شلون تكافئين الخدامة؟؟

[سكرة هانم]

السلام عليكم

بنات شلون تكافؤ ون الخدامة وبأي حاله شنو تكون مسويه؟؟؟
اذا سوت شغلها كامل والا عالاكسترا

خدامتي صارلها أسبوعين من يتني ودي اكافئها وهم ماودي أخربها بالدلع

نصايحكم


وسؤال ثاني ماترضه تلبس قلفز بلاستك تقول ياذونها مو مريحين شالحل

 

[miss_uk]

انا الصراحه طايما اكافئها بالكلام الحلو
وكل جم شهر اشتري لها اكسسوار او اعطيها مبلغ بسيط اقولها اشتري اذا رحنا مكان سوق جمعيه واهيا تخشهم

عاد قبل جم يوم شريت لي تراجي (حلق) وشريت لها نفسهم بس الحجم الاكبر
انا اتعمد اني استري لها نفسي عشان اتحس انه الدنيا بخير مع انه عمري ٣٠ وعمرها ٤٩

 

[ام زهقانه]

انا ازيد علي معاشها مره يعني معاشها ٥٠ نعطيها ٢٠

 

[سكرة هانم]

مشكورين

اب اب

 

[جذابه بنت ذيابه]

اشتري لها ساعه من ابو دينارين ونص

او اعطيها خمس دنانير تكلم فيهم اهلها ..



اذا هي سنعه بشغل البيت وباعيالج كافئها تستاهل ,, واحيانا اذا رحت ابو ميه اشتري لها شباصات و اغراض بدينار تستانس

 

[سلطة]

مثلا إذا رمضان أو مناسبة يعني صار عليها ضغط شغل نعطيها فلوس مثل ما قالت الأخت أم زهقانة، وبالعيد تحصل عيادي من الأهل عشان تفرح وتحس بالعيد بالرغم من إنها مسيحة.

 

[ReD&FoSHia]

من الامور اللي اكافئها عليها
اذا سوت شغلها على اتم وجه و ماكو تقصير
اذا شفتها تلعب ويا بنتيني و ماتقصر وياهم
اذا سوت شغل مضاعف من غير تحلطم و لا قالت بعدين و سكتت و اتمت كل شي
من مكافئاتي
يا اعطيها من اللي عندي زايد اكسسوارات هدوم جناط و شوزات
ولا كرت بو خمس دنانير
طبعا الجمعية من البداية لو اتقولي ابي اي شي ما اقدر اقولها لا عالنعمة اقولها اخذي


صاحبة الموضوع انتي تو الناس عالمكافاة
انتي اول شهرين عطيها معاش اللي متفقين عليه
اذا بعد شهرين شفتي شغلها زين
زيديها 5 دنانير

 

[om MaRyooM]

اسبوعين يعني ماشفتي خيرها من شرها
نطري عليها

وبالمسبة لي.بين فترة والثانية اييبلها هدوم واكسسوارات او كروت تلفون

يعني اشياء بسيطه

 

[dandooosh]

من بو 100 اغراض وشباصات
اعطيها تكلم أهلها وطبعا بالكلام الطيب يعني كل ما سوت شغلة مرتبة وعجبني شغلها ابتسم واقول لها شغلج حلو وأمدحها

بس انتي اسبوعين تو الناس لا تخربينها تتعود بعدين

 

[اسرار70]

والله الخدم ما يبين بعينهم
ومثل ما قالو البنات توها نطري بعد جم شهر
انا اكثر شى اعطيها فلوس بس مو مع المعاش ايام ثانيه
وطبعا العيد غير