شلون تعرفون اتجاة القبله بالسفر؟؟؟

[سموالاميره]

شخباركم يالغاليات..............


حبيت استفيد من خبرتكم بالنسبه للقبله بأيام السفر شلون تعرفون اتجاها لان السنه اللي طافت شريت من البابطين الساعه اللي على البوصله الي تعلمني اتجاه القبله ولما خلصنا من اروبا رحت الامارات وظبتها على الامارات طلع اتجها غير عن اتجاه القبله في المسجد!!!!!!!!!!!!



ياليت تفيدوني.


تحياتي

 

[rawona]

شخباركم يالغاليات..............


حبيت استفيد من خبرتكم بالنسبه للقبله بأيام السفر شلون تعرفون اتجاها لان السنه اللي طافت شريت من البابطين الساعه اللي على البوصله الي تعلمني اتجاه القبله ولما خلصنا من اروبا رحت الامارات وظبتها على الامارات طلع اتجها غير عن اتجاه القبله في المسجد!!!!!!!!!!!!



ياليت تفيدوني.


تحياتي

والله حبوبه مادري .. انا اسأل ريلي واهو يعلمي واصلي عادي بس شلون يعرف مادري .. يمكن من الشمس او اهو يعرف اتجاه الشروق والغروب مادري والله اهوا ماشالله عليه يعرف الاتجاهات ..​

 

[ChOcoLaTe 'n MarShMaLlOw]

اخذي البوصله و حطيها على الارض

و شوفي الرقم الموجود على الدوله اللي انتي فيها و قعدي فريها

لما تضبط معاج .. اخذي معاج بوصلتين عشان تتاكدين

 

[Maneena Manaana]

ههههههههههه rawona ... هذي الغربة وفوائدها..

احنا جذي.. من انروح مكان أشوف ريلي ايطل من الدريشه ويشوف الشمس ومادري شيسوي بايده ويقول لي جذي الجبلة

سمو الاميرة... اسأل ريلي لما يرجع وأقول لج عالطريقة

 

[flowar18]

هلا حبيبتي

احنا نستعمل البوصلة فيها كل ديرة و رقمها علشان تعرفين اتجاه القبلة , من زماان عندنا اياها

 

[PINK*LIPS 81]

انا العاده اذا دوله اسلاميه ادق على الرسبشن اهم يعلموني .. وساعات اذا اوربا او غيرها ريلي يعرف بالبوصله

 

[fona]

انا شاريه بوصله استخدمتها حق اوربا وحق الامارات وكانت مضبوطه الحمدلله

 

[Queen-q8]

انا يالغالية شارية السجادة اللي فيها بوصلة ومعاها كتيب مدبس بطرفها من مكة قبل جم سنة والحمدلله اصلي عليها انظف وبنفس الوقت اقرا الدولة و اضبط اتجاه البوصلة واصلي

بس عموما الدين يسر مو عسر ولا تجهدين نفسج الصلاة على النية واذا الاتجاه طلع صح صلي واذا تأكدتي من المسجد صلي باتجاه المسجد وعموما الدول العربية والاسلامية يكون موجود بالغرفة او تقدرين تسالين الريسبشن

ولا تعقدين الامور الامور سهلة ويسرة

 

[كويتية أصيله]

هلا والله ممكن هذا السايت يفيدج


http://www.islamicfinder.org/cityPrayer.php?country=australia&lang=arabic

 

[fat]

حبوبة تخلين الشمس على طرف عينج اليسار وساعات يحطون سهم بسقف الغرفة او في درج التسريحة

 

[سموالاميره]

خواتي

من وين البوصل وبنسبه للسجاده اللي بالبوصله عجزت انا ادورها

والدول الي اروحلها اكثرها اجنبيه

تحياتي

 

[كويتية أصيله]

البوصله تلقينها بالمكتبات إللي مقابل مجمع النقره

 

[سموالاميره]

مشكووووووووووووووووره اختي كويتيه اصيله .


تحياتي