شلون تتعاملين مع الموظفات ؟

[مبرد اظافر]

شلون تتعاملين مع الموظفات القدم و العوب ،، مع مسؤول واقف بصفهم وغالب الشغل عليج
فوق هذا يهزئج و العوب يحشون فيج بكل الوزاره بكلام جذب و انتي موظفه جديده و شكرا

 

[قطوووة]

طناش وحقران

 

[وحيدة امى]

المواجهه خساره لج ماراح تغلبينهم لان وياهم اللي مايخاف من الله

ادعي ربج بكل دقيقه وتصدقي بنصر والله يرفع حالج
بتغير حياتج الوظيفيه
مريت بتجربه بس الفارق ماكان يعطيني شغل وكنت اتمني شغل
والحمدالله الله برد علي قلبي انصحج لاتنتقلين وادعي ربج​

 

[spanish-girl]

لا ردي عليهم بوجهت نظري لا يتمادون اكثر او طلبي نقل

 

[مبرد اظافر]

مشكورين على وجهات نظركم ابي ردود بعد ماعليكم امر

 

[قطوووة]

الله يعينج اب

 

[بنت الكويت 25]

والله يا اختي احسن شي توكلي على الله ادعي ربك بصدق مع يقين بالاجابة تصدقي وكثري دعاء والحقران خير وسيلة مالك شغل فيهم حاولي ما تلاسنين معاهم بالكلام او تاخذين وتعطين وياهم واذا لزم الامر قدمي نقل لادارة ثانية انا رفيجتي كانت جذي كانت متاذية حيل من البنات الي وياها قدمت نقل والحين اهي مرتاحة توكلي على الله وادعي ربك واذا حسيتي نفسك مو مرتاحة انتقلي

 

[فراشه123]

توكلي علي الله ثم الله وإذا سويتي الشغل إحتسبيه لله وعامليهم زين لله مو لهم ولاتتخلين معاهم وايد إذا طلبوا منج شئ عطيهم بطيب خاطر وقبل هذا إحتسبيه لله وعليج بالدعاااء وقبل ما تدخلين الدوام قولي اللهم إني أعوذ بك من شر هذا اليوم وشر مافيه وأسألك خيره وخير مافيه ... وأعوذ بكلمات الله التامات من أجد وأحااذر
وحاولي لما تسوين الشغل اليوم الثاني غيبي مكافئه لج
حبيبتي لايهمون الناس أبد ولايضايقونج لانهم هم ضعفاااء لان الله أكبر وأقوى

 

[مبرد اظافر]

الله كريم .. كل يوم مشكلة جديده و ماكو انصاف خلاص بنقل ماحتمل مشكورين

 

[بوغاتي88]

والله ياحبيبتي اذا هم كبار بالعمر اكيد غيرانات منج لانج اصغر منهم / نصيحتي لج افتري بالوزارة وشوفي لج قسم سنع وان شاء الله ترتاحين اما اذا بتواجهين العوب راح تتعبين وايد وهذي نصيحتي لج

 

[نـعـومـه]

حاسه فيج لاني عانيت بهالشي الحل الدعاااااااااااء

شبتسوين بتصرخين عليهم ؟؟ الموظفين الثانين بيقولون انتي غلطانه بعد لانهم موقاعدين معاكم ولا يسمعون الحوار ولا يدرون الغلط على منو

بتسكتين مشكله خوفج يتمادون اكثر واكثر عشان جذي الحل ادعي يمكن الله يغير من طبعهم لانه هذيل بنات دوام كل يوم مجابلتهم عشره عمر

 

[Guest1979]

انا مكتبي بالدوام وطبيعة تخصص بروحي في هالمجال فما احتك مع الموظفات هذه ميزة الوحده مع انه ممله بس ماتشوفين مواقف ترفع الضغط

 

[أنوثهـ حتى الثمالهـ]

واجهي المسؤول وبيني له ان هالتصرف غير قانوني طبعا هو بيطنشك
عاملي العوب باحتقار وقفلي اي باب للحوار وياهم الا بالشغل وخلك جدا رسميه و صارمه ولا يستفزونك
لا تسوين الا شغلك واي ايميل يجيك مو لك فروديه على الموظفه المسوؤله وحطي مديرك ومديره المباشر بالسي سي
وهكذا بالنسبه للمراجعين شي مو لك حوليه عالموظفه المسؤوله ولو ماخدمته طقي الصدر ووجهيه وين يشتكي بضمير
لا تسلمين عليهم ولا تحشين وياهم ولا تاكلين معاهم ولا تقبلين منهم اي طريقة لاسقاط الميانه خليهم يحسون انهم حشرات
التزمي بالدوام وقت الدخول ووقت الانصراف لا تتاخرين ولا تكثرين غياب عشان لا احد يتصيد اخطائك
سوي ريبورت يومي لك سجلي فيه كل المهام الوظيفيه اللي سويتيها من الصبح لاخر دقيقه بالدوام بالتفصيل وخلي هالريبورت عندك
اخر خطوه اذا هالخمه ما تادبوا اشتكيهم هم ومديرك فوقهم واطلبي فيه تحقيق ولو احد تكلم واجهيهم بالريبورت والتايم شيت اللي يثبت دخولك وانصرافك


اشرايك فيني الحين

 

[مبرد اظافر]

انوثه : شرايج ..

١) مايستلمون اي بريد وانا استلم كل شي و اوزعه و اي غلطه منهم المراجعين يجوني لان توقيعي
٢ ) مره ما كنت بالقسم من كثر البريد وقعت غلط و كنت رايحه برجعه ، و جا بريد طردوه للمسوول و جا يهزئني!
٣ ) ما كملت ٣ شهور و معطيني اشياء اساسيه مثل : مشاكل البصمه صارت كلها علي + مشاكل الاستئذان كلها + اساعد بكشوف المسؤلين و التعيين
٤ ) المسؤول غير منصف و ما يهتم لي لاني صغيره بيني و بينهم ٢٠ و ١٥ سنه فارق عمر !
٥ ) اهم و لا شي الحين مجرد يسسون ١٠ استئذانات انا اجيبها لمكتبهم و يتأفأفون + كشوفات لمناطق يقطونها بكرتونه وسلامتج.
٦ ) اذا لمسؤل مو هني يطلعون برا لوزاره يبصمون٨ و اخر دوام يجون يبصمون

 

[وحيدة امى]

انتي بوازة الصحه هذي مصايبها

 

[نــجــود]

انتي مثل حالتي بس انا مسؤلتي مره
وياشين المره حاقده على وتقط الشغل كله على
واذا بستئذن ترفض وتطلع الموظفات الا أنا
واجهتا وتعبت اخر شئ صرت ما أكلم أحد بس السلام
والموظفات القدم خففت علاقتي معاهم
بس هم مانفع
بس الحمدالله بنقل مكان ثاني وراح أرتاح
أذا المسؤل معاهم لاتواجهين لأنهم راح يطلعونج أن انتي غلطانه وراح تتعبين
حسبي الله ونعم الوكيل
علي كل مسؤل أو مسؤله تظلم موظفاتهم

​

 

[أنوثهـ حتى الثمالهـ]

انوثه : شرايج ..

1) مايستلمون اي بريد وانا استلم كل شي و اوزعه و اي غلطه منهم المراجعين يجوني لان توقيعي
2 ) مره ما كنت بالقسم من كثر البريد وقعت غلط و كنت رايحه برجعه ، و جا بريد طردوه للمسوول و جا يهزئني!
3 ) ما كملت 3 شهور و معطيني اشياء اساسيه مثل : مشاكل البصمه صارت كلها علي + مشاكل الاستئذان كلها + اساعد بكشوف المسؤلين و التعيين
4 ) المسؤول غير منصف و ما يهتم لي لاني صغيره بيني و بينهم 20 و 15 سنه فارق عمر !
5 ) اهم و لا شي الحين مجرد يسسون 10 استئذانات انا اجيبها لمكتبهم و يتأفأفون + كشوفات لمناطق يقطونها بكرتونه وسلامتج.
6 ) اذا لمسؤل مو هني يطلعون برا لوزاره يبصمون8 و اخر دوام يجون يبصمون

الاسبوع الجاي اول ماتوصلين الدوام افتحي برنامج الاكسل وسوي جدول لخمس صفحات على عدد ايام الاسبوع و بكل جدول سجلي نوع التاسك ورقمه ( رقم الخطاب , الارساليه , الطلب ,,الخ) ومن منو استلمتيه و الاجراء اللي سويتيه ولمنو ارسلتيه
وكشف الاستلام كل ماتستلمين وتوقعين اخذي نسخه منه لك
وكل ايميلاتك سطري فيها مديرك وكل من يعز عليك من المدرا الكبار وحتى لو ارسلتي شغله لموظف بقسم ثاني حطي مديرك ومديره بالايميل
اي تكليف من مسؤولك بايميل او حتى كلاميا اخذي نسخه من شغلك او الايميل
واكرفي نفس كل اسبوع عقب هالاسبوع تاخذين كل النسخ اللي عندك مع الريبورت الاسبوعي وتدخلين عالمدير تواجهينه ولو قالك لا ناقشيه بحجه قويه وبيني له انك عارفه قوانين العمل و الوصف الوظيفي لمسماك وقوليله انا ابي حل للموضوع منك او اني راح اتوجه لشخص اعلى ومعاي كل الاثباتات
اطلبي تقسيم العمل بينكم مو لانك الصغيره تصيرين مطراش لهم
واي ارساليه تجي لا تستلمينها عقب ماتكلمينه ولو راحو له ماله حق يجي يناقشك او يهزئك واي شغله يلزمك فيها اطلبي منه خطاب يثبت ان هالمهمه من اختصاصك انتي فقط
وشوفي كيف بينثبر
هالنوعيه تخاف ما تختشي ولو تبين اي نصيحه لا يردك الا كيبوردك تراني خبره بهالنوعيه :d
اي وصح تذكرت لا تودين اي شي لمكتبهم ارسليه مع التي بوي وقبل لا ترسلينه سوي له سكان وارسليه لهم ايميل وحطي الحبايب سي سي خلك دايم بالسيف سايد

 

[Huda alotaibi]

بالضبط هذا اللي صاير
من اهم وسائل الازعاج للذات المهنيه
عدم المجامله من اهم الوسائل
التجاهل خير العلاج
القناعه كنز لايفنى
اوحدود الخطآ تجاوز العلاقات
يجب ان احترم علاقاتي مع الآخرين
والا اتجاوز الخطوط الحمرا
احتساب الآجر
التقليل من الاستئذانات
الشعور بالرضا الوظيفي
البقاء في مكان العمل
تحمل الآذى
حب زميلات العمل
قال احد الحكماء لآبنه : عاداني الآعداءفلم اجد اعدى من نفسي اذا جهلت ولبست الثياب الفاخره
فلم البس شيئا اجمل من التقوى.. اللهم اجعلنا من اهل التقوى

في المجال المهني الآن اصبح الحديث نادرا كوني مستمعه جيده لمثل هؤلاء
فالصمت يعود للنجاح والتمييز
المجال المهني : يتطلب الهدوء وتوازن الحياه
حين تجد في ادارتك نظام فاشل لابد اولن واخيرا الصبر كي تنجو من حقل البصل

 

[مبرد اظافر]

اشلون اخذ نسخه من كل شي اوقعه ماقدر واجد يجيني بليوم ٨٠ و اكثر و ماعندنا سكنر شسوي ؟

 

[Gifts&Occaions]

الله يعينج