شلون تتأكدون من نفسية الخدامة

[atc666]

[font=.helvetica neueui]

شلون تتأكدون من نفسية الخدامة؟؟
خلال السنوات الأخيرة زادت جرايم الخدم اللي حرقت الطفله سلطانة بالماي المغلي واللي تذبح ووحده اندونيسيه باطه عين طفله بأظفرها بالسعوديه واللي سممت الياهل مشاري وغيرهم وغيرهم مئات الحالات بالكويت والخليج


أول شي لازم تتأكدون انه الانسانه هذي طبيعيه ولا لأ ؟
مثلا انا اقعد اسولف مع الخادمه اشوف ظروفها الاجتماعيه طبعا كونها اشتغلت خادمه معناتها ظروفها زفت طبعا الماديه لكن ظروفها الاجتماعيه وتقدرون تسألون دكتور نفسي يساعدكم تاخذون استشارة لأنه انا سمعت انه اللي اييون اغلبهم خريجات سجون فهذولا محد يوظفهم بديرتهم في مكتب خدم بالفحيحيل اللي ماسكته فلبينيه خداماتها غاليين بس تقول انا اييبلج ورقة من الفلبين انه الخادمه ماسبق لها انه سوت جريمة وقالت لي هذي الورقه جدا مهمه لأنه وايد خدامات مسوين جرايم بديرتهم وعشان جذي محد يشغلهم فتتي تشتغل خدامه هني مثل سالفة الاثيوبيه اللي ذبحت عايشه الله يرحمها كانت ذابحه وحده عروس بديرتها طلعت معقده وتكره تشوف اي بنت تبي تتزوج .
يعني خدامتي صغيرة بالسن على ضحك سألتها انتي عندج بوي فرند تبين تتزوجينه قالت ايي وقامت تضحك مستحيه لازم تتأكدون انه الخدامه طبيعيه.
وبعدين في شغله مهمه جدا بعد ماتتأكدين انها طبيعيه لازم تعاملينها عدل وتحترمينها لاتعاملينها بطريقه دونيه نهائيا حتى لما تطلعين بره طلعيها معاج خل تستانس وديها مطعم على الاقل مره بالشهر معاج عشان لاتصير حياتها كلها كبت لانه حتى لو انسانه طبيعيه مع كثر الشغل والضغوط تتعب نفسيتها


ولا شرايكم ؟؟​

[/font]

 

[شادن33]

شوفي انا عندي قناعه ان معامله الخدم الافضل تكون معامله المدير للموظف فقط
يعني تعطينها اجرها بالكامل كل اخر شهر وتعاملينها معامله حسنه
تعطينها حقوقها من اكل ولبس وتواصل مع اهلها بس
غير جذي ماعندي
ما اسولف معاها وايد الاللضروره لان ماتعرفين شنو نفسياتهم ولاطبايعهم كله غير عنه
لاني جربت كل الطرق مانفعت الا هذي
والله يكفينا شرهم *

 

[om deaj]

انا كل مكان اطلعها معاي اهية وعيالي

والسوالف هذا شي طبيعي
في ناس لا تكلم الخدم ولا تخليهم يكلمون احد وما يطلعونهم مايصير

ارحم ترحم

 

[عزة وكبرياء]

حبيبتي انا تعبت من شي اسمه خدامة مالقيت طريقة اتعامل فيها معاهم آخر وحدة مو قاصر عليها شي
وكل شي متوفر لها وراضية وشكلها هادية ومستانسة على اليها ل وتحبب فيهم وتلمهم قعدت 3شهور وهربت وراحت السفارة تقول ولدي اللي عمره 3سنوات يطقها تخيلو ياهل ومسوية روحها تحبه وتلمه وبنتي اللي عمرها 5سنين تطنز عليها والله ثم والله انا مو مربية عيالي على هالاسلوب وان غلطو مرة ازفهم ومايعيدونها ومستانسين عليها وتلعب معاهمومانقصت عليها بشي من لبس واكل نوم وراحة مادري شلي حصل وشفيها طنقرت فلا تقوليلي معاملة وغيرها ترى ماتعرفين نفسياتهم ولو دشيتي داخل قلوبهم كلهم جذذابات وعيارات حتى لو حطيتيهم فوق راسج يبيعونج بلحظة ويلعبون عليج ويتبلون عليج حسبي الله ونعم الوكيل آسفة طولت عليج بس من الحرة اللي فيني :eh_s(14):​

 

[atc666]

شادن بس لازم تسولفين معاها شويه لانها مكبوته لانه اذا انتي ساكنه بشقه وخدامتج بروحكم وعندج يهال بتسولف مع منو والانسان بطبيعته اجتماعي اذا ما فضفضت لج اكيد بتطلع تلفون وتتعرف انا ما اقول على طول طيحي سوالف معاها يعني على الاقل تتغشمرين معاها مره باليوم وتنصحينها جذي تخلينها تفكر بمستقبلها انا مالتي على طول اقولها اعتبري انج مسافره دراسه تعلمي تطبخين تنظفين تعلمي كل شي لانه الفلوس تخلص بس التعليم مايخلص لما تردين ديرتج تطبخين حق زوجج وعيالج بعدين زوجج يحبج وايد لانه الريال يحب الاكل وغيرها وغيرها من النصايح

 

[atc666]

ام دعيج طريقتج صح
عزة وكبرياء
الظاهر ماتوفقتي بهذي دوري غيرها لحد ماتطيحيين على بنت حلال

 

[سوسو حبيبتى]

صراحه من تجربتي

اكتشفت ان التعامل مع الخدامه لازم يكون زي ماقالت شادن تعامل الموظف والمدير

لاني صاحبه خدامتي وقلت لها انتي اختي وكنت اسولف معاها واضحك معاها

وتكلمت معاى عن البوي فريند زي ماانتي بتقولي ^^ وتستحي لوول

اكتشفت ان كل دة غلط ف غلط

اولا صارت تقارن نفسها بيه

لما ادش محل عايزة تشتري نفس مانا اشتري

وتغار مني لما البس شي او اشتري شي

باختصار حطت راسها براسي

وعايزة تنظف على كيفها وتعمل الى على كيفها والى يعجبها هي

الاحسن والافضل لك يابنت الحلال وعن تجربه

تعامليها رسمي ولكن برحمه

ويكون لها معاد نوم معين واكل وشرب لها

والطلعات مو كتير

والاختلاط احترسي منه لان اكتر شي بيخرب الخدامه هو الاختلاط

 

[سوسو حبيبتى]

شادن بس لازم تسولفين معاها شويه لانها مكبوته لانه اذا انتي ساكنه بشقه وخدامتج بروحكم وعندج يهال بتسولف مع منو والانسان بطبيعته اجتماعي اذا ما فضفضت لج اكيد بتطلع تلفون وتتعرف انا ما اقول على طول طيحي سوالف معاها يعني على الاقل تتغشمرين معاها مره باليوم وتنصحينها جذي تخلينها تفكر بمستقبلها انا مالتي على طول اقولها اعتبري انج مسافره دراسه تعلمي تطبخين تنظفين تعلمي كل شي لانه الفلوس تخلص بس التعليم مايخلص لما تردين ديرتج تطبخين حق زوجج وعيالج بعدين زوجج يحبج وايد لانه الريال يحب الاكل وغيرها وغيرها من النصايح

حبيبتي والله شكلك طيبه وعلى نياتك

انصحك لا تتطييحين الميانه بالاخر بتندمي

وماتتكلميش معاها عن الريال كتير الله يرضي عليكي

لان اصلا رجالتهم مو نفس رجالتنا :krkrkr:


ولايهتمون بالاكل والطبخ نفسنا

كل طموحاتهم يجمعوا فلوس فقط لاغيرررررررررر

ويلفون بلاد ويتفرجوا ويشوفوا

خصوصا الفلبينيه كل طموحاتها تصير انجلينا جولي

 

[atc666]

وصج بقول شغله مهم جدا كثر ماتقدرون تريحون الخدامه مثلا الغساله الفول اوتوماتيك مهمه اللى تغسل وتنشف وكله حرام في بيوت للحين يخلون الخدم يغسلون على ايدهم حرام ايدهم تتشقق اكيد الخدامه بترتاح وتستانس لما تعطينها غساله فول اوتوماتيك خدامتي مسترجعه تقولي انا مرتاحه عندج البيت اللي قبل غساله حوضين وتعبت من الغسيل يعني في نقاط لازم تنتبهون لها

 

[سوسو حبيبتى]

حبيبتي انا تعبت من شي اسمه خدامة مالقيت طريقة اتعامل فيها معاهم آخر وحدة مو قاصر عليها شي
وكل شي متوفر لها وراضية وشكلها هادية ومستانسة على اليها ل وتحبب فيهم وتلمهم قعدت 3شهور وهربت وراحت السفارة تقول ولدي اللي عمره 3سنوات يطقها تخيلو ياهل ومسوية روحها تحبه وتلمه وبنتي اللي عمرها 5سنين تطنز عليها والله ثم والله انا مو مربية عيالي على هالاسلوب وان غلطو مرة ازفهم ومايعيدونها ومستانسين عليها وتلعب معاهمومانقصت عليها بشي من لبس واكل نوم وراحة مادري شلي حصل وشفيها طنقرت فلا تقوليلي معاملة وغيرها ترى ماتعرفين نفسياتهم ولو دشيتي داخل قلوبهم كلهم جذذابات وعيارات حتى لو حطيتيهم فوق راسج يبيعونج بلحظة ويلعبون عليج ويتبلون عليج حسبي الله ونعم الوكيل آسفة طولت عليج بس من الحرة اللي فيني :eh_s(14):​

:rerrerek::rerrerek: صح ميه بالميه

اقسم بالله كنا نعطيها مصروف شخصي غير راتبها

راحت السفاره تشتكي وطلبت المصروف مع الراتب تخيلو

يعني مثلا لو بعطيها راتب 20 دينار ومصروف 5

هي طلبت 25

قوويه موو؟؟

وكنت اعطيها كل شهر بشهره بس هي الحبيبه زهقت وتبي تسافر كيييفها

 

[atc666]

سوسوخدامتي مو فلبينيه وانا حريصه مااشتري جدامها شي لنفسي حتى لما اروح السوق واشتري ارجع اقص السعر عشان ماتطالع اقط السعر واعلق الملابس واقولها اكويهم اذا محتاجين كوي ولما اعاملها واكلمها لايزال في حاجز بيننا ماطيحت الحاجز اكلمها باسلوب السيدة للخادمه مو الصديقه حتى غشمرتي معاها مو مثل الصديقه يعني لازالت تهابني وتحترمني وتعتبرني ماما على قولتها
ولما اكلمها عن الرجاله اقصد ابيها تتعلم الطبخ وفعلا هالكلام اثر فيها وصارت تنتبه تبي تتعلم يعني اقولها بكره اذا تزوجتي وماتعرفين تطبخين زوجك ممكن يكرهك ويمد ايده وفعلا اقتنعت بكلامي وقامت تحاول تتعلم وتعلمت اشياء بسرعه وقلت لها اذا شفتك صرتي زينه بوديج دورة تعليم طبخ وحيل فرحانه وتقولي متى ماما تودين يعني اخليها تخطط وتفكر بالمستقبل انها بالكويت لازم تتعلم اشياء لازم تعتبر نفسها في مدرسه يعني سويت لها برمجه

 

[ماني من الناس]

بعض الخدم ممثلين درجه اولى يستحقون الاوسكار


انتبهووووووا


ترا بيئتهم وعاداتهم وكلشي عندهم غير

 

[سوسو حبيبتى]

^^ لووول ماني من الناس

atc66 الله يسخرها لك ..وياريت تقولى لنا اول باول طريقتك يمكن نستفيد

خلي الموضوع متجدد بليز

 

[om_3azoz]

انا اول مره ايب خدامه ,, وماعرف اتتعامل معاها عدل لاني صغيره واهيا كبيره عمرها 38 تقريبا وزينه مع بنتي لان كنت اداوم وانا كنت نفاس فاول ايام كنت اوديهم بيت عمي قامت تقولي لا ماما مايصير كل يوم نروح لان اهيا توها مولوده وبرد برا كان بالشتى خلينا بالبيت اذا عزوز قعد وشيطن ادق على ماما اتي تاخذنا ,,

عاد لمن اقعد اطالع تلفزون اتي تقعد اذا ريلي موموجود ,, اطالع معاي ,,


ليلحين ماصار لها سنه قبل فتره قالت لي انا بسافر انا صرت جذي @@ صدمه قتلها انتي ماصار لج سنه بتسافرين ليش ان شاءالله ولا تقول بنتي تبي تتزوج بروح عشان عرسها انا مادري شنو اسوي تقول بروح 25_8 ارد اول 10

ناس تقولي لاتحجزين لها لاتروح اذا راحت ماراح ترد ,, قتلها انتي اكيد بتين قال اي برد اكيد لان انا ماخلصت سنتين اكيد برد

وانا ماحب اقولها ماتسافرين اخاف تحقد علي وتسوي شي بعيالي واقول حرام عرس بنتها لو انا مكانها بيحز بخاطري

عاد مادري شنو اسوي والله اخليها تسافر اخاف تروح وماترد ,,

 

[WAAAW]

الله يقطعهم يعلهم الضربه انشالله .. ماكو فايده فييييييييييييهم والله لو شتسوين تعاملينها زين شين تظل الخدامه حقيره وخبيثه تضحك بويهج وتحبب فعيالج بس من داخلها حقد وكراهيه .. اوكي ظروفها مو زينه فبلدها تنثبر هناك وتموت هناك يعلهم الموت

شخذينا منهم غير القتل ؟ والسحر؟ والتسمم؟ والتعذيب؟ بس غصصصصصصصصصصصبن علينا محتاجينهم وكثر مانقدر نعاملهم بما يرضي الله .. بس ذيل الجلب عمره ما يتعدل عزكم الله .....ز خصوصا هالفلبن ااااااخ منهم اهما والاندونيسيه حطوا بالكم منهم هذيل وبااااااء

 

[granted]

والله يابنات اذكر يتلنا خدامه اندونيسيه قعدت اربع شهور عسسل تهببل
تعودت على نظام بيتنا ومواعيدنا والشغل وجذي...
المهم
تخيلو بعد فترة اقتلبت صارت تطلع من البيت العصاري وتمشي برووحها
جنها تايهه مثل الي توه قاعد من غيبوبه تطالع جنها بمتحف عرفتوا لول
كل يوم يردها لبيتنا حد مره ابوي مره جارتنا فشله
خبركم العصر الشارع ماكو احد خصوصاً ايام الدوامات صخه
والله خرعتنا لمن اسئلتها امي شفيج ليش اتطلعين شعندج
اتقول اسمع حد يناديني!!!!!
بسم الله

مرات واحنا سهرانين كلنا واهي داشه دارها من وقت على اساس نايمه تطلع لنا تصاااااارخ
اتقول : سمعوا ينادوني سمعوا قاع ينادوني
والله يننت البيت خرعتناااااااا

ومره اناسهرانه اذاكر بروحي عندي امتحان تدرون شسوت!!
بسم الله طلعت من غرفتها الساعه ثلاث تخيلوا و يلست بالارض عند ريولي وتطالعني وتقول كلام بلغتها وتمسح على ساقي !!!!
يمممه خرعتتتني عبالي تنويم مغناطيسي ولا طلاسم lol
والله طارت المعلومات من الخرعه
ماندري تمثيل ولاصج وسفرناها طوالي خرعت البيت اصلاً

ولاتقولون قاعده بروحها
طول الوقت مع خدم يمعتنا وييرانا
وامي تعطي الخدم ويه تسولف وتضحك وتسالها عن عيالها وامها وخواتها وييرانهم لدرجة انها
تحفظ اسماء عيالها وخواتها والله بنات يطيحون الميانه مع امي يصارخون عليها ساعات والله
واحنا يخافون ومايسولفون جدامنا تخيلوا!!

من جذي اقولكم اهي نفس البطيخة ياحمرا ياقرعه
اهم شي ماتصارخين عليها وتعطينها حقوقها وماتتعدى خطوطج الحمرا
وبدونهم اريح
تعب جسدي بس راحه نفسيه
بس الوالده ماتستغني عنهم

 

[الزورق222]

شر لابد منه ..
كانت عندنا وحدة اندونيسية عاملناها من احسن مايكون راتبها بمعاده بالضبط ومااكناا نطول صوتنا عليها بالعكس محتمينهاا بس هى ترفع الضغط بتصرفاتهاا تحب تفتش باماكن المفروض ماتجيهااا الا بعد ماتقولناا ..هذا غير انها تتسمع للرجال كم مرة نصيدهاا لكن ماقلنالها شى سكتنااا ..الشى الوحيد اللى خلانااا نسفرهااا هو اللى اكتشفناه خوفتنااصراحة مو طبيعية كانت تبقى بدورات المياه ساعات طويلة ومهما تنادين عند دورة المياه ماترد ومشيناها لهااا لكن انها تجى عند عتب الباب تلقينها الساعة وحدة فى الليل بعد ماينام الاهل احيانا نلقاهاا صايره مثل العنكبوت لقيناها ثلاث مراه بهذا الشكل وتنادين جنبهاا متمسكة بالارض ماراح تصدقون ادرى لكن صارت صراحة شى يخوف عند العتب اكيد مو طبيعية سالت ناس يقولون اكيد تطير لاندونيسيا ..انصدمناا وسفرناها خفنا على عمرناا شكلها ساحرة خاصة ان عمرها كبير مو صغيره ..الله لايعودها من ايام ..
الحين اللى عندنا اثيوبية تجنن قلبهااا طيب وحبيبة وتبى تعيش صراحة الله يستر كلما تنقال اسم الجنسية الاثيوبية تتذكررين عايشة الله يرحمهااا ..

 

[تحت ظلك]

سو خير وقطه بحر

تعرفون معاملة الرسول للخدم تعاملوا مثل تعامله

 

[PuPa^^SWeeT]

دام انه عندج عيال



لاتخلينهم عندها الا باشراف منج ولا من امج ولا خالتج ولا خواتج ولا حمواتج ( ماخليت احد )


اللي ذكرتهم اهم اللي بيخافون عيالج اكثر منها

بتطلعين ودييهم لاحد منهم مع الخدامة

اهيا اتدير بالها بس باشراف منهم جدامهم


هذا شي


الشي الثاني انا وحدة اطلعها وياي لأن بروحي ما اقدر على صيحتهم ابتلش و اخاف اغفل دقيقة اتصير سالفة


عادي تاكل وياي بالمطاعم ماعندي مشكلة


اذا طالعة بروحي وياهم


اذا خواتي وياي لا تقعد بالبيت





واذا تبي تشتري نفسي بالعافية عليها بس من فلوسها كيفها



بس يهمني قبل كل شي المعاملة و اللين منها علشان انا بعد الين

 

[manoooram]

أعاملها باللي يرضي رب العالمين .
واعطيها حقوقها كامله والتوافيق من الله سبحانه