شلون تحافظون على عيالكم وتوعونهم

[عبق البنفسج]

توني قريت هالموضوع
http://www.q8yat.com/showthread.php?t=700517
وبصراحة وايد اخترعت لما قريته وقعدت أفكر في بناتي ..
انا معلمة بناتي ان هالمنطقة عيب أحد يشوفها ودايماً أكرر عليهم هالحجي بس ما أتوقع انهم استوعبوو الكلام عدل .. اوكي انا اقولهم عيب بس هالكلمة ما أحس انهم كافية انها تعلم الياهل .. ودي أعرف شلون تقنعون عيالكم وتعلمون شلون يحافظون على هالمنطقة .. ودي أقولها حجي يقنعها أكثر من كلمة عيب .. أبيها تفكر بكلامي دايماً وتكون خايفة ومنحرجة من هالمنطقة ..
لأني أشوف بناتي عادي الوحدة تروح تكرمون الحمام وعقب تطلع تلبس صروالها جدام اختها أو جدام الخدامة ودي أعلمهم يستحون من بعض بس مادري شلون ..
يريت خواتي كل وحدة تذكر لنا شلون تعلم ولدها أو بنتها شلون يحافظون على نفسهم

 

[الأميرة جوري]

ليش تلبس جدام الخدامه وجدام اختها انا عندي بنات من عمرها 3 سنوات اقولها عن غشمره وانا اسكر عيونى بايدي اقولها ماما عيب عيب لا اشوفج ..وتدخل بسرعه وتلبس ..انتى لازم تعلمينها قولي عيب تشوفج الخدامه بس جم عمرهم بناتج ؟؟

 

[للحين ناطره]

وييييييييييييي انا ولدي امبدع
يتمشى انفصخ بالبيت عادي عنده
مع اني اقوله امبيييييييه لألألأ شنو هذا عيب
مرات يستحي ومرات لأ
اهو 4 اسنين
ودي اعلمه اكثر مو عارفه اشلون؟؟

 

[للحين ناطره]

وييييييييييييي انا ولدي امبدع
يتمشى انفصخ بالبيت عادي عنده
مع اني اقوله امبيييييييه لألألأ شنو هذا عيب
مرات يستحي ومرات لأ
اهو 4 اسنين
ودي اعلمه اكثر مو عارفه اشلون؟؟

 

[ناتشوو]

والله مادري
انا عمر بنتي 3سنوات
نفسج اقول لها عيب
ماابدلها جدام احد
يعني لما ببدلها نسكر باب الغرفة اخوها عمره سنة ونص حتى لو بيدش او الخادمة نقول عيب
طبعا تصارخ تقول عيب
وهي ماتدري شالطبخة
ولما اغسلها بالحمام دايما معاي الفوطة الفها على طول فيها
لحد يشوفها
بس احس مع الوقت بتتعلم
الله يحفظهم ويرزقنا برهم