شلون تصرفين اذا طحتي على حمولتج يحشون فيج

[*ماي الورد*]

السلام عليكم

ابيكم تشورون علي يالخبيرات بعالم الحمولة

جم مرة اروح بيت اهل زوجي و انا ما اكثر زيارات بس بالويك اند اطيح عليهم يحشون فيني :eh_s(11):

و انا لمن ادش استعبط اسوي روحي ما سمعت شي

و اهم اصلا طبعهم يحبون الحش بخلق الله

و يددقون على اقل شي الزين و الشين

لا بعد خالتي مسوية روحها موزة تطلع اسرار بيتي و تنبش عن طريق عيالي

كله تسالهم وين رحنة و وين يينا و شنو كلينا

ومنو اكو في بيت اهلي لمن زرناهم و غيره


احس اني عايشة بكابوس

احس انها عايشة معاي بغرفتي و اهيا بعيد

 

[حلاوة الحلوة]

الله يهديهم ان شاء الله واحسن شئ تسوينه الطنااااااااااااااااااااااااااش؟؟؟؟؟

 

[Om-Bashaar]

في مثل يقول الحقران تقطع المصران ويا جبل ما يهزك ريح

 

[تحبني ولا ...]

عطيهم ابو لباس


طااااااااااااااااااااااااااااف والحياة حلوه


وقولي قدامهم انج ماتحبين الحش واللي يبي يحش فيني فدوه له ذنوبي ماتغلى عليه وبسسسسس

 

[one two 3]

هههههههههههههه


مره ابيت خوالي كنا قاعدين بغرفه يدتي انا وامي وخالاتي الثنتين قاعدين ومادري شقاعد تقول خالتي عن مرت خالي تحش فيها

وامي كانت طالعه رايحه الحمام والحمام يم الدار جان تصرخ امي ام فلان اهنيه تعالو وخالتي طاااف تكمل حش ودشت ام فلان وسمعت

ههههههههههههههههههههههههههههههههههههههه

وام فلان سنعه اسكتت ما تحجت سلمت واقعدت بس مع السوالف قاعد اتقط نغزات
احس خالتي الملقوفه تفشلت خخخخ

والسالفه كلها عشان مرت خالي غريبه عنا بره العايله
راحت زارت خالت امي
يعني خالت زوجها

انا اشوفها عادي بالعكس هاذا وصل والوصل زين

بس هالحركه ما اعجبت خالتي الحلوه

 

[فاقدة حنان 77]

الله يهديها يآرب
آعرف وحده الحموات بعد يسآلون اليهال زي امهم
بس انتي علمي عيآلج آسراار البيت مآتطلع لبرا
ولايعلمون بآشياء خصوصية

 

[Tom ♥ Jerry]

.


انتي ما عندج الا تحقرين
ما تقدرين تقوليلهم ليش تحشون فيني ..

خليهم و بو طبيع ما ايوز عن طبعه
هذول شكلهم كل مآ آحد رآح يحشون فيه !
يعني لآفين عالعايله كلها مو بس آنتي

:eh_s(7):

 

[تحبني ولا ...]

عطيهم ابو لباس


طااااااااااااااااااااااااااااف والحياة حلوه


وقولي قدامهم انج ماتحبين الحش واللي يبي يحش فيني فدوه له ذنوبي ماتغلى عليه وبسسسسس

 

[*ماي الورد*]

رد : رد: شلون تصرفين اذا طحتي على حمولتج يحشون فيج

الله يهديها يآرب
آعرف وحده الحموات بعد يسآلون اليهال زي امهم
بس انتي علمي عيآلج آسراار البيت مآتطلع لبرا
ولايعلمون بآشياء خصوصية

اهيا تستعمل اسلوب التحقيق معاهم ما يفدرون عليها ما الومهم
اهيا رية و سكينة بانسان واحد

 

[عطر الدوحه]

رد : شلون تصرفين اذا طحتي على حمولتج يحشون فيج

ههههههههه وااااااااااااااي الله يعييييييييييييييييييينج


مثل حااااااااااااالتي الله يعيييييييييييييين

 

[توته الحـــلوة]

الحقران يقطع المصران\\\\\\\\\\\وماترما الا الشجره المئمره \\\\\يكفيج خذيتى حسناتهم

 

[عيووونه]

رد : شلون تصرفين اذا طحتي على حمولتج يحشون فيج

لو اموت ما أطيح على الي عندي عليهم تكتيم ماتدش ذبانه بيتهم الا خاتمين على جوازها يعني محد يدخل ويطلع الا برقاااااااابه مشدده بس ادري مقطعين بالحش <<<<<<<<<<<دايم اشتكي من اذني هههههههههههههههههههههههههههه

 

[MISS-_-FLOWER]

مدام انج مو مسويه شي غلط و واثقه من عمرج خلي يتكلمون من اليوم لي باجر بس علمي اعيالج اي احد يسالهم عن اسرار بيتكم يقولون امي تقول عيب انطلع اسرار بيتنا عشان لمن تسال خالتج اعيالج ويردون عليها بهل رد راح تنفجر

 

[ريتااجي]

رد : شلون تصرفين اذا طحتي على حمولتج يحشون فيج

لو طحت على وحدة تحش فيني

بس راح اناظرها وابتسم في ويهها وأقول اليها فدوى لج ذنوبي

واجلس وعااااااااادي ولاتهمني بس لازم اقول اليها الكلمة علشان لاتستغفلني

أكره علي اللي قدامي بويه ومن وراي بويه ثاني قطع

وإذا ع عيالج علميهم إن عيب يطلعون اسرار البيت برا واذا احد سالهم

يقولون له عيب نطلع اسرار بيتنا برا

 

[brettey]

رد : شلون تصرفين اذا طحتي على حمولتج يحشون فيج

شوفي انا ساكنه عند حمولتي وكانت علاقتي مع خالتي وحماتي الصغيره سمن على عسل الحين متهاوشه معاهم لانه مو كفو طبت فيهم والنتيجه الجحود والنكران وخالتي سوت لي مشكله بيني وبين زوجي من شهرين حسبي الله ونعم الوكيل
بس لو سمعتهم يحشون فيني بكلم ابو زوجي يوقفهم عند حدهم بقول له انا وحده كافه خيري وشري حدي بينهم السلام ليش يحشون
وطبعا اكيد ماراح يسكت لهم لانه مايبي المشاكل واهم يخافون منه اهو حيل عصبي

 

[شوارفسكي]

انا من ناحيتي طاااااااااااااااااااااااااااااااااااااااااااااااااف لو اسمع شحقه اواجه خلصت بعد شربت مروقها على قولتهم واللي ما يقدرني ماقدره وعادي عزيزتي لو فيهم خير ماينسون طيبج بسرعه شرهتج على الغالي مو على اللي يحش فيج

 

[LeeMa q8]

لوووولي ماصارلي حيل ..

بس سمعتهم لووولز مره حماي العنون قالهم اوووص ريووون جت وصار هدوء ههههههههههه


ومره 2 سمعت شغله قهرتني من حمواتي لانها مو فيني بس مع هذا نزلت وسكت وماجنه شي صار لان حرام خالتي طيبه وحمواتي الصغار

عسل .. بس النتيجه نفسيه زفت بالدوام وعند زوجي وبجي اخر الليل والسي سيد في سابع نومه خخخخخخخخخخخ


بس عادي لو تحجوا فنييني مره 2 عادي الحياه حلوووة ..

 

[Petite]

يمكن أتظايق من داخلي

بس أحلى طاف والله

 

[عجمية ماتهاب]

رد : شلون تصرفين اذا طحتي على حمولتج يحشون فيج

اوووف ماحب الحش
عاد انا من النوع اللي يتنح شوي
ومايجيني الرد الصح اللي يسر الخاطر الا لا نمت على فراشي
ذيك الساعه اقول اها والله لو قايله هالكلمتين بس
جان خليتها تتستحي على دمها شووي
وعالعموم يبين اذا انا متضايقه من الوحدة من عيووووني

 

[جوانا2010]

رد : شلون تصرفين اذا طحتي على حمولتج يحشون فيج

عادي حبيبتي طنشي

الله يهديهم ويهدينا اجمعين