شلون طريقة شرح الكلمة ميداني اول مرة اقدمها ومتوهقة :( ؟؟؟؟؟؟؟؟؟

[( أم فجــووري )]

الاهداف :
1- يتعرف على كلمة فواكه
2- يحرص على تناول الفواكه
3- يكتب كلمة فواكه
بليييييييييز خواتي ابي طريقة تسلسل الدرس بشكل نموووووذجي اول مرة اقدم كلمة ابي شي يبيض الوجه جدام الموجهه

 

[غلا ماجد]

احس كلمه فواكه صعبة

 

[( أم فجــووري )]

اممممممممممم اصلا الطريقة لو افهمها تهون الكلمة
الل يهديكم بنات 11 مشاهده ولا رد ؟؟

 

[LeeMa q8]

[:wqedqw:

 

[LeeMa q8]

شوفي ام فجوره ...

انتي اللحين دبري لج منبه بور بوينت حلو من المنتديات او اذا تعرفين سوي بنفسج ..

انا ماخذه من منتدى 2 بس ماعرف انزله .. اذا تعرفين علميني واحطه لج مايغلا عليج ..

صدقيني التوجيه وخصوصا توجيهنا مباااارك يموتون يموتون ع البو بورينت وانا قاريه انج بالمهلب ... موجهتكم اذا امينه بو كنان ترااا غرامها بوربوينت ... حبيت افيدج يا الغاليه ...


بما انج فواكه حطي منبه تفاح برتقال عنب اي شي او اجمعيهم احسن .. ماهذا يلا نفكر نفكر شوي ماذا ممكن ان يكون وجذي الي ان يتوصلون للنتيجه عقب ...تكلمي شوي عنها مثل /

اطفال هل تحبون التفاح العنب ماذ نسميهم ؟ يقولون لج فواكه ..

او انتي تقولين لهم احسسسنتم بارك الله فيكم

اطفال اين نشاهد الفواكه ؟ في الحديقه المزرعه

من انعم علينا بنعمه الفواكه ؟ الله سبحانه

كاواجبنا اتجاه الله تعالي ... حمد لله وشكره ..


او يمكن يقولون لج نشوفها نشتريها من الجمعيه انتي عاد اهني عززي الجانب الوطني .. من وفر لنا الجمعيه ديرتنا الحبيبه الكويت ..

بعدين

اطفال هنالك هديه احضرها لنا صديق الصف مثلا جسووووم ووضعها عند باب الفصل من يذهب ويحضرها مع الموسيقى الرياضيه ..


الله انها هديه ماذا نقول قبل ان نفتحها بسم الله الرجمن الرحيم ..

وتفتحونها ماهذه ماهذه .. يكون داخلها مجموعه فواكه متنوعه تفاح برتقال شكثر تلقينهم بوميه بعدين قولي هل توجد صوره فواكه باحد الااركان بيوقولن اي يجيبون لج الصوره لانج احنا مستوى 2 لازم صوره بكلمه عرفتي وتلزقونها... وتحت اخر صندوق ورقه بيضا فيها الكلمه عقب لمن يخلص


اطفال لحظه لحظه هنالك شي داخل الصندوق تحبون نتعرف عليه ونشوفه بيقولون اي

قولي افتحهها بيوقولن اي

قولي الله انها كلمه جديدخ وهي كلمه فواكه عيدها مريتن بروحج عقب اهم وراج بصوت عالي بصوت واطي وعقب تفتر عليهم واخر واحد يلزقها

هل تحبون نكتبها مع بعض ..

تكتبينها من اليمين الي اليسار مره بلون وخط كبير ومره بلون 2 وخط كبير

من يقرأها يقولج هذه كلمه فواكه ولونها اخمر وحجكها صغير
هذه كلمه فواكه وولونها ازرق وحجمها صغير .. شرايكم كلنا نكتب الكلمه بالهواء ويكتوبنها وتكونين حققتي الحسي حركي

بعدين اطفال ..

من يضع لي كلمه فواكه في جمله وبس جذي تنتهي الكلمه ..



احلاااا درس الكلمه وبعده طبعا المسابقات ولا تكثرين لانه ماراح يكفي الوقت ,,, وبس





اذا استفدتي ولو بشي بسيط من الي كتبته سواء انتي ام فجوه لاني حاسه بمعاناتج لمن كنت ميداني اللهم ياكافي الابلات يغارون ومايساعدون ..

اذا استفدتي مابي كلمه شكرا ابي منج دعاء صادق لي بان الله يرزقني بالضني اللي يفرح قلبي ويسخرلي رجلي ...



وسامحينا حبيبتي ..

 

[فرفوووره]

ماقصرت اختي ريانه كفت ووفت ،،

بس حبيت اضيف شي بعد هذا الشرح تسوين مسابقات للكلمه بعدين لازم
تعلمينهم كلمات تبدأ بالصوت الاول فـ بما ان كلمتج تبدأ بالحرف ف

يعني مثلأ تسوين قصه فيها كلمات تبدأ بحرف الفاء او تحطين لوحه فيها صور منها تبدأ بالحرف فـ ومنها احرف ثانيه وتخلين الاطفال
يحوطون على الكامه اللي تبدأ بالصوت الاول فـ

وسلامتج

 

[( أم فجــووري )]

ريانة كلمة شكرا لو ما طلبتيها تطلع غصبن عني ولو في اكثر من هالكلمة جان قلتها بس حساافه ماكو
والدعاااء بقلبي وبيني وبين ربي بجذي ان شاء الله راح يستجاب له وعسى الله يرزقج بالضنى اللي يشيلج شيل
ولا يضايقج وعساه من الضنى الصالح والمتعافي يا رب
فرفووووره صقيقتي الصقوووووووووووق ما قصرتي يا قلبي
ولو تحطوولي مسابقات متنوعه انا اختار منها ما تقصرووون خواتي وحتى الكل يستفيد ..

 

[رتيل الحب]

رد : شلون طريقة شرح الكلمة ميداني اول مرة اقدمها ومتوهقة ؟؟؟؟؟؟؟؟؟

أم فجوووووره البنااااااااات ما قصروا
اناااااا قدمت جم مره كلمه والافضل اتكون كلمه مغطيه واهما يطلعونها من ظرف وانتي تقرينهاااا لهم ماااا تكون مكشوفه

وفي مسابقه للكلمه انا ما سويتها لكن صف ثاني معانا مسووويها لعبه الاكس او يعني جايبه بساط وكاتبه فيه كلمات خذوهم من قبل وكلمه درس اليوم وصحون ورقيه مقصصتها ع شكل اكس ودائره فتقسم صف كله لفريقين ويشاررركون فيها وحطون دائره ع كلمه اليوم بس والباجي اكس

أتمنى فدتج

 

[( أم فجــووري )]

الف شكر