شلون تتصرفين في هالمواقف مع اهل حمولتج

[tooooma]

يعطيكم العافيه خواتي انا حابه آخذ رايكم بموضوع وماني عارفه شلون اتعامل معاه وصارت بسببه بعض الخلافات بيني وبين زوجي انا من اول ما اتزوجت كنت احط مكياج وارسم عيني والخ....

انتو عارفين الامور هذي لكن الحمدلله في هالفترات الاخيره انا قمت اخفف من مكياجي ولله الحمد
وقمت احطه بس حق زوجي بالبيت

المشكله يوم زوارة حمولتي انا احط مكياج لكن خففته عن قبل بوااايد مراحل يعني كحل خفيف مع
مسكره يقعدون خوات زوجي ويقولون ليش مغيره مكياجج او كنت احلى من جذي او خالتي
تسالني اشفيج انتي فيج شي اقولها سلامتج بس انا غيرت من طريقة مكياجي وماقمت احب
احط برا بيتي ولمه نمشي من بيت حمولتي نقعد انا وزوجي ونتناقش زوجي يقولي بالعكس شكلج
واايد ذرب ونعووووومه بس اهله الله يسامحهم مومخليني بحالي حتى صديقاتي بالدوام يقولون
اشفيها تغيرت مو نفس قبل

ياترى هل انا غلط ولا الناس غلط ولا الدنيا شلوووون قاعد تمشي ماني فااااهمه واتمنى منكم

خواتي انكم اتخففون علي بكلامكم مع بعض الجمل اللي اقدر ارد فيها على هالنوعيه من الناس

 

[شهد العسل ومر]

حمدلله والشكر مكبره الموضوع عشانك غيرتي طريقة مكياجك وصارو يسالونك ليه تضايقتي ههههههههههههه مشكله شكلك فاضيه حيل

 

[امـ خــزامـى]

حبيبتي مااشوف انها مشكله


ابسط رد يخطر على البال انا وزوجي عاجبنا الميك اب الخفيف
انعم واحلى

وفيه حل ثاني اللي هي تلبسين نقااب والله بترتاحين
وتقدرين تسوين اللي تبين وزوجك مارح يقولك شي
لانك متستره

 

[ديانا سبنسر]

دام عاجبك وعاجب زوجج مالج شغل فييييهم

 

[tooooma]

مشكورين خواتي على الردود بس اللي اتقول مافيها شي كثر الكلام يأثر على نفسية الانسان ويعطيكم العافيه

 

[منال $]

عاااااادي حبيتي
كلام الناس ما بيخلص لو خففتي قالو ليش مخففة لو ثقلتلي قالو ليش مثقلة
اهم شي انتي مقتنعة وخلاص

 

[GofiSho]

عادي حبيبتي . بكل بساطة ..

قولي زوجي يحب الناعم علي .. و خلاص

كذا الكل بيتفهم الوضع و توضح الصورة للجميع

..

ربي يوفقك و يسر لك

و يتمم لك و يثبتك على طريق الصح

 

[OM BARAK]

ما اشوف مشكله؟ حبيبتي قولي ألف الحمدالله لو تشوفين هالمشاكل اللي تشيب الراس جان ظحكتي على عمرج بهالمشكله!!

عالعموم ألزم ما عليج راي زوجج والباجي ما يهمونج "المفروض جذي"​

 

[رنيم الروح]

حبيبتي عادي اهم شي عاجبك وعاجب زوجك وبعدين اهله ينتقدون وصديقاتك لانه يمكن كنتي على طول ميك اب اوووفر وفجاه غيرتي او قل اكيد بيقولون فيها شي
انا وحده اعرفها من 10 سنوات كل يوم ميك اب كاااامل بنهاربالليل على طول
الحين لو يصير يوم واحد بس انشوفها من غيره الكل يستغرب ونحس عندها مصيبه او تعبانه حيل واهي مافيها شي ويبتدي الانتقاد وش فيها ليش متغيره كانت احلى ومن هالكلام الي مايخلص
كل الي عليك طــــــــــــــــــــــــنــــــــــــشي قانون هالوقت

 

[You FOR Me Only]

قوليلهم الناس اذواق

وزوجي عاجبه شكلي جي وهاي اهم شي عندي

وخلاص ؛)

 

[بنت الكويت 25]

قولي لهم لاني اشتري رضا ربي سبحانة والمكياج خارج البيت نوع من الزينة والزينة ما تضع الا للزوج والمحارم واذا في بيت حمولتك مختلط فشي طبيعي انك تفكرين بتخفيف المكياج بالعكس حبيتي استمري على جذي والله يسخر زوجك لك

 

[Patcholli]

سوي اللي انتي مرتاحه منه اهم شي تكونين مستانسه من روحج وحلوه بعين ريلج
واحسنلج من العين ترى مولازم الكل يفز قلبه عليج
واكيد المكياج الوايد يسوي بهرجه وبريق بس انتي مرتاحه وماتبين الفتنه فمولازم تسوين شي مو مرتاحه منه
انا مثلج وايد خففت مكياجي بس الحمدللله ارتحت بشرتي تحسنت واحس روحي طبيعيه
وصرت لما اشوف وحده ملظخه بكريم الاساس احس شكلها بشع معني قبل كنت احط بس سبحان الله الطبيعي احلى

 

[ام زهقانه]

اتفق مع بنت الكويت

 

[صفاءء]

هههههههههههههههههههه

انتي من صجج مكبره هالموضوع خلاص اسئلوج وقلتي غيرت من طريقة مكياجي وهم ترى المكياج حرام يعني ممكن تيين لهم من هالباب

ودام ريلج راضي خلاص ماصار شي عادي

 

[Patcholli]

وصج حبيبتي نسيت اقولج اذا احد سألج قوليله الحين موضه السيمبل والخفيف راحت موضة التلطخ وهم لاتقولين ماحب احط الا فبيتي لانهم شايفينج قبل الزواج واول سنه فماله داعي والاحسن تقولين ريلي مايرضى احط نفس مكياج قبل واهو طالب مني اخفف وبسس

 

[عذبة السجآيآ]

حبيبتي عادي ماهي مشكله ولا شي

قولي حابه اسوي نيو لوك واغير بستايلي وحلو الوحده تغير بشكلها كل وقت وانج اتابعين الموووضه بس هذا ابسط حل لهم

 

[نور وشموع]

انا طبعي مكياجي حدة خفيف واذا سالوني ليش مو حاطة مكياج اقول الزين زين لو قعد من منامة
هههههههههههههههههههههه

 

[^همآليل^]

اللي ماعنده هم يشتريه ؟؟؟

والله مادري اضحك على مشكلتك والا ابكي

 

[رزه وكشيخه]

شفيكم أكلتوا صاحبة الموضوع وبعضكم يضحك ! اهي ما نزلت الموضوع إلا واهي متضايقه وتبي مساعدتكم مو عشان تقلبون الموضوع استهزاء ! ترى كل وحده كلامها يدل على تربيتها

مع إحترامي لبعض اللي ردوا بإحترام

حبيبتي صاحبة الموضوع ما عليج منهم وانتي واضح انج حساااااسه وتهتمين برأي الناس وهالشيء راح يتعبج حيل

لفت نظري انج تقولين حتى بنات الدوام اسألوج نفس السؤال , يمكن طريقتج بالمكياج مو مضبوطه وحبوا ينبهونج عشان تعدلين مكياجج
ويمكن الناس تعودت تشوفت ولفتره طويله بالمكياج ولما خففتي منه حسوا فيج شيء , أنا أعرف وحده مدمنه مكياج وما تقطعه إلا إذا صار عندهم عزاء والكل يسألها بالدوام عسى ما شر يطلع عندها عزاء أو واحد من أهلها بالمستشفى يعني ما تقطعه إلا بالمصايب أستغفر الله , يمكن هالناس حبوا يتطمنون عليج واستغربوا من عدم حطج للمكياج

وأيا" كانت أسبابهم ماااالج شغل فيهم وسوي اللي يريحج والمفروض ما تقولين لزوجج عن انتقادات الناس لج لأن جذي تطيحين من عينه أو تنبهينه لشيء فيج اهو مو منتبه له

قولي لهم المكياج يتعب البشره ومو زين أحط يوميا وبالدوام أنصحج ما تحطين مكياج كحل ومسكره ومرطب وكريم حمايه كافي
خلي المكياج للمناسبات
واللي تسألج ليش وما ليش , قولي حبيت أغير لوكي ما يصير ؟!!! وعطيها نظره نقده ههههه

 

[Smchoocha]

قوليلهم مالي خلق او ماعندي وقت احط ميكاب