شلون تغسلون كفرات السراير

[RicardO]

السلام بنات

شلونكم انا تعبت من المصبغا صراحه وابوي زهق بسج مصبغا كل اسبوع موديتهم بس صج ماعرف الشراشف مو مشكلا وجياس المخاد هم عادي بس الكفر نفسه بلوى

مره غسلت واحد يمها توهقت شلون انشفه قطيته بالنشافه وييع لونا قلب مادري ليش وريحتا خياااس قطيته بزباله حرام عاد والله ماكرفتا اهو الي يصير تلبيس مال اييكيا


ساعدوني بليز انطركم

 

[اكابر]

حبيبتي انا اغسل كفراتي واحطهم بالشمس وبس؟؟

 

[وبعديين]

انا عندي غسالة اوتوماتيك 11كيلو
اغسل فيها المفارش الخفيفه
والثقيله اوديها المصبغه
اواغسلها بالبانيو واحط عليها كمفرت
تجي ريحتها تهبل واحطها بالشمس
بسرعه تنشف

 

[RicardO]

بس لازم اطول بالشمس والشمس تخلي ريحتها خايسه

 

[Flower20]

حبيبتي اذا عصرتي الكفر عدل ونشفتيه من الماي
حطيييه بالشمس اقصد برااا بلكونة او سطح مثلا
يعني مو تحطيته داخل بالغرفة راح تصير فيه ريحة

 

[ام لموري]

صدق معاناة تنظيفها

 

[كويتيه برونزيه]

اذا ثقال احطهم بالبانيو واغسلهم اكثر من مره واحط تايد وكومفورت

اما المصبغه ما احب اوديهم لان يحطون كذا بطانيه ويا بعض

اغسله بيبتي واشره على شمس افضل

 

[شانيل نمبر 5]

شلون اغسل بشتاء؟؟؟؟؟

 

[Lemon Juice]

انا نفس الشي الشرشف والمخاد أغسلهم بالبيت

والكفر كل ساعه موديته المصبغه مليت, حتى لو غسلته بالبيت بس لي ييت أكويه مشكله حجمه كبير والاوتي صغير

جربي اللي قالوه البنات غسليه بالبانيو , وخليه ينشف عالراحه بس مو بالشمس , حطيه بغرفه وفتحي الدريشه

 

[ام_حبيبي]

انا والله اوديه المصبغه او عند امي لأن غسالتها اوتوماتيك كبيره بس بجرب اني اغسله بالبانيو عاد صج الغسيل بالبيت انظف من المصبغه بمليون مره بس فينه عيز

 

[كيت كات]

بالبيت واذا ماعندج بانيو لاني مااحب احطة بالبانيو
في طشت كبيييييير ورفيع تحصلينه بالسوق الايراني غسلي فيه
وحطية بالسله المشخله لمن يروح الماي نشريه باي مكان مفتوح او في هوا
بالاخير حطي بالمنشار وحطي تحته بخور ونامي بحديقة من العطور

 

[قطوة@@]

بجرب طريقة البانيو

احس شغل المصبغه وصخ

 

[لانا العود]

انا اول اغسله بالبانيو واحط تايد وديتول واقطعه تفرك ليما يقول بس وتالي اشطفه بالماي وكمفورت واحطه ساعتين على طرف البانيو ليما يتسرب الماي بعدين اشره بالشمس لين يجف وعلى طول اشيله وابخره واعطره بس تالي شريت غسالة بناسونيك 13 كيلو اغسله فرتين بالصابون والديتول االغسله الثالثه بالماي والكمفرت وادخله المنشفه مالت الغساله كبيره تشيل بونفرين وحتى بطاطين بو نفرين واطلعه يصيررطب احطه عالمنشر وابخره وخلص راحه وانظف من المصبغه اللي تجي حواف الديباج سودا من غسلهم

 

[بمبة المفترسة]

غسليه بالغسالة الاوتوماتيك انظف واحسن
واذا غسالتكم حوضين غسلي الكفر اول تالي خلي الماي والصابون يروح وكبسي بايدج عدل تأكدي انه كل الصابون راح ورجعي سدي الحوض وترسيه ماي خالي وسبعي الكفر وخلي الغسالة تدور عشان كل الصابون يروح وتالي خلي الماي يروح وعصري بايدج وهو بحوض الغسالة وبس وشريه براا
اذا على الريحة رشيه وهو مبلل برشوووش او حطي كومفورت مع الماي