شلون توقفون رفيجاتج بالدوام او بالكليه عند حدهم اذا تدخلو باموركم الشخصيه

[كول سلو]

شلونكم بنات

بنات لانكم خواتي بفضفض لكم

انا معاي بنات بالكليه معرفتي لهم سطحيه مجرد سلام وبس تخيلوا ذيك المره تعبانه وبطني يعورني
والا تيي وحده وتقول مبروووووك حامل قلت نعم ؟ خير ان شاء الله ؟
طبعا بنات انا متزوجه من سنه و3 شهور والحمدالله الله ماكتب لي الحمال ريلي عنده ضعف بالحيوانات المنويه المهم اكملكم والا تقول حااامل ومخبيه علينا قلتلها لا الله كريم

بس قلتلها جذي جان تقول حلفي حلفي انج مو حامل قلت نعم خير ان شاء الله امي مثلا عشان احلفلها :eh_s(10):

وراحت بعدها بثلاث ايام طرشت رفيجتها الروح بالروح والا تقول انتي متى متزوجه ؟ وليش ماحملتي :eh_s(1):

شكوو انا رفيجاتي الروح بالروح ماسألوني نفسكم بس قلت بحسن نيه الله كريم
جان تقولي انتي مسويه ريجيم عشان الحمال وتعااااال ياتحقييييق والله زهقتني ودخلت المحاضره وانا نفسيتي صفرر

بعد المحاضره دق علي ريلي والا تقول منو ريلج هذا ؟؟ قلت نعم حبيبتي بقيتي شي وانتي شكو؟؟

ريلي اخوي الج شغل


اليوم اللي بعدها يايتني ركض ركض جان تقول كول سلو ريلج مزيوووون امه كويتيه انا هنيه
ستووووووب :eh_s(14):


كل شي والا ريلي عاد تدخلي على كيفج بس عند ريلي تمسكين بريييك وبعدين المزيون لازم امه موكويتيه لاحبيبتي معلوماتج غلط خلي اللي قالج المعلومه يصححها وترى انا اكره شي عندي الفضوول وسكتت وماردت

بناااات البنات هذيلي معرفتي سطحيه معاهم سلام وبس تخيلوا رفيجاتي مع بعض من قبل الكليه بحياتهم ماسألو بخصوصياتي ولا يابوا طاري ريلي هذيل معرفه سطحيه وكل هالاسأله اكره شي اسمه فضووول


سؤالي لكم اذا سارلكم موقفي انا شنو ردكم بيكون ؟؟

سارت لكم مواقف رفيجاتج بالدوام بالكليه يتدخلون بامورج الشخصيه؟؟ شلون توقفينهم عند حدهم ؟؟

بليييز بنات ابي تفاعل بموضوعي

 

[خذاني الشوق]

ياي كثر ماتصير معاي يدخلون بشغلات ماتتخيلينها بس الحقران يقطع المصران

 

[بسكاتي اذلهم]

اووف شفت منهم كثير لدرجه وحده كانت تراقبني شوفي القافه
واخص ماعندي الي تسالني ليش ماحملتي مالك شغل ياليت يشغلون انفسهم بشي مفيد

 

[قوتشي بنت LV]

نفسي مشكلتي بالظبط
بس انا بنت خالتي وبنفس الوقت رفيجتي
< او كانت رفيجتي
وماحبيت هالطبع فيها تدخل وايد بخصوصياتي
وكل شي بالبيت تسألني عنه
يعني اي شي يصير بالبيت لازم تعرفه
لانه كانت لازقه فيني ودوم تنام عندي
وانا طبعي ماحب احد يعرف شي عن البيت
يعني حتى لو كانت سوالف عاديه
فـ صارت تستفزني لانها تعرف كل شي عني
والحين ماقمت اعطيها ويه
يعني حتى بالزوارات موذاك الزود وياها
فـ احترمت نفسها وعرفت انها غلطانه

 

[نفهمها صح]

الي اشووفه رديتي عليها
وخلج نفس الاسلوب معها ليين تتادب
الله يعينج

 

[Om_Ksha]

لا تعطينها ويهه وحقريها او لاتردين عليها .. او ردي عليها رد دقريها ههههههههه صاار شعر

 

[مودي كويتي]

ردك حلوووووووووووو وقوي شوفي يانك تصفطينها ولاكنك تشوفينها لاتسلمين عليها ولا اطالعينها او انك تكونين بالمثل ملقوفه نفسها اساليها بكل شي هي بنفسها راح تتضايق وماراح تسالك عن شي

 

[الينبوعة]

ههههههههه شنو هذا الفضول وانا عندي طبيعية اي واحد يسالني اقول ما اعرف حتى من كنت حامل كل شوية وحدة تقول شنو عندج ولد لو بنت اقول مو باين وانا اعرف فيني ولد هههههههههه يعني اسرار كل واحد وعندة خصوصياتة انتي اي وخدة تسالج متى تزوجتي قولي مدري نسيت هههههههه ليش ما حملتي بعد وكت لا تعطينهم وجهة ابداااااااا​

 

[انا حبه للابد]

قطيعه اش هالاوادم اللي ابتليتي فيهم

 

[مايوصف غلاك]

ذليها

 

[KOKO_284I]

قوليها بصارحه انا ما احب يدخل بحياتي

 

[بنت ًَالأدآريهً]

اللي قالت ذليها !!

عفية علميني شلون اذل هلالشكال ؟؟؟؟؟؟؟؟

 

[كلهآ ملح ..}]

اهم شي تقول امه كويتيه ؟ < من جد ضحكت على عقليتهاا

ايا هاللقاااااااافه والفضوووووووول مقطع بعض النااس تقطيييع
مايعجبوني ابد ابد هالنوعيه ..
وانتم شدخلكم بالناااسس
من جد مدري شلون يتجرؤون ويسالون قله ادب وربي
ويآكثر مآصدفت مثل هالنوعيه ..
بس عآدي آزبد لهآ بالرد عليهآ
او ابتسامه استحقار ورفع الحواجب واكرر يهمتس لهدرجه او انتي امي وانا مدري ؟؟
بعدها تسكت < صدق شطآنه ههههههههههههههه

 

[xprincessx]

يا كثرهم اللي معاي بالدوام بس مادري شقول لهم

 

[زوجة ضابط طيار]

تبين راايي

طالعيها من فووق ليتحت بنظراات استغرااب جنج مصدوومه من سؤاالها

وقوليلها خير ان شاءالله بشنو يهمج الجوااب يالله منااك يالله

خليها تكره نفسها انها سالتج ومره ثاانيه تفكر الف مره قبل تسالج اي سؤال

ترى الاشكاال هذي تلاقينها بكل مكاان بس لاتعطينها اكبر من حجمها

 

[اماين]

اللــه يعينج ..!

امممم

اذا اول مرة يتدخلون .. اقولهم ( يا أيها الذين آمنوا لا تسألوا عن أشياء إن تبدُ لكم تسُؤكم )

اما اذا تكررت اللقافه لازم اززف مع انه مو طبعي !
​

 

[امـ جوجو]

الله يكون بعونج

 

[الحــــياة]

راي من راي ((زوجة ضابط طيار))

اطالعها بنظرة مصدومه خير انشآآءالله ...!!!

او قولي بإبتسامه بليز حياتي الشخصية ماحب اتكلم عنهآآ

سوت وحده مرة معانا بالدوام لوحده ملقوفه والله ماتجرأو عقبها يسالونها عطتهم ستوب من توظفت عقبها مرت سنين في امها خير

تسالها عن شي شخصي يحسبون لها الف حساب وكالكل يحبها ويحترمها بس بنت الحلال حطت حد لهم..

 

[دعابة الشـتاء]

هم انا مع زوجة الطاير خوش نظرة عطيتيها بالموقف>>>> تخيلت الموقف صج
وتعودي انج تجاوبين عن الاسئلة اللي ما تبينها برد واحد مالج شغل ويلا وابتسمي

 

[Om-Ritha]

تبين راايي

طالعيها من فووق ليتحت بنظراات استغرااب جنج مصدوومه من سؤاالها

وقوليلها خير ان شاءالله بشنو يهمج الجوااب يالله منااك يالله

خليها تكره نفسها انها سالتج ومره ثاانيه تفكر الف مره قبل تسالج اي سؤال

ترى الاشكاال هذي تلاقينها بكل مكاان بس لاتعطينها اكبر من حجمها

:eh_s(15)::eh_s(15):