق فيها ان البيبي صغير لابس بامبرز بس الحين كبر خلااااص يروح الحمام
كللللله بصور صجية
وكل ماقام يروح الحملم اصفق له وأطامر ويضحك
ومرات اعطيه حلاو
فخذاها على وناسة
بس يبيله شوية مجابل
وبظرف شهرين يعني سنه و8 شهوووور
خلاص صار البامبرز بس حق بالليل
وقبل الطلعه اوديه الحمام وبس نوصل مكان اوديه الحمام بعد ..سواء فبيوت اهلنا او مجمعات
معاي كلنكسات مبلله مالت تنظيف الحمام او كلنكسات ديتول امسحله ويستعمله
والحمدالله
الحين اسم الله عليه 2 و شوي صار فنان لووووول
المسألة يبيلها طوالت بال ووساعه صدر
وينرفزوني اليهال اللي يتحجون ومايقولون حمام وااااااي
يعني كااااك ذكي واتكلم بس انتوا مالكم خلق
حتى اللي مايتكلم خو يقول (سوسو) يعني حمام مو قصه اهيا انطره لماااااااااا يتكلم عشان اعلمه
اشدعوه !!!

 

[ياراا]

وايد 3 سنين من سنتين سنه ونص تودينه المساله قطي حفاضته وكل ساعه ودي احمام عقب اسبوع بيقولج حمام او بي بي او يروح حق الحمام يوقف عنده ترا المساله حدها سهله بس اسبوع طولي بالج لمن يتعود بعض الاطفال يبيلهم وقت اكثر