شلون طريقتكم في التقديم للضيوف؟؟؟؟

[kwaiteyah100%]

بنات اكيد عندكم خبرة في طريقة التقديم للضيوف........يعني بشنو نبدي اول........بالجاي ولا العصير.....اللي عنهم الأفكار الصحيحة بالتقديم وشلون احنا الكويتيين نمشي عليها بالبيوت لا يقصرون.........لأن ساعات تختلف من بيت ليه بيت........



يلا ناطرتكم..........



يلا باااااااااااااااااي

 

[bambena]

مشاركة: شلون طريقتكم في التقديم للضيوف؟؟؟؟

اول شي العصير بعدين الشاي مع الموالح واخر شي القهوه مع الحلو

 

[النور الهادي]

مشاركة: شلون طريقتكم في التقديم للضيوف؟؟؟؟

على طول القهوه مع الشاي والمعجنات والحلو كلهم دفعه وحده

نصب لهم القهوه وبعدين الجاي وهم ياكلون اللي يبون من على السفره

وأقلطوا حياكم الله

 

[أغلى حبيبه]

مشاركة: شلون طريقتكم في التقديم للضيوف؟؟؟؟

اول شي العصيير

بعدين الجاي واعطيهم صحون يقومون ياخذون من على الطاوله اللي يبون

واخر شي القهوه والحلوو


ومع السلامه

 

[kwaiteyah100%]

مشاركة: شلون طريقتكم في التقديم للضيوف؟؟؟؟

سوري بنات توني ارد عليكم.........بس مشكورين يعطيكم العافية.......
نجمة سهيل .......عيل حطولكم خدمة اسعاف حق عوار البطن.....ههههه........كل شي مرة وحدة؟؟؟؟؟؟؟؟


يلا باااااااااااااااي

 

[سكرية]

مشاركة: شلون طريقتكم في التقديم للضيوف؟؟؟؟

حبايبي
اول شيء يقدم1- الماء
2- الحلو
3- القهوه
4- سوالف حلوه
5- الشاي
6- الفطاير او المقالي
7- سوالف تهبل
8- اخر شيء العصير البارد
================== وممكن تمشين بالعكس هم صحيح =================

 

[خبيرة اعشاب]

مشاركة: شلون طريقتكم في التقديم للضيوف؟؟؟؟

عندي احط كل شي على السفرة مره وحده ..
شاي و قهوة و فطاير و موالح و ماي ....
نقدم الحلو و القهوة اول شي ..بعدين الشاي و الموالح ...
و نجيب عصاير بعد اخر شي ...بس ترى سالفه العصير هادي مو دايما ...لاني دايما عزايمي يا غذا او عشا ...ما احب اعزم على شاي و قهوة ..
و اخر شي بخور ...
و حياكم الله ما بعد العود قعود

 

[om_nasser]

مشاركة: شلون طريقتكم في التقديم للضيوف؟؟؟؟

اول شي العصير بعدين الجاي مع المعجنات بعدين القهوه مع الحلو

 

[kwaiteyah100%]

مشاركة: شلون طريقتكم في التقديم للضيوف؟؟؟؟

يعطيكم العافية......ما قصرتو.........





يلا باااااااااااااااااي

 

[نفيشه]

مشاركة: شلون طريقتكم في التقديم للضيوف؟؟؟؟

اول شي العصير


بعدين الشاي والمعجنات والموالح

بعدين القهوة التركية والكيك اذا تحبون


بعدين القهوة المرة والحلو

بعدين البخور

 

[الجوري70]

مشاركة: شلون طريقتكم في التقديم للضيوف؟؟؟؟

حنا بدوا كل شيء مره وحده شاهي وقهوه وماي وحلو وموالح بعدين العصير شنسوي (بدوا) بس عسل

 

[بنت الاجاويد]

فديت البدو كلهم,,,,,

 

[fife4ever]

حبيبتي مو كل البدو جذيه

انا بدويه بس غير

1- ماء
( طبعا نبدع بالليمون او ورقة نعناع او ورد او كلر)
2- القهوة والحلو
3- الشاي والمعجنات او المقالي وطبعا كل شخص له صحن بروحة
4- عصير في صيف ومشروب حار في شتاء

 

[جروحي تنزف الاحزاني]

السلام عليكم بنات انا نفس الخوات يعني البدو اهل الكرم كله ونتنافس بالتقديم والموالح والحلويات والاطقم التقديم وربي هم في كل مناسبه او زياره لويه من وين نجيب الحلو والفطائر وشنو الاطقم ذهبي ولا فضي نقدمه علي طاوله كبيره ونقدم اول شي الحلو ونمر بالقهوة وبعدين الموالح بصحون صغيره بصنيه صغيره فيها صحن مكسرات ووصحن فطائر وسكانه الجاي ومع سكر الزينه وبعدين القهوة من غير حلو او العصير حسب رغبه الضيفه وبعدين البخور وعطر والسلام وعليكم السلام :eh_s(6): وابتسامه وقوله امي ونستونا وشرفتونا يا الله حيهم من ممشاهم لملفاهم لا تقاطونا خلونا نشوفكم

 

[Brounzi_girlly]

وناسة حلو كلام امج نوف
احنا حضر وكلنا واحد صح اهل زوجي يبدون بالقهوة لأنهم بدو بس اهلي
نبلش بالماي أو العصير بعدين المعجنات والموالح مع الجاي آخر شي القهوة والحلو والسلام عليكم
مع تحياااااااااااااااااتي.............​

 

[nouriya]

طبعا اول شى العصاير
بعدين الشاى مع الموالح (شاى اخضر،شاى نعناع)
وبعدين القهوه مع الحلو
هذى حق عزيمه عاديه
لكن اذا كانت عزيمة عشا فغير اشوي
عصير وفى بعضهم يطلبون ماى وطبعا اضيفين عليه اشوي ماء زهر او لقاح
وانحط العشا بوفيه ويمه طاوله فيها الشاى والحليب وبعد العصير
وبعيد عن طاولة العشا انحط طاوله صغيره للحلو والقهوه)
وسلالالالالالالالالالالالامتكم

 

[قلب راشد]

انا بطبق كلام ام نوف عجبني بعد

 

[مشغوله و محتاسه]

اذا صيف ..

العصير اولااااا .. شي لا بد منه ..
و عقب الجاي و الموالح ..

وبعدين القهوه و الحلو ..



و سلامتكم

 

[bambena]

بالمنطق الناس تبل ريجها اول بعصير وتاكل موالح واخر شي تحلي

طبعا الناس اطباعها مختلفه

يعني انا استغربت من رفيجاتي البدو لما يبدون القهوه لان احنا عندنا اخر شي القهوه وبعدين فهمت ان طريقتهم جذي

الزبده اننا نحب نكرم ضيوفنا ونتنافس بالشي اللذيذ والغريب

وانتي شوفي اهلج شماشين عليه وطبقيه

 

[supermarket]

اول شي العصير واذا كان بالصيف قبل العصير ماااي

وبعدين الجاي والموالح واحيانا المكسرات معاهم

وعقب الحلو والقهوة