شلون تدلعين نفسك

[ديما ديما]

السلام عليكم كويتيات

طبعا دايم نسمع كلمة دلعي نفسك....

طيب شلون؟؟؟؟
هل هي اشياء روتينيه نسويها اصلا؟؟؟؟

ولا شي خاص يبغاله تجهيز وكذا؟؟؟؟


انا ابي اعرف هل نعرف ندلع انفسنا ولا مابنعرف

 

[Tom ♥ Jerry]

,


ادلع نفسي .. لمآ آعطي وقت حق نفسي
آخصص وقت معين من يومي حق نفسي آختلي فيه مع نفسي
مو كلا بيتي .. زوجي .. آهلي .. رفيجآتي .. بنتي
أوكي آهمه لهم حق بس الي له حق آكثر " النفس "

 

[اميره1980]

ادلع نفسي يعني استانس بمعاشي و اشتري اللي ابيه
و اسوي خلطات و اهتم بروحي و بمظهري
اروح اسوي سبا و حمامات مغربية وناااااااسة

 

[black rose BH]

^

مثل ماقالت اميرة
يعني لاتخلين حياتج كلها جد
دلعي نفسج
يعني تكشخي صبغي اهتمي بجسمج وشكلج
اختاريلج هوايات تحبينها
هالاشياء يعني

 

[*caramel macchiato*]

يعني ما اندثر ...وخصوصا عندنا بالكويت ...اغلب البنات قبل لاتتزوج تلقينها جمال وجسم...وبس تتزوج تندثر مع العيال وتلقينها مكرشة والشعر ضيم والجسم لوعة ...ولا الوي احمص ولانقطة ميكآب...وكل فلوسها اتقطها عالبيت واليهال ...!!!!

انزين ونفسج !!! ترا عليها حق ....يعني ادلع نفسي ...اروح سبا اسوي مساج ريلاكس...اروح نيل سبا اصبغ اظافري..ويكون مكان يفتح النفس وياكثرهم الحين ...اطلع مع رفيجاتي بروحي من غير اليهال ...اطلع مع ريلي بروحنا ...اشتريلي شي ودي فيه حتى لو غالي ...اصبغ شعري واهتم بعمري ...لان الوحدة اذا كانت مستانسة من شكلها هالشي يرفع عندها هرمون السعادة والعكس صحيح....

ووايد اشياء ...باختصار الي يحب نفسه يدلعها .....

 

[بنت النوخذا]

السلام عليكم كويتيات
طبعا دايم نسمع كلمة دلعي نفسك...
طيب شلون؟؟؟؟
هل هي اشياء روتينيه نسويها اصلا؟؟؟؟
ولا شي خاص يبغاله تجهيز وكذا؟؟؟؟
انا ابي اعرف هل نعرف ندلع انفسنا ولا مابنعرف

وعليكم السلام و الرحمة
اهلين ديما :eh_s(7):
اهم اهم شئ انج تنسين كلام و تعليقات الناس ولا تخلين كلامهم ياثر فيج
وخاصه الناس الي تهبط

الدلع طبعا انواع و مجالات طويله عريضه
باختصار خلي من نفسج نجمــه :eh_s(15):
أناقه دلع عنايه بالجسم بالوجهه بالشعر بالبس
يعني خلي لج نكهه خاصه مميزة بعطور و بخور

بس طبعا بشرط
1 انج تكونين راضيه ربج
2 ويكون ستايلج بحد المعقول لا البسيط و لا المبالغ
3 عدم التكلف و المصاريف الباهضه

ههههههههههههههه صار لغز

 

[بنت النوخذا]

يعني ما اندثر ...
ووايد اشياء ...باختصار الي يحب نفسه يدلعها .....

كرامييييل انتي روعه
صاجه ما اندثر ههههههههههههه
كلامج عدل ..... لنفسك حق
علي فكره انا اجهز حق نفسي هدايا و اغلفهم
عطور و بوكيه ورد كاكاو كلاج
:eh_s(8)::ggdw:

 

[Bloom]

يعني لاتبدين الناس وكل شي على نفسج خصصي وقت لنفسج لهواياتج للصالوان للمساج ووو

 

[مريااانه 4]

اطلع اتمشى اروح المول طبعا ماااخلي شي الا واشتريه من مكياج واكسسوار وووو .......الخ <<<<ههه خخخ ماخليت شي

 

[Combat]

ماخلي بخطري شي
واخلي حجي الناس واعتباراتهم تحت ريولي

 

[نووووووووووف]

اي مثل ماقالو البنات وازيد عليها انو لازم تعرفين شنو تحبين عشان تسوينه وانتي مرتاحه يجدد بنفسيتك ونشاطك

 

[سوسو حبيبتى]

امشي على مبدا

فاقد الشي لا يعطيه

دام انى مو قادره اهتم بنفسي وهواياتي وادلع نفسي يبقا اكيد مااقدر ادلع بنتي وزوجي

الاول احب نفسي واهتم بنفسي

وساعتها راح اقدر اعطي الاخرين الحب والدلع

 

[αησмα]

خوووش موضوووع




اولآً الاهتماااام بالنفس داخل اول شي نفسيتج من داخل تكون عال العال


واهني تحبين كل شي تتدلعين فيه


تحبين تروحين سينما اتحبين تشتري ملابس وتغيرين ستايلج


تصبغييين وتهتمييين بالرياااضه عشان جسمج



هييبك شغلات نسميها دلع

 

[نونه المنكوشه]

يعني انا بالنسبه لي اي شي بخاطري اسويه يعني مثلااااا ماانطر لي اتزوج علشان اهتم لاااا اشتري ملابس داخليه شغل عدل ودايم بين فتره وفتره اروح الصالون واقص او اصبغ مثلاااااا ضايق خلقي اروح السوق واشتري اللي ابيه طبعااا متعه التسوق اواسافراذا احصلتلي سفره واذكره مره حسيت ودي ادلع عمري رحت سويت برنامج عروس برويال حياة مع اني لاعروس ولاشي بس احب ادلع نفسي بين فتره والثانيه واي وقت تخصصينه لنفسج تقدرين ادلعين عمرج بالطريقه اللي اتحبينها

 

[كريستال]

عشان اتدلعين نفسج لازم تحبينها وترحمينها

اما اشلون فهو تسوين الشي اللي يريحج وتستانسين عليه

 

[أحلى البشر]

الموضوع يشووق

 

[miss_IU]

الحمدلله اعرف حق نفسي ..
لما امارس حمية ..أمارسها عشان نفسي ! مو عشان الزوج او أنو بصير احلى وحدة في العيلة ..
لما اهتم بنفسي و اروح لـسبا مساج عشان استرخي و افوق حق نفسي ..!!
أمارس هواياتي المحببة ! اللي هيا مشاهدة أفلام وثائقية و قراءة الكتب الوثائقية و التاريخية ..
أحيك بالكروشيه ...أعمل رياضة عشان اجدد نشاطي و حيويتي ! اروح اتجمع مع البنات في الكآفي او في مطعم ..أمممم و هيك :eh_s(7)::eh_s(7):

 

[azaiN]

بنات وين هذا سبا للمساج ؟؟؟؟؟؟؟؟؟؟

 

[حلآوهـ حمرهـ]

اممم دلعي نفسج داخليا وخارجيا وخلي غيرج يدلعج بعد ..

امي فديتها مدلعه عمرها وعودتنا انا وخواتي على هالشي ..


اهتمي بنفسج وبكل شي فيج من شعرج وبشرتج وجسمج .. مب شرط دوم تصبغين وتقصين بس اهتمي من ناحيه صحته . حمامات زيت وفيتامينات وكريمات ..

بشرتج اهتمي فيها .. سوي ليزر لو محتاجه حطي خلطات سوي تنظيف كل شهر

جسمج اهم شي وصلي للوزن المثالي .. سوي رياضه رتبي جسمج

واهتمي بصحتج اخذي فيتامينات .. لاتهملين اسنانج ..

والاهم من هذا كله اهتمي بنفسج دااخليا .. خلج دايما سعيده ومستانسه انتي بنفسج اصنعي سعادتج

سوي كل شي بخاطرج لاتحرمين نفسج من شي ..

لما اتسوين هالشي ينعكس عليج وعالناس اللي حولج واتعودين الناس انهم يهتمون فيج ويدلعونج اما اذا اهملتي نفسج الناس بتهملج .. انا اقصد زوجج وربيعاتج واهلج

 

[صلوا على النبي]

وأضيف على خواتي تخصصين وقت لله تزيدين فيها طاعاتج ووقت للثقافة والمعرفه وتنمية مهاراتج