شلون عدة المطلقه ؟؟؟!!!

[اشتقت للكويت]

بنات انا تطلقت
بسألكم كم عدة المطلقه .. شلون اقعد بالبيت ما اطلع منه لمدة كم ؟؟؟!!!
ولو عندي دوام اخذ اجازه او اداوم عادي
شكر الله يعطيكم العافيه

 

[اشتقت للكويت]

بنات بليز ابي رد

 

[sharshora80]

رد : شلون عدة المطلقه ؟؟؟!!!

حبي اسئلي فيها بس انا اللي اعرفه انج ما تطلعين من بيتج 3 شهور وعشر ايام
بس انج تروحين الدوام اعتقد عادي
بس هم سئلي فيها شيخ يا قلبي

 

[ام شووووق]

رد : شلون عدة المطلقه ؟؟؟!!!

في موقع اسمه اسلام ويب فيه كل شي

دشي ويارب يفيدج

 

[سنفوره8]

ما اعتقد بس ما يصير تتزوجين لانه يمكن حامل

الا بعد 3 شهور

والله تعالى اعلم

 

[الغاليه ام احمد]

شنو ما تطلعين هذا مو حداد هذا طلاق


لا حبيبتي عدة الطلاق 3 شهور يعني لازم تييج الدوره 3 مرات

طلعي ولبسي وكشخي وروحي دوامج

بس ما يصير تملجين الا بعد الطلاق ب3 شهور

 

[رحيل المرافيء]

رد : شلون عدة المطلقه ؟؟؟!!!

العدة 3دورات
وعادي داومي وطلعي وروحي
واللي تقول العدة 3 شهور و10 ايام لوووووووووووول عدة الوفاة 4 شهور و10 ايام مو الطلاق

 

[اشتقت للكويت]

شكرا بناااات

 

[ريماس77]

رد : رد: شلون عدة المطلقه ؟؟؟!!!

شنو ما تطلعين هذا مو حداد هذا طلاق


لا حبيبتي عدة الطلاق 3 شهور يعني لازم تييج الدوره 3 مرات

طلعي ولبسي وكشخي وروحي دوامج

بس ما يصير تملجين الا بعد الطلاق ب3 شهور

صح كلامج هذا الصح

 

[English.Teacher]

رد : شلون عدة المطلقه ؟؟؟!!!

شدعوة حياتك هي هي مايتغير شي

اللهم الخطبة والزواج

وتدرين انه من المفروض تبقين في بيت زوجك وتتزيين وعادي لين تنتهي مدة العدة اللي هي 3 حيضات

واللي حيضاتها مو منتظمة 3 اشهر

 

[اميره بكلمتي]

عدة الطلاق 3 شهووور بس يعني 3 دورات

عادي طلعي وكشخي ولبسي وروحي دواامج

بس لاتملجين بـ 3 شهوور هااذي لان يمكن يكوون حاامل

 

[monmon12]

حبيتي المطلقه يفضل انه ما تطلع من بيتها بس اذا في ضرورة فكل المذاهب تحللها

بس في وقت العده ما يجزولج حبيتي أشايء معينه مثل انج تروحين عرس تتكشخين ومن هالسوالف

ايهو اشوي يمكن في اختلاف بين المذاهب

بس اللأفضل عشان ما طيحين في الأاشكال دقي على رقم الفتوى تحصلينهم من موقع البوابه الاكترونيه

ايهم أهل العلم يفيدونج أكثر

 

[إستبرق]

شكو يبا تطلعين عادي بس عدتج ثلاث حيضات بهالفتره يقدر يرجعج حتى بدون لا انتي تدرين ورى ثلاث حيضات لا مايقدر الا بعقد يديد جنه

 

[عادت ذكرياتي]

أتمنى يفيدونج البنات
والله يبدلج خير ويوفقج

 

[الأميرة جوري]

رد : شلون عدة المطلقه ؟؟؟!!!

3شهور ب3دورات ........وطبعا الحامل ما تطلق ..والله يكتي لج الي فيه خير ويعوضج بالاحسن

 

[i'm so happy]

البنات ماقصروا فديتج

 

[English.Teacher]

رد : شلون عدة المطلقه ؟؟؟!!!

الحامل تطلق

بس عدتها لين ولادتها

 

[طواري لـ((العنقا))ـيل]

عدتج 3 شهور ياقلبي

واطلعي عااااااااادي وحياتج عاااااادي


والحامـــــــــل تتطلـــــــــــــــق وعدتها حين تضع مولودهـــــــــــا تنتهي ..



وهالكلام من المحكمه والفتوى ..

 

[اشتقت للكويت]

مشكورات بنات يعطيكم العافيه