شلون تنظمين وقتج بين اطفالج و دوامج وحملج؟

[شواخي]

بنات شلونكم ؟

بنات ودي استفسر شوي ،، :eh_s(17):

شلون تنظمين وقتج بين اطفالج و دوامج وحملج؟

بليز كل وحده تكتب لنا كم طفل عندها و حامل باي شهر و تداوم من كم لكم هل بخاص او حكومه؟

فكرتي بالاستقاله؟:eh_s(10):

شنو رايج آو متى تفكرين تستقيلين آو هل تداومين لين ما تتقاعدين ؟

هل تفكرين ترتاحين فتره في البيت كم سنه مثلا لين ما يكبرن اليهال بعدين ترجعين دوام ثاني؟

كم بين طفل و طفل؟:eh_s(7):

انا عن نفسي اول حمل كنت اداوم الحمدلله لين ما ولدت ،،

الحين يارب احمل قريب ... ودي اعرف كيف اننظم وقتي .. خاصه اني انزل بنتي بيت امي و بعيد والشوارع زحمه و شوي احس اني تأخرت بالحمل فربي يتممه ان شاء الله ..

قعده البيت صعبه بس انا استغرب من بنات يحملون كل سنه ،، و ماشاء الله يداومون ..

و وين تتركين اطفالج لما تداومين

طولت عليكم بس الناس للناس وانا احبكمممم

​

 

[شـوق@]

]هلابج شواخي

انا بطاليه <<بتظار التوضيف

انا وكتكوتي انام ونقوم مع بعض

وانزلها تحت مرات العصر اذا مانامت او العبها بالالعاب بغرفتها

وانزل المغرب جذي تقريبا او ع حسب اذا مافي احد بالبيت ماانزل

والحين ان شاءالله حامل وربي يتمم علي وعلي كل حامل

وشواخي بنتج ليش تودينها لمج ماتحطينها عند حمولتج وعندها خدامتها

 

[عنووشه]

اولا انا توني والده

وعندي بنتين وحطهم عند الخدامه

لانه صعب اوديهم لامي كل يوم ابعيد والجو مرا برد مرا حر مرا غبار


صعبه اوديهم كل يوم

وحاطه تليفون اتطمن عليهم

ودامي اكيد مدرسه

 

[ديانا سبنسر]

اب اب

 

[الـــغـــلآ]

موضوعج حده حلو و مفيد و ان شآء الله نستفيد بعد من باقي البنات

يعطيج العآفيه ~

 

[عالمي المجنون]

عندي ولد عمره سنة و شهر و حامل بالشهر السابع

أداوم بوزارة حكومية من ٧:٣٠ لي ١ الظهر

ولدي اخليه عند خالتي و لي رجعت من الدوام ارتب شقتي و احط غداي انا و ريلي

و بعدها انزل عند حمولتي اجابل ولدي و اكمل شغل البيت و للعلم ما عندي خدامة

و مفكرة ادخله حضانة عشان يستفيد بدال مجابل يدته كل يوم

 

[أخاف اجرح]

الله يستر انا عندي ولدي عمره ماشاء الله ٣ ونص وحامل بالسادس واحطه عند امي ومفكره استقيل لان دوامي خاص من ٧:٣٠ الي ٣:٣٠ احس راح اتعب والبيبي بعد الله يعين بس

 

[ام يوسف السعد]

السلام عليكم
الحمددد لله انا موضفة ودوامى من 8 الى الوحدة ونص

طبعا عيالي الله يحغضهم من كل شر
الكبير بالروضة6 سنين
والوسط بالحضانة 3 ونص سنين
والصغير بالبيت للعلم2 ونص سنين عند الخادمة
والابو يداوم يوم ويوم قاعد بالبيت

وارد البيت انتيمع يتغدون الله يحفضهم وينامون يقعدون يلعبوون وبعدين يتعشوون ويردون ينامون هذا بالدوامات


بالعطل يتغير بس مو وااايد

والحمد لله منى لما اولد كل واحد يكبر والصغير ادخلة حضانة يبقى الرضيع اجابلة لما يكبر شوي واحطة مع خدامتى



والحمد لله كثيرا على النعمم

بس هالايام اشوى مساكين عيالى مع النساة ماحب الازعاج مااجابلهم


ان شاء الله كفيت قلت قصة حياتى ههههههههههه

 

[شواخي]

ماشاء الله الف شكر عالتفاعل

انا اكتب لكم بالدوام ههههههههههههه

حدي مصدعه ..

والله بالنسبه لبنتي شاسوي اوديها لامي اظمن لي ... لان حماتي اعرفها ماتقعد بالبيت ابد !!

واذا نزلت بنتي شوي في بيت ام زوجي (هي جارتي) و رحت عشا مع زوجي او عزيمه ارد القاها بالغرفه بروحها باخر البيت مع الشغاله !!

يعني ابدا مافي رقابه و مره وايد عوده ابدا مالها خلق يهال حتى عيال بناتها وعيالهال ما تجابلهم و ماتنلام هي مو مجبوره

عالمي المجبور ماشاْ الله تداومين و حملتي ورا بعض ..قولي لنا مو تعب؟ خاصه ماعندج خدامه انا ثنتين وبجيب الثالثه ههههههههههه


ام يوسف السعد .. ما ياتج فتره قعدتي بالبيت ؟ من اول ما يبتي بيبي تداومين ولا شلون؟

اخاف اجرح نفس حالتي هههههههههههه مادري كل يوم اقول ابي اطلع بس اخذ اجازه اموت ملل ااداوم اموت تعب


هلا هيونه

الله يتمم عليج ما قلتي لنا كم عمره الكتكوت .. و متى ودج تبتدين دوام

الغلا نورتي ياقلبي


عنووشه هلا والله ماتحاتينهم بروحهم بالبيت ؟؟

دياناااااااااااااا هلا والله

 

[ناتشوو]

الله يتمم اموركم
بس لفت نظري شغله امهات ازواجكم مو مجبورين يشيلون ويتحملون عيالكم بعد
والحضانات بكل مكان تستقبل بالاشهر بعد

و مفكرة ادخله حضانة عشان يستفيد بدال مجابل يدته كل يوم

مو حلوة الكلمة
فوق انهاماسكة ولدج جزاها الله خير

 

[q8helwa]

انا اقعد الساعه ست ونص وشرب بنتي حليب وبدل حفاظتها
وغير الماي وافوح المميات وعالسبع اروح الدوام وطبعا بنتي عند خدامتي
ولما ارد طبعا اشوف بنتي وعقبها انام ساعه ساعتين
واقعد انزل مع بنتي تحت عند حمولتي ومااخلي بنتي تنام
عشان نومتها تكون وحده
ومايجيها نوم الا الساعه ١٢. بليل

 

[نور دنياه]

موضوعج حلووانا الحين حامل بالثامن واول بيبي، وبخلي البيبي عند امي ليما ارد من الدوام. دوامي من 7 لين 3 برجع اقعد عند الياهل لين بالليل ، والله يساعدنا نشتغل الصبح وبالليل.

 

[لذة الطاعة.]

يالله الله يعينكم جد معانات. ...انا مو موضفه
وموملحقه علي لعيال هدور دوام الصببح. ..واي يمه انفجرر لا يمكن. ..
انا بالنسبه لي بطاليه. .نومت عيالي وياي 12بالليل ..وقعدتهم وياي 12ونص الضهر اذا مو وحده
نقوم اغديهم واسوي غدا زوجي. .
يتغدا و ينان. .
واقعد العبهم لي صلاة العصر
عقب اهو يصلي العصر ويروح. ن
عاد اخاذهم الغرفه بعد العصر و انومهم و انام وياهم نقيل لنا ساعه. ..من زود الفراغه
واقعد المغرب يجي ابو عيالي نطلع اي مكان
حتي لو اروح لاهلي لاهل زوجي. .
ونرد بيتنا نتعشي و نقعد نتسلي انا وعيالي و زوجي. .وعقب انام



وكل نا افمر بتلدوام اخااف
ما احب اخلي عيالي عند احد حتي لو حضاانه ما اضمنهم
يمكن اتوضف اذا دخلراضغر طفل عندي الروضه اغل شي اكون مطمنه علييهم فدييتهم

 

[.. Ro3a ..]

قوووه ما شاء الله عليكم بنات منظمين اموركم

انا اللحين بالنفاس وحدي متلعوزه ببنتي لان ما عندي خدامه و عندي دوام الجامعه
امي مسكينه تمسكها لما اروح الدوام بس تتعب حياتي معاها ..
كل يوم اقول بوقف قيدي بس لما اشوف رفيجاتي تخرجوا وانا قعدت اهون لان تاخرت حيل
وهم خايفه اعطي بنتي صغيره حق خدامه حرام ..

 

[mannawy]

يبا اللي عندها رضضيع ومتوهقه تبي تداوم الله يعافي النيرسات سوي عقد مع شركتهم 12 ساعه من السبع لي السبع وبس تفتكين. لين يصير عمره 6 شهور وحضانه على طول. ومع السلامه ولا ياهل يقعد مع خدامه هذي قاعدتي وان قعد لازم احد كبير موجود واذامالها خلق امي او خالتي الله يعافي الحضانه وبس. بصراحه الخدامه ماتتأمن لو سوت شي بالياهل مانقدر نقاضيها والحين اللهم ياكافي يسوون بلاوي وينحاشون ويقولون انتي مو زينه. بلوه الله يقطعهم بس العازه للمعتاز.

انا عندي اثنين والثالث ياي بالطريج ان شاء الله وربي يسهل. اليهال بالحضانه واليديد معاي ولين اداوم يكون مع خدامه او نيرس عند خالتي جبال عيونها لين يصير 6 شهور ويلحق اخته واخوه ومع السلامه اريح حق قلبي واقدر اشوفهم بالكاميرا وقت ما ابي ومرتاحه ولو شفت اي شي بدق عالحضانه وابلغهم. ومن يردون يكونون نايمين من التعب وانا معاهم وتالي اغديهم واشرب جاي وبعدين سناك ونقعد كلنا يانشوف تلفزيون او نطلع و يتعشون ويتسبحون وينامون وبالعطل ينامون نفس وقت الدوام مبجر ونقعد مبجر متعب الموضوع بس عادي عندي ولا انهم يجابلون الخدامه ويع مادري شبتعلمهم غير الهذره بالتلفون.

 

[mannawy]

اهوا الموضوع مكلف وخاصه لما تختارين حضانه مميزه وفيها عدد قليل من الاطفال عشان تضمنين سلامتهم. بس لجل عين تكرم الف عين المهم عيالي وبالطقاق الفلوس قاعدين نقطها على ملابس وسيارات وخرابيط عيالي وسلامتهم اولى فيها والزم ماعلي راحتهم ووناستهم عيل شحقه نشتغل؟!
واللي بيسمع كلام الناس وبيركض ورا المظاهر بيتعب وااايد انا الحمدلله اذن من طين واذن من عيين ماني مبهذله ولاعيالي مبهذلين بس في شي مهم وفي شي اهم والاهم عيالي وراحتي النفسيه واني ماكون عاله وثقل على اهلي او اهل زوجي والا الحق ينقال خالتي قالتلي قطي عيالج عندي بس انا مارتاح اثقل عليها كافي ربت ويابتلي احلى زوج بهالدنيا والحين دورها انها ترتاح موتشيل هم عيالي بعد!!
بصراحه الملابس الاكسسوارات والتلفونات والسيارات وغيرها من الاشياء اللي الناس يتفلسفون فيها ماتخلص وكل شهر يطلع موديل يديد عساني بخسر فلوسي على كل هبه؟! بطلع مينونه بصراحه ارد واعيد عيالي اولى وكشخه عيالي هم اولى بس ماااحب المبالغه بالملابس ولا الاغراض لان في ناس مولاقيه تاكل واحنا نتفلسف شرينا الساعه الفلانيه شريت الجنطه الفلانيه دام الجنطه والساعه ماراح تزيد ثقافتي وعلمي اللي بالمخ ماراح ترزني لو شنو هذا مويعني اني ما البس او اتكشخ! لا اكشخ بس بالمعقول ما اتنافس عشان اجاكر فلانه وعلانه!

بصراحه ياليت الناس تغير تفكيرها وتبدل اهتمامها من الاهتمام باللبس الى الاهتمام بتطوير العقل واكتساب المعرفه والعلم.
وشكرا

 

[english muffin]

ولدي عمره 4 اشهر

في الحمل داومت لاخر اسبوع اخذت اجازة
و داومت بعد الولادة ب 3 اشهر والحين اخلي ولدي عن ام ريلي وارجع له الساعة 4 !! دوامي طويل وايد ادري

بس من 4 معاي لين ينام وهكذااا
بس صج صج تعببببببببببب لان ولدي يمللني ماينام عدل

 

[mannawy]

دخلوا عيالكم حضانه والله بتشوفون الفرق. يتنظم يومهم وتلاقينهم يتفاعلون ويغنون ويصيرون اجتماعيين وتتنظم حياتكم ويصير كلشي له وقت مكلف؟! ماعليه دوسوا على نفسكم ترا كلشي بالدنيا صار غالي بس مو اغلى من عيالنا.

 

[شواخي]

حلوه مشاراكاتكم يالله بنات همتكم

انا بنتي بحضانه

ووايد اوفررررررررررررررر سعرها والله بس لانها بنت وحيده بالبيت فدايم تبجي و ماتبي تروح !!

تحب امي و خواتي ما تحب تروح الحضانه الا بالموت اقعد وياها ساعه و مع خدامتي و مو ملحقين على صياحها وتعور قلبي واطلع

 

[شواخي]

uppppp