شلون بطل هالعاده؟؟ زفوني بس لاتسبوني كافي اني كارها نفسي

[دلـوول1]

السلام وعليكم ورحمة الله وبركاته

اول شي انا اول مره اكتب موضوع بس كنت اتعابكم من ورا الكاولييس من قبل رمضان كنت

اشوف لما وحده تكتب موضوع محتاجه احد يحل مشكلتها شلوون تواسونها وتنصحونها واذا وحده

كتبت موضوع انها تسوي شي غلط وتبيكم تنصحونها قعدتو تنصحونها وتزفونها وتوعونها من اللي

اهي فيه بصراحه كااان حيييل تعجبني ردوكم ومع هذا كله عشان مصلحتهم

موعارفه شلون ابتدي موضوعي انا منحرجه من نفسي بس بضغط على نفسي وبقول وادري

بتزفوني بس انا راضيه لان تحملت بما فيه الكفايه ومع هذا مااتبت انا لولا الحيا جان قلت لامي

وخلتيها موتزفني الاتطقني بس ماابي اطييح من عينهاا عششان جذي لما شفت ردودكم ع البنات

تزفون وتنصحون قلت ليش مااكتب مشكلتي اهني وبعدين ماحد راح يعرفني

بنات انا من يوم كنت بسادس كنت اسوي العاده السريه بتقولون شلون وشعرفج فيهاا

اذكر اني كنت اسهر بروحي وكنت اشوف فلم ع ام بي سي 2 طلعت لقطه وصخه وصخه انه مره

وريال نايمين شلون

يتقلبون ويسون اللي تسويه المره مع زوجها >>بنات انا قاعده اكتب وكارها نفسي ومنحرجه

حيييييل منكم

المهم الحركه هذي دايم فبالي مادري شلون قلت خل اطبقها على نفسي وفعلا استغفرالله لو

مااسويتها مت

ومن بعدها صرت ادمان ع افلام جذي ونفس الشي اسويهاا بنفسي وكنت دايم من فتره لفتره
اسويهاا

كبرت وصرت بمتوسط ونفس الشي ييت الثانويه والحمدلله صرت اهتم بصلاتي كنت مااطوف

ولا صلاه والتزمت بس مو التزام لا يعني صرت ابتعد عن الحرام حتى افلام ماقمت اطالعهم ونسيت هالعاده هذي بس شنووووووووو

اذا خذيت شور وانا احط خلطه فجسمي تييني شهوه ابي اسوي استغفرالله استغفر والهي نفسي بشعري مني مناااااك مااقدر

واتذكر هالشي حرام وانا ابي ربي يوفقني ماابيه يغضب علي ع شغله تافهه بس في شي بداخلي يقولي يابنت سويها اخر مره بس

واسويهااااا واطول ع ماتطفي الشهوه يعني اطول بالحمام بس عشان هالشغله لاخلصت اكره نفسي

وايدي ترجف وادعي ربي اللهم اغنني بحلالك عن حرامك ومااخذ شور مره ثانيه الا نفس الشي لازم اسويها

ابي اترك هالعاده شلوووووووووووووون انا تعبت من نفسي

وبعد مابقى شي ع عرسي الا خمس شهووور .......والله اني خايفه من ربي لا يغضب علي صرت اكره السباحه والسبه هالعاده

بنات زفوني انصحوني عارفه انه هالشي غلط بس شسوي مو بيدي بس تكفون من دون سب الله يخليكم

 

[دلوعة حمني]

والله مادري شنو اقولج حبيبتي....
كثري من الاستغفار... و خلي ارادتج قوية.. يعني كلها 5 شهور و تتزوجين صبري!

الله يهديج بس!

 

[lady angel]

والله مادري شقولج حسيت الموضوع جريئ شوي

بس اللله يهديج وحاولي اتجاهلين هالشغله

والبنات مايقصرون

 

[ضايعه بينهم]

هلا بااختي الغاليه
ليش نسب بالعكس مافي انسان مايغلط بس باب التوبه مفتوح وكل ممنوع مرغوب
حبوبتي الله يوفقج بعرسج ويسرلج ويسخر ابو الشباب لج
المهم حاولي تتذكرين ان هالعاده موبس انها ذنب وبس تذكري بعد ان الله ماحرمها الا لانها بعد الزواج تخلي المتعه ميييييييييييييح يعني مافي شهوه القذف بسرعه يكفي المتعه ماراح تحسين فيها
اذا خوفتي نفسك بالاشياء هذي بتعرفين ان الله رحيم في عباده
والنقطه الثانيه سمعتها من ذا دكتور ان العاده السريه يستطيع ان نكشف الفتاه التي تمارسها بان تصبح المنطقه الحساسه داكنة اللون اسفه ع الشرح البايخ بس انا اقول موشرط لان هالمنطقه مكبوته فشي طبيعي بتكون داكنة اللون
حبوبتي استغفري الله وتذكري بانها راح تزعج العلاقه الزوجيه بينكم
موفقه وسامحيني ع الاطاله

 

[ريح الزهور]

استغفرالله بس تتزوجين راح تصيرين بارده لانج فرغتي كل شي قبل الزواج الله يعينج

 

[أميرة زوجي أنا]

حبيبتي كثري من الإستغفار واشغلي وقتج بذكر الله ولا تفكرين فيها نهائيا والله يسعدج انشاءالله​

 

[الينبوعة]

الله يهديج ان شاء الله ​

 

["اسطورة العشق"]

اهم شي التوقيع اسمج و عايلتج و العمر و لاموضوع عرسج الي بعد خمس شهوووور
مو خايفه احد يعرفج !!!!!!!!!

 

[قلبي سلومي]

الله يهديج

حاولي تشغلين عمرج بالستغفار والقران

ما وراج عرس ليش ماجهزي اشغلي نفسج بالتجهيز

الف مبروووك

 

[الأبتسامة الدام]

الله يهديج استغفري ربج وعليج بصلاة وقيام الليل واقري دعاء حفظ الانسان ودعاء الالفة بين الزوجين وقراءة سورة البقرة ويوسف والله يوفقج انشالله

 

[لمساتـي]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مايجوز المجاهره بالمعصيه

ومن قال محد عرفج غيرى التوقيع نصيحه

 

[ضايعه بينهم]

يؤيؤيؤيؤي غيري التوقيع بسرعه
ماله داعي احد يعرفج

 

[بقلبك مكاني]

الله يهديج ياااااااااااااارب وتتركين هالعاااااده

 

[استبرق الكندري]

حبيبتي ما نغلط عليج وليش الغلط اصلا اللي تغلط وتسب تاكدي انها انسانه وسوري على الكلمه .. مستواها للاسف هابط ..

كلنا نغلط محنا ملائكه وبالعكس كلامج مافي شي وايد ناس تعاني من موضوع العاده السريه وعلى فكره لها علاج ولها جلسات

ومذكوره في امور الدين حبيبتي عشان تبتعدين عن هالامور صومي وكثري من الاستغفار ومجرد ما تيج الفكره لهي نفسج بسرعه بس مو بروحج تلهين نفسج روحي سولفي مع اي احد بالفون مع اختج امج عشان لما تكونين بروحج ما راح تقدرين وراح تصير .. وحساسج بالذنب لانه تحسين نفسج مغصووووبه هذا الشيطان يوسوس لج ويفتحلج الخيال الوسيع ؟ ولا تخافين ترى ما تطفي فيج الشهوه بعد الزواج بس الشغله اللي راح تصير انج راح تدمنين وما راح تتمتعين مع زوجج في المعاشره الجنسيه لانه فكرة العاده السريه بتكون مسيطره عليج تماما .

حاولي انج تعالجين نفسج بنفسج لانه انتي عودتي نفسج فيها ... وفي كتب ومراجع تقدرين تبحثين وتلاقين علاجج فيها وصدقيني راح ترتاحين

الله يشافي وعافي يارب ويرحمنا برحمته ...

استمرار ممارستها بعد الزواج :-
يظن الكثيرون من ممارسي العادة السرية ومن الجنسين أن هذه العادة هي مرحلة وقتية حتّمتها ظروف الممارسين من قوة الشهوة في فترة المراهقة والفراغ وكثرة المغريات. ويجعل البعض الآخر عدم قدرته على الزواج المبكر شمّاعة يبرر بها ويعلق عليها أسباب ممارسته للعادة السرية بل انه قد يجد حجة قوية عندما يدعّي بأنه يحمي نفسه ويبعدها عن الوقوع في الزنا وذلك إذا نفّس عن نفسه وفرغ الشحنات الزائدة لديه ، وعليه فان كل هؤلاء يعتقدون أنه وبمجرد الزواج وانتهاء الفترة السابقة ستزول هذه المعاناة وتهدأ النفس وتقر الأعين ويكون لكل من الجنسين ما يشبع به رغباته بالطرق المشروعة. إلا أن هذا الاعتقاد يعد من الاعتقادات الخاطئة والهامة حول العادة السرية، فالواقع ومصارحة المعانين أنفسهم أثبتت أنه متى ما أدمن الممارس عليها فلن يستطيع تركها والخلاص منها في الغالب وحتى بعد الزواج. بل إن البعض قد صرّح بأنه لا يجد المتعة في سواها حيث يشعر كل من الزوجين بنقص معين ولا يتمكنا من تحقيق الإشباع الكامل مما يؤدى إلى نفور بين الأزواج ومشاكل زوجية قد تصل إلى الطلاق ، أو قد يتكيف كل منهما على ممارسة العادة السرية بعلم أو بدون علم الطرف الآخر حتى يكمل كل منهما الجزء الناقص في حياته الزوجية.


شعور الندم والحسرة:-
من الآثار النفسية التي تخلفها هذه العادة السيئة الإحساس الدائم بالألم والحسرة حيث يؤكد أغلب ممارسيها على أنها وان كانت عادة لها لذة وقتية ( لمدة ثوان ) تعوّد عليها الممارس وغرق في بحورها دون أن يشعر بأضرارها وما يترتب عليها إلا أنها تترك لممارسها شعورا بالندم والألم والحسرة فورا بعد الوصول أو القذف وانتهاء النشوة لأنها على الأقل لم تضف للممارس جديدا .
 الانتصار على العادة السرية وسائل عملية للوقاية والعلاج منها

دشي وقري انا خذيت مختطفات لج حبيبتي .. وان شاء الله ما عليج شر الله الحافظ ...

 

[wd_q8]

اول شي غيري توقيعج لا تجيبين لنفسج مصااايب من ورااااه الله ساتر عليج لاتفضحين نفسج ماتدرين يمكن وحده قريبه لج تعرفج من اسمج ووقت عرسج واسلووووبج بعد

ثاني شي كل ما حسيتي انج تبين هالشغله تخيلي ان في احد قاعد قبااالج يطالعج وانتي تمارسين هالعاااده بتستحين صح؟! شلون وربج هو اللي يشوفج وساااتر عليج سبحااانه..مادري انا عن نفسي كل ما تذكر ان ربي يشوفني اذا بسوي اي شي غلط استحي من نفسي حييييل ...
وكثري من الاذكاار والاستغفاار وحافظي على صلاتج وقراءة القرآن
والله يوفقج ان شاء الله ويستر عليج ويهديج​

 

[جــــاذبية]

لأنج موحاطة الله قدام عينج لو حاطته قدام عينج
كان إستحيتي حتى من نفسج وعيب البنت تسوي بنفسها كذا
يمكن لعبتي بنفسج تبين تنفضحين قدام زوجج باجر لاسمح الله
إتركي الخرابيط عنج وطالعي ربج في أي عمل تقومين فيه سواء خير أو شر ..
الله يصلحج إن شاءالله ويستر عليج يارب ولاتعلمين أحد أين كان حتى زوجج
موتحبينه وتفلصين على نفسج الرجال ماله أمان ..
وحتى لو سألج عن العادة أو أمور ثانية ماتخص البنات قولي ما أعرف شي ..
ياويلي ياليتج عندي والله لأسطرج أعلمج الأفلام الوصخة شلون قايلة ..

 

[shayto0oNa]

الله يعينج استغفري وكثري من الصيام وصدقيني اذا شغلتي نفسج بطاعة الله راح تنسييين ولا يطري على بالج اصلا للاسف وااايد بنات نفس حالتج

ربي يهديج انشالله :yaaaaaarb:

 

[shayto0oNa]

لأنج موحاطة الله قدام عينج لو حاطته قدام عينج
كان إستحيتي حتى من نفسج وعيب البنت تسوي بنفسها كذا
يمكن لعبتي بنفسج تبين تنفضحين قدام زوجج باجر لاسمح الله
إتركي الخرابيط عنج وطالعي ربج في أي عمل تقومين فيه سواء خير أو شر ..
الله يصلحج إن شاءالله ويستر عليج يارب ولاتعلمين أحد أين كان حتى زوجج
موتحبينه وتفلصين على نفسج الرجال ماله أمان ..
وحتى لو سألج عن العادة أو أمور ثانية ماتخص البنات قولي ما أعرف شي ..
ياويلي ياليتج عندي والله لأسطرج أعلمج الأفلام الوصخة شلون قايلة ..

هههههههههه هههههههههه. امبيه ضحكتيني وربي هههههههه مايخالف شوي شوي اهم شي صحت وعارفه غلطها وانشالله توب والله يهديها كلنا نغلط :eh_s(17):

 

[ام شووووق]

اتقربي من الله واشغلي نفسج قد ماتقدرين

واستغفري واستغفري

واذكري انه الله يشوفج

 

[Om-Ritha]

الله يهديج ويبعد عنج وساوس الشيطان اللهم امين