شلون بالله شلون!!!!

[Emanii]

بنات بدش بالموضوع على طووول
لاحظت واااايد امهات بالمنتدى يقولون انهم يمسحون عيالهم بالوايبس لمه يبدلون لهم
و وحده حدها نرفزتني الصراحه حاطه طريقة عنايتها اليوميه بولدها لمه يوصخ تكرمون تمسحه بالوايبس :rgewrg::eh_s(2): يعني مو لمه يبول حتى !!!!!!!:eh_s(1):
حرااااام هذيله اطفااااال لازم ماااي و صابوون اطفال وييييع شنو وايبس حرام عليهم هالامهاااات
اووكي اذا كنتي طالعه استخدمي الوايبس و لمه تردين غسليييه
يعني انتي تقدرين تمسحين بالوايبس بدون ما تغسلين !!!!:eh_s(2):
عيل اليهال شلووون حراام هذيله بشرتهم حساسه اكثر منا بواااايد
يبا الي عيزانه تشيل ولدها توديه الحمام و تغسله بالماي و الصابون تييب طاسه فيها ماي دافي و فوطتين وحده للمنطقه الخلفيه و وحده لجدام و تمسح بالماااااااااي مو وااايبس:eh_s(2)::eh_s(10):
عطوني رايكم شلوون تنظفون عيالكم

 

[انا لها شمس]

حررررام عليهم والله انا بنتي من ٦ شهور وامي تعصب علي اذا مسحتها بالويبس
حرام بشرتهم ناعمه وماتبيلها شرح وعنايه

اغسله بالماي الفاتر وصابونه الخاص وانشفه واذا يحتاج فازلين احط له وبودره عند الافخاذ
والبسه ...

مافيها صنع معجزات يا امهااااات

 

[ام الحلوااات]

شـــــــــــنــــــــو الـــــوايييسسسس ؟؟؟

مـــــاعــــرفـــتــــــه

 

[ام توفي وزنوبه]

قصدج المناديل العطرة? والله انا من اطلع من المستشفى كله اغسلهم ابد ما استعمل المناديل الأ للضرورة يعني بالطلعة او اذا بس بول وانتو بكرامة

 

[Emanii]

الوايبس المناديل المعطره حبايبي
ايييييي هذيلة االامهات السنعاااات
يالله وين الباجي قولولنا ارائكم

 

[مشتطـه]

ما احبه اصلا ما يريحني اتخيل نفسي تكرمين اني استخدم مناديل كلش ماراح ارتاح


من جذي ما ارضاها على ولدي

الا اذا للضروره ومع ان ما اطلعه وايد

 

[Um NoUrA]

بناتي كبروا بس يشاركم الموضوع ... ما كنت استخدم الوايبس كللللش وحتى وانا طالعه الفوطه والصابونه موجودين بالجنطه وضروري جياس النايلون الصغار حق البامبرز والكريم بعد .. انظف واحسن وما يتضايق الياهل ولا اسبب له حساسيه وحكه .. وبسسسس....


شكرا عفواا ​

 

[Withered flower]

ما اصدق اصلا ان في حريم يستعملونها!!!
شلون ترضون تحطون على المنطقه الحساسه شي رطب ومعطر؟؟؟
اصلا حتى بودرة جونسن ما تنحط على هالمكان
اللي تبي تغسل هالمكان عندها صابون غار او صابون اسمه دالان صناعة تركية وريحة العطر فيه وايد خفيفة ووصاني عليها الدكتور كاظم معرفي لما طهرت ولدي
وقالي بعدي عن الجونسن وولدج ما راح يصير فيه طفح جلدي
وحطي نشا بدلا من البودر المعطر واذا بتحطين زيت حطي زيت زيتوت افضل من بيبي اويل
وماشاء الله من سويت اللي قالي عنه وولدي خف الحمار والطفح اللي فيه من تحت

 

[Model Look]

انا اول شهر كنت اييب طاسه فيها ماي فاتر وقطن وامسح عليه بعد الشهر ماي بالحمام اغسله واذا اخرج استخدم صابون

الوايبس عشان امسح ريوله ومسافط ايده ورقبته بس

 

[حور البحرين]

انا عن نفسي استخدم الويبس لما اكون طالعة مجمع او مكان عام
اما اذا كنت في البيت او رايح بيت زوارة اوديها الحمام
واغسل لها بالماي والصابون وانشفها واحط لها سودو كريم

 

[noha33]

ايه والله يا ايمانيي
انا الوايبس للوجه واليدين فقط
اما التنظيف فلا يوجد عندي إلا طريقة واحدة وين ما كنت
((((((((( تــــحـــــــــــت الــــــــحــــــــــــنـــــــــــــفـــــــــــــــيـــــــــــــــــة ))))))))))

 

[Emanii]

ايييييييي والله صح كلامكم لاااازم ماي و صابوووون و الوايبس للظرووورة فقطططططططط

 

[أم معاذ الكندري]

والله أنا استخدمه إذا كنت طالعه
لكن إذا الله يعزكم مؤ مسويه العوده ايب طاسه وماي دافئ والقطن وامسحها بس مؤ كل مره يعني مثلا باليوم جم مره أغير بامبرز بين كل تغيرتين لزم أغسلها بالحمام واحب أني أخلي بنتي اشوي يطقها الهوي لان حرام طول اليوم بامبرز فا اريحها منها
وع فكره احسن كلينكس معطر أنهى ماركة بيجون

 

[ReD&FoSHia]

حبيبتي كل وحدة و طريقتها
انا كنت مرتين باليوم بالحنفية و الماي
وباجي المرات لا والله ويبس
همن ترا يمرض البيبي اذا كل ماي ماي على مكانه حتى لو اتنشفينه

 

[Emanii]

بس الوايبس لوشن و عطر !! انتي تقدرين تمسحين فيه ؟؟ ماعتقد

 

[أم معاذ الكندري]

ماركت بيجون ع فكره مؤ معطره وطبيه وحاليا مؤ بكل الجمعيات تحصلونه

 

[Mrs.H]

انا امي حق بيبي الاربعين تحط طاسة ماي مع القطن الكبير من الصيدلية تغطسه بالماي وتنظفه عدل تالي تنشفه بفوطة وتحطله كريم سودو

ولما يكبر البيبي شوي بالحنفية ويلفون جسمه من تحت بفوطة ولما يطلعونه من الحمام تكرمون ينشفونه عدل ويلبسونه حفاضة

اما الوابس حق الجسم تنظيف بس لكن مو للمنطقة الحساسة

 

[مسكنهم روحي]

ان من عمرها يوم اغسسسسسلها وامي تهاوشني بس راسي ياااااااابس

 

[STILL G L A M ~]

انا وحده منهم صراحه

 

[أإلع ـشق دلع ـهـأإ]

لا انا اييب طاسه فيها ماي دافي واغسسله فيه

ماستخدم صابون اخاف يتحسس ولا شي

الماي زين ينظف عدل