شلون اهتم بجسمي و الي زدته بالحمل بعد العمليه القيصريه ؟؟

[Miss1q8]

:eh_s(17):السلام عليكم:eh_s(17):

خلال حملي هذا سمنت فوق ال 25 كيلو ( الحمدالله على كل حال )

و انا بشهري الحين ، اي وقت اولد .

سؤالي .. بما ان احتمال كبير بتكون قيصريه .. شنو اسوي بنفسي علشان اظعف ؟

انا وايد تحبطت لان كل شي ممنوع ، الزياضه ممنوع الكورسيه ممنوع ، تمارين ممنوع ؟ رداده ممنوع شسوي ؟؟؟؟؟:eh_s(11): شلون البطن يروح شلووون ؟ و شلوون انزل وزني ؟؟؟؟

امانه ابي حل من خبرتكم شنو اسوي و خلال شكثر راح اضعف و اخف ؟


في برنامح معين امشي عليه ؟


و يوم العمليه نفسها شكثر ينزل الوزن ( المشيمه ، ، الياهل الماي ؟ )


ابي حل لاني بجريه ماعرف ولااااا شي و شكل دبببببهههه مالي ويه اشوف ريلي !!

عسى الله يفرح هم كلمن يرد علي يارب:yaaaaaarb:​

 

[الحــــــلا كله]

حاولي تخففين من الحين

واتوقع وزن البيبي مع المشيمه ٦ كيلو

 

[القلب الطيب]

الله يكون بعونج
بس لاتحاتين هذا كله تفخ الحماله
حاولي اول ماتولدين تخففين اكل
سوي كنترول
وربي يسهل عليج

 

[auoma]

حبيبتي مابي احبطج انا نفس حالتج انا هالمره ولدت قيصري بس ولاداتي من قبل طبيعي
الولاده الطبيعيه تطلعين من المستشفى منزله ٧ او ٨ كيلو وتضعفين بسرعه والحياة سهله
اما هالمره قيصري تخيلي طلعت من المستشفى نازله ب٣ كيلوات انصدمت لأني جسمي انتفخ من الماي وتجمعت سوائل فيه وريولي عقب العمليه ورمت
والحين لي شهر نزلت بس٧ كيلووو
والكرشه وع وع وع وع وعلى قولتج كل شي ممنوع
انا ابي حل للكرشه كل شي يروح مع الرجيم وبشترك بدايت كير وان شاءالله اضعف

 

[Miss1q8]

وااي خرعتوني

شالحل ؟ ابي اضعف (

 

[ترف بابا]

نفاخ الحمل غير عن السمنة

انتي اولدي الحين وبعد 6 شهور ابدي رجيم عشان ما يصير عندج رخاوة بالرحم

 

[Miss1q8]

بس شسوي اول جم شهر شالحل ؟ ٢٥ كيلو مو شويه !!!

 

[أم سارا]

انا اقولج انا والده ٣ مرات مرتين طبيعي وولادتي الاخيره قيصري والله ما اجذب عليج اني طلعت من الاربعين احسن من ولاداتي الطبيعيه وكان في كرش بسيط خلال شهر يعني البيبي صار عمره ٣ شهور ونص تقريبا بطني لازق. بظهري. ...... ايام عيالي اول اطلع من النفاس شكبري ما ارد على طبيعتي الا بعد ٦ شهور هالمره غير غير غير حتى خواتي كانوا متجمعين وزرتهم كاشخه ولابسه ضيج والله انصدموا وقعدوا يقرووون علي ويقولون ما شاء الله السر ياقلبي ( الرضاعه الطبيعيه ) روعه روعه روعه لان الطفل لما يرضع تفقدين سعرات حراريه. واجد والبطن والرحم يرجع مكانه بسرعه صحه. لج قبل الطفل

 

[ام الحلوااات]

ااااااااااااب

 

[Miss1q8]

ام ساره . عسا الله يخليلج عيالج و يحميج من العين .

بس ب ٣ شهور نص جم ضعفتي ك وزن ؟ يعني انا ال ٢٥ كيلو شكثر يبيلي اضعفهم ؟

و هل سويتي رياضه معينه ساعدت علا ادخال البطن والا طبيعي اهو بيرحع ؟

 

[Abraaj]

انا بحمالي زدت 10 كيلو .. ولدت قيصرية.. بس الحمدلله وزني بروحه نزل بدون ريجيم.. بس يبيلة وقت!

لا تخربطين بالنفاس .. خلي اكلج عادي .. وان شاء الله بتردين رشيقة بس يبيلج جم شهر ! انتي ال 25 كيلو زدتيهم اب 9 شهور.. يعني ماراح تنزلينهم بشهر!

و بطني مارد مثل قبل لانه بصراحه ماسويت شي يبيله رياضه !


والكورسيه يصير تلبسينه .. بس تاكدي من دكتورتج عقب اشكثر.. اذكر المشي بس شهر كان مسموح

 

[((غلاي))]

بعد الاربعين سوي رجيم

 

[أم سارا]

انا وزني قبل الحمل ٦٣ مع الحمال اصير ٧٣ ازيد ١٠ كيلو تقريبا في كل حمايلي في عيالي الاولين طلعت من النفاس ٦٦ او٦٧ بس آخر ولاده لمارضعت طبيعي طلعت ٦٢ مع كرشه خفيفه راحت واختفت كليا بعدرفتره بسيطه

 

[أم سارا]

وما سويت رياضه لاني قيصيري وكنت حيل خايفه احسن رياضه الرضااعه الطبيعيه

 

[عقد الذهب]

الله يعينج وهذا كله متن حمل
بس اهم شي بالنفاس تغذي عدل
وبعد الاربعين سوي رجيم

 

[Miss1q8]

حبيباتي ماقصرتو

نبي بعد تجارب

 

[STILL G L A M ~]

انا هم مثلج توني والده قيصري الحمد لله انا نفاس الحين وترا بسرعه ينزل لوزن لان القيصريه 3 ايام ماتاكلين شي بس سوااائل ووايد ضعفت ..

والرضاعه الطبيعيه لها دور

وشربي سواىل دافيه وايد

والله يسهل عليج

 

[جنى q8]

واللي صدرها مافيه حليب وحاولت بكل الطرق انه يدر بس مادر
شتسوي <------- هذي انا

 

[Miss1q8]

جنى كيو ٨

حبيبتي يقولون اكلي اواق نفس بقدونس جرجير يدر و هم يقولون الرهش يدر عدل

 

[هنـــا]

السلام عليكم
حبيبتي انا ولدت قيصري وكنت زايده على وزني فوق الـ 14 كيلو
عقب الولاده نزل وزني بس 6 كيلو حجم الجاهل والمشيمه والماي
بس اول ما بلشت بنفاسي كنت مواظبه على شرب شاي الكمون
ونزل وزني عليه ورجعت اضعف مني قبل

عليج بشاي الكمون و قشر القهوه ( تدقينه وتحمسينه وتحطينه مع القهوه وتشربينه )

وربي يسهل عليج