شلون تعودين زوجك على بذخ باول زواجك

[حنايا الروح1]

بنات

شلون وحده تعود زوجها على مصرف يعني يخليها تشتري ماركات وكل شي غالي

مب يطالع بسعر قبل الغرض


اسمع كثير يتشكون ولا يدرون وش طريقه


بذات الي تكون باول زواجها وتبي تعود زوجها على انه يصرف عليها ببذخ مب يحاسبها على ى كل فلس يدفعه



وشو غلطات الي سويتوها وتحذرينا منها ؟

فهمتو علي؟:bbbiu:

 

[كربون امها]

مختصر الايه قال تعالى وكلو واشربو ولاتسرفو ان الله لايحب المسرفين
ليش البذخ وعلى شنو اوكي لبسي بس ماتوصل للبذخ مافكرتي عقب الاسراف والبذخ اذا استفقرتو وكثره الديون شلو ن بتعيشين عودي نفسج على البساطه
فكري شلون تقتصدين وتحوشين للزمن ولمستقبل عيالج احسن من الماركات بوايد واحنا اليوم والحمدالله بخير ونعمه بس باجر الله اعلم شيصير بالحال

 

[روحي82]

حبيبتي علي حسب المعااش اذا الرياال علي قده شتسووين دورين غيره مثلااا

 

[شادن33]

حنايا على حسب راتب ريلج حراام
واذا كان معاشه قوي حطيلج مصروف على قد اللي يناسبج ويناسبه
يعني مو كل مره تشترين ماركه على حسب
بس اول شي تفاهمي على مصروفج ومنه اشتري اللي تبينه مايخصه اهو
موفقه

 

[سفييره الكويت]

استغفر الله وتقولون ليش الريال ينحاش ..!

يبا قولي الحمد لله دامه معيشج بخير وعز ونعمه هذا اهم شي خلي عنج الجماليات لانه يعتبر اسراف ..! والاسراف حراااام ..!


ماركه اذا كل يوم بيقط 30 او 50 شيبقى من المعاش انا اقول عقلي يابنت الناس ولا تصرفين وايد..!

 

[ملح الدنيآ.]

الله يعينج على تعليقات بعض البنات

أب

أب​

 

[منال $]

الصراحة ما عندي فكرة كيف اخلية يصرف علي( ببذخ)
انا عن نفسي الحمدللة زوجي مو مقصر علي بشي
وبنفس الوقت ما استغلة

 

[dubai girl]

ليش البذخ!! اكيد حق الفشر والخقه
اذا قبل لاتعرس ماتعرف في الماركات واذا عرست تتكلم جنها ام الماركات
ترا هاي حديثة نعمه وماشايفه خير ..

اعرف وحد شنطها قبل من المحلات العاديه الحين تتكلم رولكس الي بالماس والي بدون الماس
بس تتكلم .. حديثة نعمه

لاتعودينه على البذخ عوديه كيف يعاملج باحترام وكيف يحافظ على بيته
عوديه على اشياء زينه عشان انتي ترتاحين بعدين مب البذخ

كلامي مب لج حق كل وحده تفكر بهالطريقه

 

[Sisyphus]

فعلا لازم تاخذين منه مصروف شهري محدد
و انتي تشترين اللي ودج فيه بالمعقول
اما عن الماركات و الهدايا حلوة اهو يجيبها من خاطره من غصب منج
و انتي بعد اهديه واكيد بتصير عادة حلوة بينكم

ترى والله بيزهق لانه ادمي و يعرف شنو معنى الاستغلال

 

[felfelah]

حنايا الروح1 حطيتي الموضوع و اختفيتي ههه

انا فاهمة قصدج مو يعني بذخ بس ما تبين محاضرة لما تطلبين الشي صح ؟

اننا بقولج كيف
لما تتزوجين طبعا بتكونين كاملة من حيث الاغراض فأكيد ما تتسوقين على طول
و يوم بيي وقت السوق هو بيسألج وين اوديج أو شو ناقصج عاد هني انتي بتودينه المحلات اللي انتي متعودة عليها(اللي تبين تعودينه عليها)، و بتاخذين اللي تبينه و خلاص هو بيعرف ذوقج و الاشياء اللي تحبينها و بيتعود شوي شوي
و في معلومة خليها على بالج دايماً لما هو يقولج خذي اللي تبينه اخذيه على طول(لا تقولين لا الحين مو محتاجه) لانه ما يقول هذه الجملة الا اذا عنده فلوس

و ادعيلي :yaaaaaarb: ولا تعصبون علينا لان المثل يقول (زوجج على ما تعوديه و ابنك على ما تربيه)
بس مو لدرجة اني ما كنت اعرف البس و فجأة اصير اتكلم بالألماسات ترا كلش مو لايق و اعرف ناس جذي واااايد شكلهم غلط لان يوم حبت تسوي جذي صارت تبالغ بالشي يعني بتشوفينها لابسة الكبت كامل عشان تقولج انها بنت عز و من هناك ما يخصها و هذاك الفقير يمشي وراها و يلعن روحه و القهر يوم حبت تراوي عمرها جات عند اهلها تتفشغر و هم اللي عارفين البير و غطاه و اشكره يقولون لها الله يرحم جدامه هههه

يلا سامحوني طولت بس الموضوع حلو

 

[sh_mashael]

اشفيكم بنات ؟؟
اشـ هالطمع الحمدلله و الشكر

اذا انتي وحده تشتغلين و عندج معاشج ,, اشــ تبين بفلوسه حمدي ربج اذا يصرف على البيت و على اعياله\
و اذا يبي يعطيج فـ هاذا من كرمه و طيبه
# و الله غريب أمركم

بتنحشونهم .., ماتهيعون مثلاً

 

[سحـورة]

بذخ ؟
أيوا ...

 

[الأميرة جوري]

حسب ميزانيه الزوج ...وحسب شخصيه في رواتبهم ضعيفه وكريييم ...وفي الراتبه واااايد وبخيل لاتنسين شخصيته

 

[نسمات 26]

الله يستر علينا من هالتفكير !!!!!

 

[((غلاي))]

على حسب الريال عنده او مايقدر

 

[Abraaj]

كل واحد يعيش على مستواه .. بعدين الريال لازم يخش شوي من معاشه لانه ساعات تطلع ظروف للواحد لازم حزتها يكون عنده ويتصرف بسرعه..

وبالنسبة لي اذا فلوسي العب فيها كثر مابي بس فلوس زوجي دايما اكون حريصه عليها!!!

والحمدلله مو مقصر معاي.. كل مناسبة (عيد زواج/ميلاد/حب/راس السنه) تمر علينا اييبلي احسن الهدايا

 

[عيون مبارك]

باجر لين فلس الريال بتلعنين الساعه اللي شفتيه فيها
تعاملي معاه بطبيعتج بدون مفوشر وبتلقينه يعطيج عيونه*

 

[ناتشوو]

حنايا الروح1 حطيتي الموضوع و اختفيتي ههه

انا فاهمة قصدج مو يعني بذخ بس ما تبين محاضرة لما تطلبين الشي صح ؟

اننا بقولج كيف
لما تتزوجين طبعا بتكونين كاملة من حيث الاغراض فأكيد ما تتسوقين على طول
و يوم بيي وقت السوق هو بيسألج وين اوديج أو شو ناقصج عاد هني انتي بتودينه المحلات اللي انتي متعودة عليها(اللي تبين تعودينه عليها)، و بتاخذين اللي تبينه و خلاص هو بيعرف ذوقج و الاشياء اللي تحبينها و بيتعود شوي شوي
و في معلومة خليها على بالج دايماً لما هو يقولج خذي اللي تبينه اخذيه على طول(لا تقولين لا الحين مو محتاجه) لانه ما يقول هذه الجملة الا اذا عنده فلوس

و ادعيلي :yaaaaaarb: ولا تعصبون علينا لان المثل يقول (زوجج على ما تعوديه و ابنك على ما تربيه)
بس مو لدرجة اني ما كنت اعرف البس و فجأة اصير اتكلم بالألماسات ترا كلش مو لايق و اعرف ناس جذي واااايد شكلهم غلط لان يوم حبت تسوي جذي صارت تبالغ بالشي يعني بتشوفينها لابسة الكبت كامل عشان تقولج انها بنت عز و من هناك ما يخصها و هذاك الفقير يمشي وراها و يلعن روحه و القهر يوم حبت تراوي عمرها جات عند اهلها تتفشغر و هم اللي عارفين البير و غطاه و اشكره يقولون لها الله يرحم جدامه هههه

يلا سامحوني طولت بس الموضوع حلو

اكثر اجابة مفيدة:eh_s(9):

انا احس على طبع الزوج الاساسي
ماراح تغيرينه كثيرواذا مو موظفة ضروري المصروف الشهري يوصل لج من اول زواجكم
مع مراعاة راتبه الاساسي جم

ونحاول ننبهه ع ضرورة الهدايا بالمناسبات والولادات

 

[صمت المرافئ]

وليش البذخ ؟؟؟
خير الأمور الوسط ...
لا تنحشون الرياييل بتفكيركم هذا ...
جنكم مو شايفين خير !!!
الله يهديكم ...
​

 

[حجيه هيونه]

والله مادري شقولج جان عودت الى عندي لووول