شلون تبشرين الناس انج ولدتي ؟! تعالوا نفيد بعض :)

[الدنيا غير]

سلام عليكم
شلوونكم كروشات ما عرفت وين احط الموضوع بس اتوقع هني زين لان يخصنا احنا الحوامل
الحين الوحده فينا اذا ولدت تطرش مسج للكل والحين صرنا نطرش واتس اب ..

اكيييييييد في بنات يعرفون قصايد و اشعار حق هالسوالف .. عشان نساعد بعض ..
ياليت كل وحده تشارك و تكتب لنا سواء لبنوته او ولد ..

ابي اشووف الردود بلييييييييز ​

 

[قلب حاكم]

انا لمن ولدت كنت مجهزه هالمسج وارسلته لكل القائمه

( لقد كآن يوم ولادتي مآطرآ ..
ربمآ بكت فيهـ السمآء,,
لأنهآ اهدت أجمل ؛ ملآئكتهآ ؛
.. للأرض..!!

.............

لبيهـ بس وسميته يزن : )

 

[بنت جنيف]

انا ادز مسجات ابشرهم بولادتي وريلي يدق. بعد على اهله وامي ادق على خلاتي واكون طبعا دازه مسجات شعر وكلمات حلوه لي ذكرت كتبتهم

 

[كتالونيه]

انا ابشر اهلي عاد وهم
ينشرون الخبر
وانطر الناس هي الي تدق تبارك
مو انا الي ادق عليهم

 

[mama-dodo]

حطي توبك بالوتساب والكل يقراه
اسرع شي

 

[ام عفاف الكويت]

انا توبيك لما طلع ولدي من العنايه لاني والده بالثامن
كتبت انا عيسي هليت على امي وابوي نورت البيت وبحضن اخواني تدفيت

ودزيت الواتس اب بعد قصيده كانت حلوه باسمه
لكن كتبت ملاحظه ماستقبل حاليا لحين خروجه من العنايه المركزه
والحمدلله فديت الغالي طلع وبدز مسج باستقبالي

 

[أم عزيـز]

الله ماكثر المسجات سوي سيرج بقوقل وبتلقين كل مسج احلى من الثاني

 

[Um Ritaj]

هذي رفيجتي كانت حاطتها توبيك وانا ان شالله بحط مثلها لما اولد - كلمات بسيطه ومعبره



باركوا لي ياحضور
بعد ما مرت الشهور
الله رزقني ((..اسم المولود ...))

 

[bubble.gum]

ننثر ياقوت والماس ودرر
(اسم البيبي)بنتنا شرفت هذا الشهر
*من حلاة اوصافها خجل منها القمر
وابوها (اسم ) بسلامة امها (اسم)*
** * * * * * حمد ربه وشكر
يا هلا ومرحب باللي تفضل وحضر
*في مستشفى (......) الدور (...)جناح (...)غرفة(...)، نستقبلكم يوم *(......)من الساعه (.....الى..)، حياكم الله

هذا كاان مسج ولادتي بنتي شيخه البنات .. وتقدرون تسونه المسج حق ولد

 

[الأميرة جوري]

زغاريد الفرح عمت أجواء مستشفى .....(اسم المستشفى)
بقدوم ...(اسم البيبي)
بكر السيد ....(اسم ابو الطفل)

من السيدة ....(اسم الام)
لذا فهي تستقبل المهنئين يوم ...(كذا وكذا اذا كان يومين)
من الساعة ..... الى الساعة ..... في الجناح.... غرفة ...
شاركونا فرحتنا به "

 

[لميس نفسي]

مشكووره على هالموضوع الحلو


إن شاء الله اهلي بيبشرون اهلي

واهو بيبشر اهله إن شاء الله

وان تعافيت برسل بالواتس اب حق رفيجاتي مسج شعري بس لي الحين ماخترته


وبحط بتوبيكي اني ولدت ولله الحمد والمنه

 

[مشتطـه]

باركو لي يالحضور
بعد ما مرت شهور
الله رزقني ب ( )
خلا حياتي كلها نور


وعندي مسج بدزة ان شاءالله بس مابيه ينتشر لانه مالقيته بالنت


عسى الله يسهل عليييييييينا

 

[ام مهدي الحلوه]

انا ان شالله ناويه ادز مسجات
لانه الواتس اب مو الكل يقراه
و بدز المسج لامي و زوجي اخليهم يدزونه لكل احبابي

انا مأالفه واايد مسجات ،، و بختار واحد منهم

 

[الدنيا غير]

مشكورين فديتكم ع الردووود ..

لا يوقف لا يوقف >> باعتها

بس واللله لا تلوموني ادور لان ابي شي حلو وغريب

فديتكم والله

 

[ظل شجره]

اي والله لاااا يوقف
عشان اذا حملنا وجبنا ههههههههه

 

[KOKO_284I]

ادز مسجات عادي ان ولدت بهالمستشفى وانا بهذا الدوراو الجناح

 

[خوخة123]

اي صح لا يوووووقف

ومنكم نستفيد

 

[@ام يوسف@]

ااااب

 

[H&M love]

ايي ابي مسج سنع
و يكون على طريقه الحمد و الشكر و دعاء

احس اذرب من الاشعار

 

[ام الحلوااات]

u p
u p