شلون تقدمون الشاي؟

[حبيبة دودي]

السلام عليكم

بنات كل وحدة تحط طريقتها بتقديم الشاي..!
انا اقدمه عادي بالمطارة والنعناع والزعتر..لكن ودي بطريقه احط الانواع كلها بعلبة وكل وحده تاخذ اللي تبيه يعني احط اجياس الشاي والنعناع والشاي الاخضر والزعتر وغيرهم لكن شلون اقدمه يعني اصب الماي بس واعطيهم:eh_s(1):

ومن وين اخذ العلبه اوالصندوق الللي اقدم فيه وهم صندوق السكر لان حتى السكر صار بنكهات نعناع واسمر وزعفران...

 

[lolly]

شوفي سوالف الشاي الصيني وعلبهم تونس
عندهم الطقم الشفاف روعه

 

[متى اضعف؟]

للرفع

 

[زيـنـه]

في علب خاصه للشاي التي باق تصير مقسمه و تكون اما خشب او بلاستيك
حطي فيها انواع الشاي

و الشكر الانواع حطيه في ماعون مقسم .. موجودين بالسوق بس اخذي شي حجمه صغير .

و التقديم تقدرين تقدمين ماي حار و تدورين بالصندوق كل وحده تحتار الشاي اللي تبيه .

 

[q8yah]

تونس فناتق الشاي تشوقني عالشاي اكثر
طريقة زينة اهيا المعروفه يعني الي بالبوفيهات والمطاعم

 

[حبيبة دودي]

مشكورين وايييييييد
بانتظار البقيه

 

[A7la 7la]

شنو طريقة زينة؟؟؟؟

 

[A7la 7la]

آنا ميته على الشكر اللي يكون مكعبات بالزعفران..... يهبببببببل شفته عند وحده واسحيت اسألها ....!!!

أنا أحط الزعفران بالمطاره ... بس الشكر بالزعفران حيل عجبني....

ماتدرون وين أحصله ؟؟؟؟ يعني في بالجمعيه أو لأ ..؟؟؟؟؟

 

[قلبي*خضر]

انا اقدم بهذه الصينية وفيها المعجنات والسكر واللقاح بعد

 

[ام الزين كله]

الله تينن الصنية من وين ماخذتها عجبتني عسى الله يهنيج فيها
انا الشاي اقدمة عادي بالمطارة و حماتي من فترة كانت تقدم الماي الحار و علبة خشب فيها كل انواع الشاي و الاعشاب و رفيجتي تقدم الشاي بالمطارة العادية وشاي الاعشاب او الاخضر بالقوري الفخار الي تحته شمعة ،،، و بالنسبة لسكر الزعفران انا ماعجبني يخلي الشاي خابط مو صافي و تلقون سكر بالاعشاب بالجمعيات حلو علبته خضراء و الشكر جنه كريستال اخضر

 

[بنت الشيعه]

العلبه الخشب إتحصلينها عند كافيه نومي ويكون فيها أنواع على كيفج من الشاي ومو غاليه إبتسع دنانير

 

[حبيبة دودي]

مشكورين بنات صج استانست على الردود

السكر بالنكهات موجود بالرفاعي شايفته من فترة

 

[خوش بنيه]

حلوه طريقتكم

الله يعطيكم العافيه

 

[كلي دلع!]

الله يعين كل شي وصارله فناتك

 

[متى اضعف؟]

الله حلو عجبتني
احد يعرف موجود عندنا بالسعوديه؟؟؟؟؟؟؟

 

[أغلى حبيبه]

الشكر الملون واللي فيه زعفران انا ماخذته من الميره

وكانو بعد ستي سنتر مسوين عرض العلبتين بنص دينار

 

[ام مشعل العتيبي]

واااااااااااااااااااااااو فناتك وااااااايد حلوووووووووووووووووووووووه

 

[le3bah]

اعجبتني صورة الصينية الله يهنيج فيها والله اخذنا فكرة مشكورين بنات