شلون تفكرون ؟ تعالو خنفكر مع بعض

[Omniya]

السلام عليكم
شلونكم بنات ؟

بسألكم سؤال شلون تفكرون ؟ ليش ضد هالقرار ؟
بالبدايه انا كنت ضدددده وماكنت ابي اسمع الأسباب
مابي افهم القرار بس ضده وبس .. لما سمعت اقتنعت ..

تدرون ان كل دول العالم ماشين على هالقرار .. إلا احنا !
ولما طبقوه عصبتو انزين ليش ؟ قبل ماكنا ندرس ولا نبطل الكتب
وننجح واحنا مانستاهل النسب ليش؟ لأن الشفوي يرفعنا .. هذا حرام !
قبل كان الطالب يحتاج 4 درجات عشان ينجح بإمتحان الكيميا وضامن المدرس يعطيه
الشفوي كامل ! يعني يحفظ تعريفين ولا يغشهم بعد وينجح !

وقبل كان المدرس بيده ينجح ويسقط .. الحين النجاح والسقوط يعتمد علينا ..
انا مو ذاك الشطاره لأني مادرس ولا اجابل .. بس أعترف امتحانات الوزاره سهههله !
والله الفيزيا كان يمر علي اسئله سخيفه بس لأن انا مادرس فماعرف احل ..

يعني انتو ملاحظين كل وزارات الكويت قايمه اعتصامات ؟ ماتحسون إن اكو احد
متعمد يزعزع الأمن عندنا ؟ الكويت تستاهل ؟ مستانسين عشان البراك واقف معاكم ؟
اهوا دايم معترض :eh_s(4):!!

هالنظام عـــادل .. كل واحد ياخذ حقه اللي يستاهله بتقولون فيه ظلم ؟ شوفو الظلم وين كان
خنقول انا تخرجت مع رفيجتي بنفس النسبه .. الفرق .. انا كنت اجابل واهيا معتمده عللى درجات الشفوي والغش اوكي ؟ بنقدم عالهندسه .. من حظها قبلوها .. انا رحت علوم اداريه ..
اهيا لأنها ماتدرس حتى ماتعرف تحسب ماتستاهل الكرسي اللي خذته بالجامعه .. حولت لكليه ثانيه
تخيلو راح علي مكانها وانا اللي استاهله :eh_s(2):!!

انتي شاطره شاللي بيفرق اذا الشفوي 4 ؟ اثبتي نفسج حبيبتي اذا عندج طموح
وتبين تحققينه ماكو شي بيوقف بطريجج .. ترا الأجر على قدر المشقه
NOTHING COMES EASY

وبعدين لحظه انا ملاحظه الكل قاعد يسب المليفي ليش انشالله ؟
ترا اهوا يعرف شقاعد يسوي .. الريال عود شيباته تارسه راسه وانتو تسبونه !
انتو ماتبون تجابلون .. حبيتو لما كنسل امتحان الحاسوب والالعاب وكرهتوه
لما حط قرار صعب بس فيه مصلحتكم ..


فكـرو عـدل .. مـو مع الخيل ياشقره ..

 

[رويال كلاس]

كلام منطقي
​

 

[q8sara_]

اب اب

 

[Omniya]

وينكم ؟ محد يبي يناقش؟
اب بليز عشان الكل يقرا

 

[nicegirl94]

انا معاج بكل الكلمة و اصلا انا مستانسة على هالقرار بس اللي مضايقني شي واحد *قصة الانجليزي*
وايد صعبة بس الله يعين

و يعطيج الف عافية ماقصرتي

 

[ya al3rosa]

انا كنت اقوول لا و لا لا الحين عرفت القرار عدل الحين الكل بياخذ حقة
صح كلامج بس اللى امضيق خلقة قصة الانققلش واايد صعبوهااا

 

[DALA3.RA8EY]

عددل كلآمج كــلله .. و اهما اصلاً مع الخيل يا شقره على قوولج

بس للأسف لا حياة لمن تنادي ..

 

[أنا دلوعه]

الصرااحة كلاامج منطقي
بس انا سمعت انه الــe نظاامه موو حلوو

 

[Omniya]

اي انا معاكم بسالفه الإنقليزي .. بس بقراها
واهما يعطونا ورقه اسئله فيها خلاص بعد انحلت تقريبا ً

 

[رويال كلاس]

بنات قصة الانجليزى وايد مهمه علشان تنمية مهارات القراءة والكتابة للغة..بعض المدارس الخاصة يدرسون قصتين و3 بالكورس
​

 

[لا تغرك دنياك]

اىىىىىى صح كلامج عدل
بس القصة صعبة حيييييييييل

 

[JBRNI AL-W8T]

يعني انتو ملاحظين كل وزارات الكويت قايمه اعتصامات ؟ ماتحسون إن اكو احد
متعمد يزعزع الأمن عندنا ؟ الكويت تستاهل ؟ مستانسين عشان البراك واقف معاكم ؟
اهوا دايم معترض :eh_s(4):!!

والمشكلة يقوولون كل النواب معانا؟! واللي واقف معاهم بس نائب واحد



باختصار

كل اللي مو عاجبهم القرار (مالهم خلق يدرسون)
*وولا وحدة اتيي تعارضني عالجملة اللي فوق ,, لان هذا الصج !!!

بالله شيفرق معاكم اذا رفعوا الشفوي او نزلوه؟؟
انتوا جذي جذي بتدرسون

وكل قرار وكل شي قام يصير من صالحنا ,, وكل القرارات عاجبتني الحمدلله
لاني قنوعه وادري كل شي بالدراسة يسهل مو بس اتحلطم واتذمر مثل "البعض"


حمدوا ربكم بس !!

 

[ثبات ~]

.



صححح لساااانج ,
انا اختي بـ 12 كانت ضد القرار عقب البرودكاست اللي قاموا يدزون والكلام وجذي !
بس لمن سمعت الوزير تكلم اقتنعت بكلامه ..

الشي اللي قاعد يصير مو من الطلبه لأن غالبيتهم مو فاهمين القرار ,
صج والله اعلم انه ناس اكبر من الطلبه اللي قاعدين يخططون !
حسبي الله عليهم خربوا ديرتنا حتى الطلاب خلوهم يعتصمون
عالاقل لو فيكم خير صج اشرحولهم القررار شلون !

الله يعينكم ويوفقكم ويفكنا من شر كل اللي يبون الفتن والخراب

- معاكم وحده متخرجه العام -

 

[بنتmbc1]

اي انا معاج و اقتنعت لما سمعت القرار منه بس لما البنات قالو احس وايد متضايجين و جي
اي اللي معترض معتمدين ع الشفوي بينجحهم و جي بس على الاقل كان يساعد

 

[سمراء اليل]

انا معاج بكل كلمه مع القرار الجديد بنعرف الابلات يضلمونا ولا لا لاني شاكه بدرجاتي ولا حضو اللي اعتصمو منو الصبيان اكثرهم وعمرج شفتي صبي كويتي يذاكر جنه المصري ولا مره غش بغش والجامعه منزلين عليهم النسب ظلم والله ظلم طموحي الجامعه ومشكلتي فااااشله بالانجليزي كللش ما افهمه واللي ضايقني انهم زادوه صعوبه بس اقول الله يستر وان شاء الله ننجح والحلو بالقرار الجديد ان دراجات الفتره الاولي والثانيه والثالثه ما راح تاثر بالشهاده واجد احلي شي بس ادعولي بالانجليزي

 

[نور .خلود]

آنا معآكم ٌ آلقرار ُ آحسنّ صجُ بيطلعٌ آلشاطرُ من آلكسلآن ُ

و بعدينٌ كلٌ وحده الآبله ظلمتني بآلدرجه آلشفوي وآنا آشارك وجذي
بدآل هآللويه صآر كلهٌ بيدجّ تبينُ نسبه آدرسيُ وآحفظي مآ تبينُ بكيفج
شي يرآجع لجٌ و الآحسن آن الآمتحآنات آلفتره من آلمدرسه
يعنيٌ ألآبلآت رآح يعطونآ آلمهم وجذي ,

بسُ صج آللي مو حلوو بآلقرار آلأنقليزي يعني آلقرار فيُ سلبي
بس آلآكثر
آيجابي وكلهُ من مصلحه آلطآلب و مآ طبقوآ آلقرار الآ دآرسينه ~
بس بآلآول كنت ضده صج مآ كنآ فآهمينهٌ آكثر.. ...من وجههُ نظري

 

[Omniya]

الانقليزي صج عقدوه .. بس والله أحسن لنا
انا بنات بصفي مايعرفون كوعهم من بوعهم مايصير !!

سمراء الليل .. لآآآزم تعلمين انقليزي .. ولا مرح تمشين بالجامعه !
اقتنعي ان لازم تتعلمينه وحبيه .. بتتعلمينه بدون ماتدرين

 

[عهود عنونو2]

سيحان الله وبحمده سبحان الله العضيم

 

[عهود عنونو2]

العظيم

 

[q8ya_girle95]

آنا من اول ماحطوا القررار وانا موافقه عليه
و صح كلااامج
​